San Juan 2:19 - Zoque Copainalá New Testament

¹⁹ 'Yaŋdzoŋyaju Jesujsis y nʌmu: Yajtamʌ yʌ' templo, y tuca'y jamacʌsi nyajtzu'cumwʌtzʌcpa'ʌs.

San Juan 2:19 ပူးပေါင်းရင်းမြစ်များ

San Mateo 12:40

Tiju ijtu Jonás te' mʌja coque's chejcojmo tuca'y jama y tuca'ŋdzu'. Te'šej ʌj, te' Pʌ'nis 'Yune, maŋba'ʌj ijtu tza'tʌjcojmo tuca'y jama y tuca'ŋdzu'.

San Mateo 16:21

Pijche'ctʌj tza'maŋwajcʌ'yjayu Jesujsis, tʌj te' quiʌ'aŋmayeta'm. Nʌjayutʌj que ijtu inʌc pyena wa'y myaŋu Jerusale'ŋojmo wa'y maŋu yajtoyapʌquiaju te' tzamupʌndʌcwa'yista'm y te' sacerdote-cowi'na'sta'm y te' aŋgui'mguy-tyayu'sta'm. Pyʌcpa inʌc wa'y yajca'yaju y wa'y wyinsa'u tuca'y jamacʌsi.

San Mateo 27:40

Y nʌmyajpa inʌc: Conque misunde' nju'mbʌ'u te' templo, y tuca'y jamapittij ndzʌcwʌtzʌcpamis. Yʌtij nyajcotzoca ne' nwin. Juca wiyuŋšejmijte' Diojsis 'Yune, wanacʌ te' cruzcʌsi.

San Mateo 27:63

Y nʌmyaju: Señor, muspatʌs que te' aŋgoma'cʌ'opyapʌ Jesús, quenba'cmaj, nʌmu: Tuca'y jamacʌsi maŋba'ʌj nwinsa'u.

San Marcos 14:58

Tʌs matoŋutʌs nʌ'c ñʌmu: Ʌs nju'mbʌ'pa'ʌs yʌ' Diojsis tyemplo, te' pʌ'nis chʌquiajupʌ quiʌ'pit, y tuca'y jamapit ndzʌcpa'ʌs eyawʌ, y ja'n cʌ'pit.

San Marcos 15:29

Y te' tey cʌtʌquiajpawʌ's inʌc qui'tzcu'yajyaju quiopacpit y wyinʌcnʌ'mnʌ'mwʌyaju y nʌmyajpa inʌc: Conque misunde' muspa nju'mbʌ'u te' templo Diojsisñe', y tuca'y jamapittij ndzʌcwʌtzʌcpamis.

San Marcos 8:31

Y 'yaŋma'quiʌ'yaju te' quiʌ'aŋmayeta'm: Ijtupʌte' pyena wa'yʌj ʌj, te' Pʌ'nis 'Yune, ndoyapʌjcu soneta'mbʌ tiyʌcʌsi. Ja'nʌj maŋu pʌjcʌchoŋyaju te' tzamupʌndʌcwa'yis ni te' sacerdote-cowi'na'sta'm ni te' aŋgui'mguy-tyayu'sta'm. Maŋba'ʌj yajca'yaju y maŋba'ʌj nwinsa'u tuca'y jamacʌsi.

San Juan 11:25

Ñʌjayu Jesujsis: Ʌjte' te' yajwinsa'opyapʌ y šajpapʌ's quenguy. Iwʌ'sʌj wʌ'aŋjamba ʌj, ñempe quia'ʌ maŋba itwʌtzʌjque'tutij.

San Juan 5:19

Pijche'ca 'yaŋdzoŋyaju Jesujsis y ñʌjayaju: Wiyuŋše'ʌsmij nwiyuŋdzamjaytyamba: Ʌjte' te' 'Yune y ja'ʌs musi ndzʌjcu yajtiyʌ ne' su'noquiupyit, sino que ŋguengʌspʌcpa'ʌs Ndatajcʌsi. Porque tiyʌ chʌcpa ʌs Ndata's, te'še'ʌs ndzʌjque'tpa ʌs.

Hechos 2:24

Pero yajwinsa'u Diojsis y chʌcʌpʌ'u te' ca'a'ŋis ñuctzʌ'yumʌy, porque te' ca'a'ŋis ja'n inʌc musi yajtzʌ'yu.

Hechos 2:32

Yajwinsa'u Diojsis yʌ' Jesús, y mumu tʌs ŋgotzamba te'šej.

Hechos 3:15

Nyajca'tamumis te' tzi'papʌ'stʌ iscuy-quenguy. Y te'wʌ yajwinsa'u Diojsis ca'yajupʌ'ojmoc, y te' ŋguenupʌ tiyʌtʌs, te'wʌtʌs ndzamba.

Hechos 3:26

Mijcotoyata'm yajminu Diojsis te' 'Yune, y quiʌ'weju wina mi'ojmota'm wa'mij ñicomasa'nʌytyamu y wa'mij nyajtzactamu tumduma'ŋbʌn mista'm nyacha'cuy.

Hechos 6:14

Nʌtʌs inʌc matoŋu nʌ'c ñʌmu que maŋba jyu'mbʌ'u yʌ' templo te' Nazarejtojmopʌ Jesujsis, y que maŋba quiacpʌ'u te' costumbreta'm Moisejsistʌ tzi'yajupʌ.

Romanos 4:24

te'šejtijque' tʌcotoyata'm. Maŋbatʌ nʌcma'yʌtʌjtamu justopʌšej juca nwʌ'aŋjambatʌ te' Dios, te' yajwinsa'upʌ's tʌta'm Ngomi Jesús ca'yajupʌ'ojmoc.

Romanos 6:4

Porque tumʌnipyajwa'ndʌ ñe'cʌji'ŋ quia'a'ŋojmošej nʌ'yʌ'yoquiu'yojmo. Y jujcha' winsa'u te' Cristo ca'yajupʌ'ojmoc Tyata Diojsis myʌja'ŋajcupyit, te'šejtijque' tʌta'm wa'ytyʌ ndu'ŋajtamu jomepʌ quengu'yojmo.

Romanos 8:11

Diojsis yajwinsa'u te' Jesús te' ca'yajupʌ'ojmoc. Y juca ñe' 'Yespiritu ijtu mista'm ndzoco'yojmo, te' Dios, yajwinsa'upʌ's Cristo Jesús ca'yajupʌ'ojmoc, maŋba njyomecotzʌcjayu mista'm ŋgüerpo ca'papʌ ñe' 'Yespiritupit, te' ijtupʌ mi'ojmota'm.

1 Corintios 15:12

Y como ndzamgopuŋbatʌs que Cristo winsa'u ca'yajupʌ'ojmoc, ¿jutza' jeque nʌmyajpa metza tuca'y mi'ojmota'mbʌ que ja'n wyinsa'yay te' ca'yajupʌ?

Colosenses 2:12

Ñʌ'yʌ'oytyamu'cmij, nyajquejtamumis comparacio'ŋojmošej que ñdyumʌtzʌctamumij Cristoji'ŋ ñe' ñipʌtʌjcu'yojmo. Y nyajquejtaŋgue'tu que ñdyumʌtzʌctaŋgue'tumij Cristoji'ŋ ñe' wyinsa'cu'yojmo porque nwʌ'aŋjamdamumis te' mʌja'ŋbʌ Dios yajwinsa'upʌ's Cristo ca'yajupʌ'ojmoc.

1 Pedro 3:18

Cristo's tiju quienu toya tumnaca tʌcotoyata'm. Ñe'cʌ justopʌte' y ca'u ja'n jyustota'mbʌcotoya wa'y yajʌ'cʌ'jayu tʌta'm ŋgowa y wa'ytyʌ yajtʌjcʌytyamu Diojsis wyi'naŋdʌjqui. Wiyuŋšej ca'u Cristo's cuerpo pero Diojsis yajwinsa'jayu. Y te' Cristo's ñe' 'yespiritu itjojcʌtʌcpa.