San Juan 19:39 - Zoque Copainalá New Testament

³⁹ Y mingue'tu Nicodemo, te' tumnaca quiʌ'tijupʌ's Jesús tzu'cʌsi. Ñʌminu wʌtzʌjcupʌ mirra-omoma y aloespʌ mojsi's libraše'ŋoyj.

San Juan 19:39 ပူးပေါင်းရင်းမြစ်များ

San Mateo 12:20

Juca ijtu pʌn mochipʌ's wyʌ'aŋjamguy jujcha' mochi tzinindʌjcʌyupʌ cape, ñe'cʌ's maŋba pyʌmitzi'u. Juca ijtu pʌn ja'nʌj yosjapyʌ's oye jujcha' candil-chi'mchi'mnapyapʌ ja'n yosepʌ oye, ñe'cʌ's maŋba quiotzoŋu. Te'šej maŋba chʌjcu hasta que tucta'nbʌ'pa justopʌ tiyʌ.

San Mateo 19:30

Pero wʌwʌ te' yʌtijta'mbʌ cowi'na maŋba quiʌma'ŋajyaju. Y te' yʌtij cʌmaŋda'mbʌ maŋba quiowi'najyaju.

San Mateo 2:11

Y tʌjcʌyaju'c te' tʌjcojmo, quieñaju te' une ñana Mariaji'ŋ, y cutcʌne'quiaju y quiʌna'tzʌyaju te' une. Ya'aŋwajyaju te' quiojtoquiuytya'm y chi'yaju oro, pomoj y mirra.

San Marcos 16:1

Cʌtʌjcu'ca te' sabado-jama, María te' Magdala-cumgu'yojmowʌ y Salomé y María te' Jacobo's ñanaj maŋu jyuyaju te' omoma wa'y maŋu jyasjayaju te' Jesujsis cuerpo.

San Juan 12:3

Pijche'ca Maria's pyʌjcu tumʌ libra jajsoquiuy cʌ'wingʌ'pyʌ nardo-omoma, wʌwʌ coyowapʌ. Y jyasjayu Jesujsis ñe'ŋbac y quiomocjayu wyapyit. Y entero tʌjcaju te' nardo-omoma.

San Juan 12:7

Pijche'ca Jesujsis ñʌjayu: Tzacʌ te' yomo porque quioquenu yʌ' jajsoquiuy wa'yʌj jajsu winatij porque maŋba'ʌj nipyaju.