San Juan 2:16 - Zoque Copainalá New Testament

¹⁶ Y ñʌjayaju Jesujsis te' mya'ʌyajpapʌ's palomata'm: Yajʌcʌ'tamʌ yʌ' ma'aj. Uy ma'ajcuy tʌcšej tzʌcjaytyame ʌs Ndata Diojsis tyʌc.

San Juan 2:16 ပူးပေါင်းရင်းမြစ်များ

San Mateo 21:12

Y tʌjcʌyu Jesús Diojsis tyemplo'ojmo y myacputpʌ'u jujche'ŋ ma'ajpawʌ y ju'yopyapʌ te' templo'ojmo. Y myucswitu'pʌ'jayaju te' myesata'm nʌmʌy inʌc quiacpʌ'yaju tumin, y te' pocscuytya'm nʌmʌy inʌc mya'ʌyaju palomata'm.

San Mateo 21:13

Y ñʌjayaju: Yʌ'šej ja'yʌyu: Ʌs ndʌc, Dios-oto'ŋʌquiuy tyʌcte'. Pero mista'm nu'mbawʌ's cha'tʌcše'a mis ndzʌcjaytyamu.

San Mateo 22:5

Pero ñe'cʌ'sta'm jachʌcjaya cuenta. Tumduma'ŋbʌ'nis quipsu ñe' yoscuy. Tumʌ maŋu quia'mo'mo, y eyapʌ maŋu mya'aju.

San Marcos 11:17

Y chamnʌctʌ'yaju y ñʌjayaju: Ja'nja mustame que yʌ'šej ja'yʌyu: Ʌs ndʌc, Dios-oto'ŋʌquiuy tyʌcte' mumu pʌngotoya. Pero mista'm nu'mbawʌ's cha'tʌcše'a mis ndzʌcjaytyamu.

San Lucas 2:49

Pijche'ca Jesujsis ñʌjayaju: ¿Tiya'a? ¿Tiyajca'mʌjte' me'tztamba? ¿Ja'nja mustame que ʌs Ndata's yoscu'yojmo pyʌcpa wa'yʌj ijtu?

San Juan 10:29

Ʌs Ndata'sʌjte' tzi'yaju ʌs mbʌnda'm. Y ʌs Ndataj mʌja'ŋbʌte', y ya'iwʌ's ja'n musi yajʌcʌ'jayaju ñe' quiʌ'ojmoc.

San Juan 2:15

Y chʌjcu tzapyʌ nacsoquiuy y myacputpʌ'yaju mumu te' templo'ojmoc. Y myacputpʌ'u jujche'ŋ mya'ʌyajpapʌ's inʌc ñchowambe y cabrestu te' templo'ojmo. Y 'yumbʌ'pʌ'wʌyjayaju te' tyumin cacpʌ'oyajpapʌ'sñe', y myucswitu'pʌ'jayaju te' myesata'm.

San Juan 20:17

Y ñʌjayu Jesujsis: U'yʌj pi'quisi, porque jaqui'mʌma'ʌj tzajpojmo Ndata'ŋʌ. Pero mawʌ ijtyajumʌy te' atzita'm, y tzamjaya: Maŋbama'ʌj ŋgui'mu Ndata'ŋʌ, tʌta'm Dios. Maŋbama'ʌj ŋgui'mu Diosaŋʌ, tʌta'm Ndataj.

San Juan 5:17

'Yaŋdzoŋyaju Jesujsis: Ʌs Ndata Dios nʌtij yojsu, y yosque'tpa'ʌj ʌj.

San Juan 8:49

Aŋdzoŋu Jesús: Ʌj jañʌc'ijtʌ'ʌj yatzi-espiritu's, sino que ŋgʌna'tzʌpya'ʌs Ndataj. Pero mista'm ja'nmisʌj ŋgʌna'tzʌytyame.

1 Timoteo 6:5

Putque'tpa yajqui'šca'opyapʌ tiyʌ entre pʌ'nojmota'm, te' tocoyajupʌ'sa quipsoquiuy y ja'n pyʌjcʌchoŋyapyʌ's wiyuŋbʌ tiyʌ. Yʌ'ta'mbʌ's quiomʌ'yajpa que te' Dios-cʌna'tzʌ'oquiupyit maŋba pya'tyaju itʌpa'tcuy. Tzaquia te'šejta'mbʌ.

2 Pedro 2:3

Te'ta'mbʌ sujchajpapʌ's quipsaŋgospo'ʌyajpa jutzmij wa'y 'yaŋgoma'cʌpʌcʌtʌjtamu y ñe'cʌji'ŋamij ñdyumʌ'ittamu'c, coyowacʌsimij ñchʌcjatʌjtamba mumutiyʌ. Pero ya'ajca Diojsis quipsu wa'y yajnʌco'aŋgʌyaju yʌ'šejta'mbʌ pʌn y ja'n maŋu jyambʌ'u ñe'cʌ's quipsušej.