San Juan 2:11 - Zoque Copainalá New Testament

¹¹ Yʌ'wʌte' te' winbʌ isaŋwʌ'ajcuy chʌjcupʌ Jesujsis Galilea'ojmopʌ Cana-cumgu'yojmo. Tey yajqueju myʌja'ŋajcʌ', y wyʌ'aŋjamyaju ñe'cʌ quiʌ'aŋmaye'sta'm.

San Juan 2:11 ပူးပေါင်းရင်းမြစ်များ

San Juan 1:14

Te' Diojsis Chame pʌnwitu'u, y ñe'cʌ tiju wyijtu quia'ŋu tʌ'ojmota'm, wiyuŋdzambapʌ pʌn jyo'ʌyupʌ yajya'moquiu'yis. Nguenjayutʌs myʌja'ŋajcʌ', jujcha' tʌŋdumʌ une chi'pa mʌja'ŋajcʌ' tyata's.

San Juan 1:17

Tʌjcʌyu te' aŋgui'mguy Moisespit. Pero Jesucristopitte' tʌjcʌyu te' yajya'moquiuy y te' wiyuŋbʌ tiyʌ.

San Juan 1:43

Jo'pit sunu myawʌ Jesús Galilea'ojmo, y choŋu Felipe, y ñʌjayu: Co'ŋa'ʌj.

San Juan 1:50

Jesujsis 'yaŋdzoŋgue'tu: Porque nʌjayu'ʌsmij: Higo-cu'yucʌ'mʌmajmij ijtu'c ŋguenu'ʌsmij, ¿te'cotoyamisʌj wʌ'aŋjamba? Más maya'aŋda'mbʌ tiyʌmis maŋba ŋguenu.

San Juan 10:41

Sone pʌ'nis inʌc quiʌ'minba tey. Y nʌmyajpa inʌc: Wiyuŋšej jachʌcʌ Jua'ŋis nijutzpʌ isaŋwʌ'ajcuy. Pero mumu tiyʌta'm chamu Jua'ŋis yʌ' Jesuscʌsipʌ, wiyuŋbʌ tiyʌte'.

San Juan 11:15

Y nʌmu: Nʌ'omba'ʌs que ja'ndiyʌ inʌjcʌj tey ca'u'c, mista'mde' oye'ajcuquiotoya wa'y pyaquipʌjcu mista'm nwʌ'aŋja'moquiuy. Yʌtij ma'nta'm ijtumʌy te' ca'uwʌ.

San Juan 11:47

Pijche'ca te' sacerdote-cowi'na'sta'm y fariseo'sta'm yajtu'mʌyaju aŋgui'myajpapʌ tyʌwʌ, y ñʌjayaju: Tʌta'm, ¿tiya'ndʌ nʌ ndzʌctamu? Porque yʌ' pʌ'nis jene chʌcpa isaŋwʌ'ajcuy.

San Juan 12:18

Te'cotoyate' maŋu choŋyaju te' pʌ'nista'm Jesús. Porque myujšaju'cande' que ñe'cʌ's chʌjcu yʌ' isaŋwʌ'ajcuy.

San Juan 12:37

Ñempe chʌjcu Jesujsis sone isaŋwʌ'ajcuy ñe'ta'm wyi'naŋdʌjqui jawyʌ'aŋjamya.

San Juan 12:41

Yʌ'šejta'mbʌ tiyʌ chamu Isaiajsis quienjayu'c tʌ Ngomi's chi'muŋgʌ', y te'šej chamu ñe'cʌ.

San Juan 14:13

Y tiyʌta'm mis nwa'cjaytyamba ʌs Ndataj ʌs nʌquiʌsi, te'wʌ ʌs maŋba ndzʌjcu. Te'še'ʌs maŋba ndzʌjcu wa'y quieju ʌs Ndata Diojsis myʌja'ŋajcuy ʌj, te' 'Yunepit.

San Juan 16:27

Ja'nʌs ojquita'e porque šundambamij ʌs Ndata's, porque mista'm sundamumisʌj ʌj, y nwʌ'aŋjamdamumis que Diosaŋʌcʌjyʌ' tzu'cumu.

San Juan 16:30

Yʌtij nʌctʌ'pyatʌs que muspʌ'pamis mumutiyʌ, y ja'ndiyʌ pyena wa'mij ŋguiʌ'aŋwa'cu ya'iwʌ's. Yʌ'wʌcʌsi nwʌ'aŋjambatʌs que Diosaŋʌcmijyʌ' ñchu'cumu.

San Juan 2:1

Y tuca'y jamacʌsi quiosʌ'ŋajyaju co'tʌjcajcuy Galilea'ojmopʌ Cana-cumgu'yojmo. Y tey inʌc ijtu Jesujsis ñanaj.

San Juan 2:23

Jerusale'ŋojmo ijtu'c Jesús pascua-sʌ'ŋoyj wyʌ'aŋjamyaju wʌwʌta'mbʌ's que ñe'cʌte' te' Mesías, quienjayaju'ca isaŋwʌ'ajcuy nʌ inʌc chʌjcupʌ.

San Juan 3:2

Yʌ'wʌ's minu 'yoto'ŋʌyu Jesús tzu'cʌsi, y ñʌjayu: Maestro, muspatʌs que Diojsismijyʌ' ŋguiʌ'weju wa'mij 'yaŋma'yoyu, porque ya'iwʌ's ja'n musi chʌjcu isaŋwʌ'ajcuy mis ndzʌcpašej juca ja'n quiotzowe Diojsis.

San Juan 4:3

Ñʌctʌ'yu jeque, yʌ'šej Jesujsis, y tzu'cumu tey Judea-najsojmoc y maŋwʌtzʌjque'tutij Galilea'ojmo.

San Juan 4:46

Minwʌtzʌjque'tutij Jesús Galilea'ojmopʌ Cana-cumgu'yojmo te' chʌjcumʌy vino nʌ'pit. Y ijtu inʌc Capernaum-gumgu'yojmo tumʌ co'aŋgui'moye re'yisñe', ca'epʌ's inʌc 'yune.

San Juan 4:54

Tzu'cumu Jesús Judea-najsojmoc y nu'cu te' Galilea-najsojmo. Pijche'cte' chʌjcu yʌ' metzo'mopʌ isaŋwʌ'ajcuy.

San Juan 5:23

Yʌ'šej chʌjcu wa'yʌj cʌna'tzʌyaju ʌj jujcha' quiʌna'tzʌyajpa ñe'cʌ ʌs Ndata Dios. Iwʌ'sʌj ja'n cʌna'tzʌy ʌj, te' 'Yune, ja'n quiʌna'tzʌyjay ʌs Ndataj cʌ'wejupʌ'sʌj.

San Juan 6:14

Quieñaju te' pʌ'nista'm te' isaŋwʌ'ajcuy chʌjcupʌ Jesujsis. Te'cotoya nʌmyaju: Wiyuŋšej yʌ'wʌte' te' tza'maŋwa'oye maŋba inʌc minupʌ najsacopajcʌsi.

San Juan 6:2

Nʌ inʌc quio'ŋu Jesús wʌwʌ pʌ'nis porque quieñaju jutz inʌc chʌcpa isaŋwʌ'ajcuy wa'y yajtzojcu ca'eta'mbʌ.

San Juan 6:26

'Yaŋdzoŋyaju Jesujsis: Wiyuŋše'ʌsmij nwiyuŋdzamjaytyamba: Nʌmisʌj me'tztamu ja'n porque nʌmis ŋguendamu ʌs ndzʌjcupʌ isaŋwʌ'ajcuy. Me'tztambamisʌj porque mbʌ'nʌytyamu'ʌsmij hasta que ñdyastamumij.

San Juan 6:30

Te'cotoya quiʌ'aŋwa'quiajque'tu Jesús: ¿Tiyʌ isaŋwʌ'ajcu'ya jeque ndzʌcpa mis wa'ytyʌs ŋguenu, y wa'ytyʌsmij nwʌ'aŋjamu? ¿Tiyʌ tzʌqui'a ndzʌcpa mis?

San Juan 7:31

Y wyʌ'aŋjamyaju ñe'cʌ wʌwʌ pʌ'nista'm y nʌmyajpa inʌc: Minba'ca te' Cristo, ¿maŋbasʌ'ŋ chʌjcu más isaŋwʌ'ajcuy que ja'n yʌ'wʌ's?

San Juan 9:16

Pijche'ca metza tuca'y te' fariseo nʌmyajpa inʌc: Te' cho'yʌyupʌ's ja'nde' Diojsis quiʌ'weju porque ja'n quiojame sábado. Eyata'mbʌ nʌmyajpa inʌc: ¿Jutza' jeque muspa chʌjcu yʌ'šejta'mbʌ isaŋwʌ'ajcuy cowatzʌquipʌ pʌ'nis? Y quipotoŋgʌ'yaju ñe'co'mo.

2 Corintios 3:18

Te'cotoya jʌcʌ'pʌ'u'ca te' windoc, ŋguenjaytyambatʌ tʌ Ngomi's chi'muŋgʌ'. Y ñe'cʌ'stʌ cacpʌ'pa wa'ytyʌ nʌ'itjayu ñe' chocoy y itcuy, hasta que yajcota'nbatʌ te' ñe' chi'muŋgʌ'ojmo. Tʌ Ngomi'ste' 'Yespiritu's chʌcpa yʌ'šej.

2 Corintios 4:17

Porque yʌtijtʌs nʌ ŋguenupʌ toya chʌlʌy horacotoya. Te'wʌ's nʌtʌj nimejcʌyjayu maya'aŋbʌ y ja'n yayepʌ mʌja'ŋajcuy.

2 Corintios 4:6

Aŋgui'mu Dios wa'y šʌ'ŋjojpajcu sʌ'ŋgʌ' pi'tza'ŋajcʌ'ojmo. Yʌ' Dios sʌ'ŋjojpajcu tʌ ndzoco'yojmo wa'ytyʌ tzi'u nʌctʌ'yoquiuy. Yʌ'šej chʌjcu wa'ytyʌ musjayu Diojsis myʌja'ŋajcuy. Yʌ' mʌja'ŋajcuy tʌ ŋguendamba Jesucristo's wyinnacacʌsi.

1 Juan 5:13

Yʌ'šejta'mbʌ tiya'mʌsmij njayjaytyamu porque nwʌ'aŋjamdambamis te' Diojsis 'Yune, y wa'mis mustamu que nʌ'ittamumis ja'n yayepʌ quenguy, y wa'mis tumʌtzocoy nwʌ'aŋjamdamu te' Diojsis 'Yune.