San Juan 2:12 - Zoque Copainalá New Testament

¹² Jʌsa'ca wanaquiaju Capernaum-gumgu'yojmo ñe'cʌ, te' ñanaj, pyotzota'm y tʌj te' quiʌ'aŋmayeta'm. Y tzʌ'yutʌj tey metza tuca'y jama.

San Juan 2:12 ပူးပေါင်းရင်းမြစ်များ

San Mateo 11:23

Y mij, Capernaum-itita'm, ¿sunbaja ŋgʌpa'ttamu tzap? Hasta infierno'ojmomij maŋba nyajwanacʌtʌjtamu. Porque soneta'mbʌ isaŋwʌ'ajcuy mis ŋguendamu mis ŋgumgu'yojmo. Juca inʌc quieñaju Sodoma-iti'sta'm mis ŋguendamupʌ isaŋwʌ'ajcuy tzʌ'yu inʌc te' cumguy hasta yʌ' jamo'oyjtya'm.

San Mateo 12:46

Teytyij nʌ 'yoto'ŋʌyaju'c te' pʌnda'm Jesujsis, nu'quiaju fuera'ojmoc ñe' ñanaj y pyotzota'm. Sunba inʌc 'yoto'ŋʌyaju.

San Mateo 4:13

Y tzu'cumu te' Nazaret-cumgu'yojmo y maŋu ijtu Capernaum-gumgu'yojmo ma'ra'acapoyo'oyj ijtupʌ, Zabulón y Naftali-najsojmo.

San Marcos 6:3

¿Ja'njate' yʌ'wʌ te' cuytyayu, te' Maria's 'yune? ¿Ja'njate' yʌ'wʌ's pyotzota'm Jacobo, José, Judas y Simón? ¿Y ja'njate' yʌytya'mbʌ iti mumu te' yomojta'mbʌ pyotzo? Y japyʌjcʌchoŋya.

San Juan 2:2

'Yaŋbʌquiajque'tu Jesús, tʌj te' quiʌ'aŋmayeji'ŋda'm te' co'tʌjcajcu'yojmo.

San Juan 4:46

Minwʌtzʌjque'tutij Jesús Galilea'ojmopʌ Cana-cumgu'yojmo te' chʌjcumʌy vino nʌ'pit. Y ijtu inʌc Capernaum-gumgu'yojmo tumʌ co'aŋgui'moye re'yisñe', ca'epʌ's inʌc 'yune.

San Juan 6:17

Tʌjcʌyutʌj barco'ojmo y nyajtu'ŋajcʌ'yutʌs wa'ytyʌs njajcu te' mar wa'ytyʌj nu'cu Capernaum-gumgu'yojmo. Pi'tza' inʌc y Jesús ja'n inʌc quieye.

1 Corintios 9:5

¿Ja'nsʌ'ŋdʌs musi nʌ'ijtu tʌs nyomo wʌ'aŋja'mopyapʌ wa'ytyʌs mujsu nʌwijtyaju jujcha' eyata'mbʌ cʌ'we'ista'm, y jujcha' tʌ Ngomi's pyotzo'sta'm y te' Cefajsis?

Gálatas 1:19

Pero jaŋguiena'ʌs eyata'mbʌ cʌ'wej más que te' Jacobo tʌ Ngomi's pyotzo.