San Juan 2:18 - Zoque Copainalá New Testament

¹⁸ Y 'yaŋdzoŋyaju judio'sta'm y nʌmyaju: ¿Tiyʌpi'tandʌj nyajquenba que ijtumis aŋgui'mʌtʌjcuy wa'mis yʌšej ndzʌjcu?

San Juan 2:18 ပူးပေါင်းရင်းမြစ်များ

San Mateo 21:23

Tʌjcʌyu Jesús te' templo'ojmo wa'y 'yaŋma'yoyu, y quiʌnu'cʌyaju te' sacerdote-cowi'na'sta'm y tzamupʌndʌcwa'yista'm, y quiʌ'aŋwa'quiaju: ¿Jutzpʌ aŋgui'mʌtʌjcupyi'tayʌ' ndzʌcpa yʌ'šejta'mbʌ tiyʌ? ¿Y iwʌ'sayʌ' ñchi'u yʌ'šejpʌ aŋgui'mʌtʌjcuy?

San Marcos 8:11

Pijche'ca miñaju te' fariseo, minu ñʌquipotoŋgʌ'yaju Jesús. Wa'ytyij 'yoc'išaju, wya'cjayaju wa'y yajqueñaju isaŋwʌ'ajcuy jujcha' señal que ñe'cʌ Diojsiste' quiʌ'wejupʌ tzajpojmoc.

San Lucas 11:29

Y wʌwa'u'cande' te' pʌ'nʌputzi nʌmgʌ'yu Jesús: Yʌ' yʌtijta'mbʌ pʌn yatzita'mbʌyʌ'. Sunba quieñaju isaŋwʌ'ajcuy jujcha' señal, pero ja'ʌs maŋu nyajqueñaju isaŋwʌ'ajcuy jujcha' señal, sino que te' quiʌtʌcjayušej te' Jonás.

San Juan 1:19

Quiʌ'wejyaju te' judio'sta'm sacerdote y levitata'm Jerusale'ŋojmoc wa'y maŋu quiʌ'aŋwa'quiaju Juan: ¿Mij, iwa'mijyʌ'?

San Juan 1:25

Quiʌ'aŋwa'quiajque'tu: ¿Y tiyʌcotoya nyajnʌ'yʌ'opya juca ja'nmijyʌ' Cristo, ni te' Elías, ni te' tza'maŋwa'opyapʌ?

San Juan 6:30

Te'cotoya quiʌ'aŋwa'quiajque'tu Jesús: ¿Tiyʌ isaŋwʌ'ajcu'ya jeque ndzʌcpa mis wa'ytyʌs ŋguenu, y wa'ytyʌsmij nwʌ'aŋjamu? ¿Tiyʌ tzʌqui'a ndzʌcpa mis?

Hechos 4:7

Pijche'ca wyejmiñatʌju ñe'ta'm quiucmʌ te' Pedro y Juan y quiʌ'aŋwa'quiatʌju: ¿Iwʌ'sayʌ' 'yaŋgui'mʌtʌjcupyit, o iwʌ'sja ñʌquiʌsi ndzʌctamu yʌ' isaŋwʌ'ajcuy?

Hechos 5:28

y nʌmu: Aŋgui'mdamwa'ndʌsmij u'yamij 'yaŋma'yoytyamu yʌ' nʌquiʌsi. Pero nyajmustamwa'mis mumu Jerusale'ŋojmota'mbʌ mista'm aŋma'yoquiuy, y sundambamis wa'ytyʌj tʌj ni'aŋba'tyaju yʌ' pʌ'nis ñʌ'pinbit.