San Juan 19:30 - Zoque Copainalá New Testament

³⁰ Y myu'cu'ctij Jesujsis te' vinagre, nʌmu: Ndzʌcta'nbʌ'wa'mʌs nyoscuy. Pijche'c yajmujquejcu quiopac y chi'oquia'u 'yespiritu Dioscʌsi, y ca'u.

San Juan 19:30 ပူးပေါင်းရင်းမြစ်များ

San Mateo 20:28

Jujcha' ʌj, te' Pʌ'nis 'Yune, jaminʌ'ʌj wa'yʌj yosjayaju, sino que minu'ʌj wa'yʌs coyospawʌšej ndzʌjcu nwin. Y minu'ʌs ndzi'oquia'u nwin wa'yʌs njupyujtyaju wʌwʌ pʌn.

San Mateo 27:50

Pero Jesús wejqui'mwʌtzʌjcu y chi'oquia'u te' 'yespiritu Dioscʌsi, y ca'u.

San Mateo 3:15

Pijche'ca Jesujsis 'yaŋdzoŋu: Yajnʌ'yʌ'ʌj. Yʌ'šej pyʌcpa wa'ytyʌ ndzʌcta'nu chamušej Diojsis. Pijche'ca yajnʌ'yʌyu Jua'ŋis.

San Marcos 15:37

Pijche'ca Jesús maya'aŋ weju y ca'u.

San Lucas 22:37

Porque ʌsmij nʌjaytyamba que ijtupʌte' pyena wa'y tyujcumaj ʌjcʌsi te' ja'yʌyušej: Yatzita'mbʌji'ŋ ñʌcma'yʌyaju, porque ja'yʌyajuše'ʌj, maŋbapʌte' tyujcu.

San Lucas 23:46

Pijche'ca maya'aŋ weju Jesús y nʌmu: Tatay, nitza'mʌpya'ʌs espíritu mijcʌsi. Yʌ'še'a nʌmu'c, ca'u.

San Juan 10:11

Ʌjte' te' oyepʌ coque'noye. Y ʌs ndzi'oquia'pa'ʌs nwin ñchowambecotoyata'm, sunba'ʌjte' nʌmu pʌngotoyata'm.

San Juan 10:18

Ya'iwʌ'sʌj ja'n musi yajca'u, sino que ne' su'noquiupyi'tʌste' ndzi'oquia'pa nwin. Ijtu ʌs aŋgui'mʌtʌjcuy wa'yʌs ndzi'oquia'u nwin, y ijtu ʌs aŋgui'mʌtʌjcuy wa'yʌj nwinsa'wʌtzʌjcu. Yʌ'šejpʌ aŋgui'mʌtʌjcu'yʌj tzi'u Ndata's.

San Juan 17:4

Ʌs nyajqueñajwa'mʌs najsacopajcʌsita'mbʌ pʌn mis mʌja'ŋajcuy. Nyajta'nwa'mʌs te' yoscuy aŋgui'mušejmisʌj wa'yʌs ndzʌjcu.

San Juan 19:28

Pijche'ca Jesujsis ñʌctʌ'yu que chʌcta'nbʌ'wa'a ñe' yoscuy najsacopajcʌsi, y wa'y tyujcu te' chambašej te' Totojaye's, pijche'ca nʌmu: Yoctʌtzpa'ʌj.

San Juan 4:34

Nʌjayutʌj Jesujsis: Ʌs, cu'tcuyše'ʌs nʌ'ijtu wa'yʌs ndzʌcjayu ʌs Ndata Diojsis šu'noquiuy. Porque ñe'cʌ'sʌjyʌ' cʌ'weju, y sunba'ʌs nyajtucjayu ñe' yoscuy.

Romanos 10:4

Te' aŋgui'mgu'yis ja'ndʌ musi justococojtu, pero Cristo's jyustococotpa mumu jujche'ŋ wyʌ'aŋjambapʌ's.

Romanos 3:25

Y yʌ' Jesús chi'oquia'u Diojsis wa'y quioyojayu tʌta'm ŋgowa ñe' ñʌ'pinbit ca'u'c cruzcʌsi, y te'wʌ mbʌjcʌchoŋbatʌ wʌ'aŋjamgupyit. Yʌ'šej chʌjcu Diojsis wa'y yajqueju ñe' jyusticia, porque myatzcomʌ'nu 'yucaŋgʌ'mʌc te' ya'acta'mbʌ cowa ñe' pyacienciapit.

1 Corintios 5:7

Yajʌcʌ'jaytyamʌ jeque te' pecapʌ levadura wa'mij jomepʌ mbyanwaye'ajtamu jujcha' ja'ndiyʌpʌ's lyevadura. Porque yajca'yajwa'a te' Cristo jujcha' tʌta'm ñchowambe pascua-jamacotoya.

Filipenses 2:8

Y yʌy najsacopajcʌsi'a ijtu'c pʌnšej, yajyumi'aju wyin, y myato'ŋoyjayu Dios mumutiyʌcʌsi. Y chi'oquia'u wyin wa'y yajca'yaju. Y cruzcʌsi ca'u.

Hebreos 12:2

uytyʌ ŋguendocoytyamu Jesús quiojtupʌ's te' wʌ'aŋja'moquiuy tʌta'm ndzoco'yojmo. Ñe'cʌ'stʌ maŋba yajwʌ'aŋjamjojcʌtʌjcu. Jañʌctza'a'ʌ wa'y yajca'yaju cruzcʌsi porque myujsu que jʌsa'ca maŋba inʌc 'yomdzocopyajcu. Y yʌtij pocspajcu Diojsis chʌ'na'ŋoyj nimeque'ctijpʌ mʌja'ŋajcu'yojmo.

Hebreos 9:22

Y te' aŋgui'mgu'yis chamba que casi mumutiyʌ pyʌcpa wa'y nʌ'pinbit quiowaju. Porque Diojsis ja'n maŋu yajcotocoyjayu ya'iwʌ's quiowa juca ja'n 'yumbʌ'i nʌ'pin.