San Juan 19:6 - Zoque Copainalá New Testament

⁶ Y quieñaju'ctij sacerdote-cowi'na'sta'm y soldado'sta'm, weju'c nʌmyaju: Ma'mʌ cruzcʌsi, ma'mʌ cruzcʌsi. Ñʌjayaju Pilato's: Nuctamʌ ne'cʌ, y ma ma'mdamʌ cruzcʌsi, porque ʌs ja'ʌs mba'tjay nijutzpʌ quiowa.

San Juan 19:6 ပူးပေါင်းရင်းမြစ်များ

San Mateo 26:58

Pero ya'amyʌctij inʌc nʌ quio'ŋu Jesús te' Pedro's, hasta que nu'cu te' mʌja'ŋbʌ sacerdote's 'yaŋgo'oyj. Tʌjcʌyu jojmo, y maŋu pyocsu te' coyosaji'ŋda'm wa'y quienu tiyʌ inʌc chʌcjayajpa Jesús.

San Mateo 27:22

Pilato's ñʌjayaju: Y yʌ' Jesús, ñʌjayajpapʌ Cristo, ¿tiya'mʌs jeque nʌtzʌcpa? Y aŋdzoŋyaju myuma'ŋgʌ'y: Yajma'mʌtʌ cruzcʌsi.

San Mateo 27:24

Quienu Pilato's que ja'n inʌc ñʌctʌ'yay, sino que más wocwitu'yaju. Pijche'ca pyʌjcu nʌ' y che'u quiʌ' te' pʌ'nista'm wyi'naŋdʌjqui, y nʌmu: Yʌ'wʌ ja'nyʌ' ʌs ŋgowa juca nyajca'tambamis yʌ' justopʌ pʌn. Te'ya quendamʌ ne'cʌ tiyʌmis ndzʌctamba.

San Lucas 23:4

Pilato's ñʌjayaju te' sacerdote-cowi'nata'm y te' pʌnda'm: Yajtiyʌ cowa ja'ʌs mba'tjay yʌ' pʌ'nisñe'.

San Juan 18:3

Tey ñʌnu'quiaju te' Judajsis sone soldado y policiata'm quiʌ'wejyajupʌ sacerdote-cowi'na'sta'm y fariseo'sta'm. Ñʌmiñaju šʌ'ŋgʌ', chin-no'e y cuy te' quiʌ'ojmota'm.

San Juan 18:31

Pijche'ca ñʌjayaju Pilato's: Nʌmaŋdamʌ y cʌme'tztamʌ ne'cʌ mista'mne' aŋgui'mgupyit. Pero te' judiota'm nʌmyaju: Ja'ndiyʌ tʌs aŋgui'mʌtʌjcuy wa'ytyʌ nyajca'oyu.

San Juan 18:38

Ñʌjayu Pilato's: ¿Tiya' jeque te' wiyuŋbʌ tiyʌ? Y nʌmu'ca yʌ'šej, putwʌtzʌjque'tu judio'aŋita'm, y minu ñʌjayaju: Ʌs ja'ʌs mba'tjay quiowa nijutzpʌ.

San Juan 19:15

Pero ñe'cʌ'sta'm weju'c ñʌjayaju: Yajʌcʌ'ʌ tey, yajʌcʌ'ʌ tey, ma'mʌ cruzcʌsi. Ñʌjayaju Pilato's: ¿Maŋbaja'ʌs ma'mʌyjayu cruzcʌsi mista'm Rey? Aŋdzoŋyaju sacerdote-cowi'nata'm: Ja'ndiyʌ eyapʌ tʌs rey juca ja'n César.

San Juan 19:4

Pijche'ca putwʌtzʌjque'tu Pilato, y minu ñʌjayaju: Yʌ'yʌsmij nʌ nʌminjaytyamu fuera'ojmoc wa'mis nʌctʌ'ytyamu que nijutzpʌ quiowa ja'ʌs mba'tjay.

Hechos 2:23

Yʌ' Jesús chi'oquia'yaju quipsaŋgospo'ʌyušej y ñimejcʌyušej Diojsis wa'y tyujcu. Y yʌ'wʌ nuctamumis y ma'mga'tamumis cruzcʌsi yatzita'mbʌ pʌ'nis quiʌ'pit.

Hechos 7:52

¿Jutipʌ tza'maŋwa'oye'a janyacsnutzʌquia mista'm ndata's? Y yajca'yatʌju te' chamgopuŋyajupʌ's que maŋba inʌc minu te' Justopʌ. Y yʌ'wʌ ndzi'oquiu'ya'tamumis y nyajca'tamumis.