San Juan 2:2 - Zoque Copainalá New Testament

² 'Yaŋbʌquiajque'tu Jesús, tʌj te' quiʌ'aŋmayeji'ŋda'm te' co'tʌjcajcu'yojmo.

San Juan 2:2 ပူးပေါင်းရင်းမြစ်များ

San Mateo 12:19

Ja'n maŋu quijpu, ni ja'n maŋu quipotoŋu, Ni ya'iwʌ's ja'n maŋu myatoŋjayu jojtu'ŋojmo wyejwejnaquiʌ'.

San Mateo 25:40

Y maŋba 'yaŋdzoŋyaju te' Re'yis: Wiyuŋše'ʌsmij ndzamjaytyamba te' ndo'ya'ŋʌyjaytyamu'cmis iwʌjutiwʌ ʌs cʌmaŋda'mbʌ atzita'm, misʌjte' ndo'ya'ŋʌytyamu.

San Mateo 25:45

Pijche'ca maŋba 'yaŋdzoŋyaju te' Re'yis: Wiyuŋše'ʌsmij ndzamjaytyamba te' jañdyo'ya'ŋʌytyamʌ'cmis iwʌjutiwʌ ʌs cʌmaŋda'mbʌ atzita'm, ʌj misʌjte' jañdyo'ya'ŋʌytyamʌ.

San Juan 2:12

Jʌsa'ca wanaquiaju Capernaum-gumgu'yojmo ñe'cʌ, te' ñanaj, pyotzota'm y tʌj te' quiʌ'aŋmayeta'm. Y tzʌ'yutʌj tey metza tuca'y jama.

San Juan 2:17

Pijche'ctʌs, te' quiʌ'aŋmaye'sta'm, njamwʌtzʌjcutʌs que yʌ'šejte' ja'yʌyu: Jucʌtʌc po'pa ʌs ndzocoy, y ndʌŋga'pa'ʌs nwin wa'ytyij ijtu masa'najcuy mis ndʌjcojmo.

San Juan 2:22

Te'cotoya, winsa'u'c ca'yajupʌ'ojmoc, tʌs te' quiʌ'aŋmaye's njamwʌtzʌjcutʌs que te'šej chamu. Y nwʌ'aŋjamutʌs te' Totojaye y te' Jesujsis chamušej.

San Juan 2:3

Y yaju'cande' vino, Jesujsis ñana's ñʌjayu te' 'Yune Jesús: Ja'ndiyʌta'ma vino.

San Juan 3:22

Cʌtʌjcu'ca yʌ'šejta'mbʌ tiyʌ, minutʌj Jesusji'ŋ Judea-najsojmo tʌs ŋgʌ'aŋmaye-tʌwʌji'ŋda'm. Teytyʌj tzʌ'yu ñe'cʌji'ŋ y nʌ inʌc yajnʌ'yʌ'oyu.

San Juan 4:2

Ñempe Jesús ja'n inʌc yajnʌ'yʌ'oy, te' yajnʌ'yʌ'oyajpapʌ inʌc te' quiʌ'aŋmayeta'mde'.

San Juan 4:33

Pijche'c naquiʌ'aŋwa'cʌtʌjutʌ ne'co'mo: ¿Ñʌminjayusʌ'ŋ cu'tcuy iwʌjutiwʌ's?

San Juan 4:8

Maŋu'cše'ŋoyjtyʌj cumgu'yojmo ŋgʌ'aŋmaye-tʌwʌji'ŋ wa'ytyʌs njuyu cu'tcuy.

San Juan 6:12

Tajšaju'ca te' pʌnda'm, nʌjayutʌj Jesujsis: Piŋdu'mʌytyamʌ te' cu'tcʌchʌ'yʌ uy tyocoyu'ŋmʌjcʌ ni uša'ŋ.

San Juan 6:16

Y nʌ'ca chu'yanʌmu, tʌj te' cʌ'aŋmaye, wanajcutʌj ma'ra'acapoyo'mo.

San Juan 6:60

Y soneta'mbʌ quiʌ'aŋmaye's myatoŋyaju y nʌmyaju: Jene na'chaŋda'mbʌ tiyʌ chamba, ¿iwʌ'sasʌ'ŋ muspa ñʌtu'ŋaju?

San Juan 6:66

Pijche'c chaquiaju Jesús soneta'mbʌ quiʌ'aŋmaye's y jawyijtyajque'tamaj ñe'cʌji'ŋ.

San Juan 6:67

Pijche'ca tʌj, te' macwʌstʌjca'pyʌ quiʌ'aŋmaye, cʌ'aŋwa'cutʌj Jesujsis, y nʌjayutʌj: ¿Sunbaja'ʌj ndzactaŋgue'tu mista'm?

San Juan 6:70

Y aŋdzoŋutʌj Jesujsis: Mijta'm te' macwʌstʌjca'ytya'mbʌ, ʌsmijte' ŋgopiŋdamupʌ. Pero mi'ojmota'm ijtu tumʌ ñʌc'ijtʌyupʌ yatziwʌ's.

San Juan 6:71

Te' Judas te' inʌc nʌ chamu, Simón Iscariote's 'yune, te' maŋbapʌ's inʌc chi'oquia'u. Te'wʌ nʌcma'yʌyupʌte' macwʌstʌjca'pyo'mo.

San Juan 6:8

Tey inʌc ijtu tumʌ te' Jesujsis quiʌ'aŋmaye ñʌjayajpapʌ Andrés, Simón Pedro's pyotzo. Yʌ'wʌ's ñʌjayu Jesús:

San Juan 7:3

Ñʌjayaju pyotzo'sta'm te' Jesús: Tzu'cumʌ yʌy, y mawʌ Judea'ojmo wa'y quieñajque'tu mis ŋgʌ'aŋmaye'sta'm teymʌ tiyʌta'mbʌ tzʌqui mis ndzʌcpa.

Hechos 11:26

Tumʌ ame tzʌ'yaju tey te' tu'mʌquiuyji'ŋ, y 'yaŋmayaju wʌwʌ pʌn. Y tey te' Antioquia'ojmo wina tzo'tzu wa'y ñʌjayatʌju cristianota'm te' cʌ'aŋmayeta'm.

Hechos 11:29

Pijche'ctij quipsaŋgospo'ʌyaju te' cʌ'aŋmaye'sta'm wa'y quiʌ'wejyaju tumin quiʌpa'tyajpaše'ŋ tumduma'ŋbʌ'nis te' Judea'ojmota'mbʌ atzicotoya.

1 Corintios 10:31

Jujche'ŋ nacamij ŋguiu'ttamba, o 'yuctamba, o ndzʌctambamis eyapʌ tiyʌ, tzʌctamʌ mumu wa'y quieju Diojsis myʌja'ŋajcʌ'.

1 Corintios 7:39

Pyʌcpa wa'y chʌ'yu te' co'tʌc-yomo jyayaji'ŋ mientras jaquia'ʌtij. Pero juca ca'pa te' jyayaj, libre'ajwa'a wa'y quio'tʌjcajque'tu juca quejpa eyapʌ wʌ'aŋja'mopyapʌ tʌ Ngomicʌsi.

Colosenses 3:17

Tiyʌta'm mis ndzamdamba y tiyʌta'm mis ndzʌctamba, tzʌctamʌ mumu tʌ Ngomi Jesujsis ñʌquiʌsi. Y nʌ'cmis ndzʌctamu, nʌjaytyamʌ tʌ Ndata Dios: Tatay, yʌscotoya mis ndzʌjcu, ŋgʌ'wejumis te' Cristo.

Hebreos 13:4

Masanbʌ tiyʌte' te' co'tʌjcajcuy, y jene oyepʌ tiyʌte' wa'y ñʌ'ijtu yomo te' pʌ'nis, y wa'y ñʌ'ijtu jyayaj te' yomo's. Pero Diojsis maŋba quiʌme'chaju ispʌquitzʌquiajpapʌ y cʌtzʌjcʌ'oyajpapʌ.

El Apocalipsis 3:20

Yʌtij puertaše'ʌs nʌ ŋgocsu mumu tzocoy wa'yʌj ndʌjcʌyu. Iwʌ'sʌj cʌmato'ŋʌpya y ya'aŋwajpa chocoy wa'yʌj ndʌjcʌyu, maŋba'ʌj ŋgomipʌjcu ñe'cʌji'ŋ.