San Juan 19:13 - Zoque Copainalá New Testament

¹³ Pilato's myatoŋu yʌ'šejta'mbʌ tiyʌ. Pijche'c ñʌca'ŋbutwʌtzʌjcu Jesús, y maŋu pyocsu cʌme'tzoquiuy-pyocscu'yojmo ñʌjayajpapʌ inʌc mosaico ojcapse-lugar, y judio-otowe'ojmoc ñʌjayajpapʌ inʌc Gabata.

San Juan 19:13 ပူးပေါင်းရင်းမြစ်များ

San Mateo 27:19

Y teymʌ pocsu'c te' cʌme'tzopyamʌy, te' ñe' yomo's quiʌ'weju tuma'ŋbʌn wa'y yʌ'šej minu ñʌjayu: Uytyejcamis nyacsnutzʌjcu te' justopʌ pʌn, porque tzu'uc na'cha'ŋʌj yajnapašʌyu ñe'cʌ's.

San Lucas 12:5

Pero maŋba'ʌsmij ndzamjaytyamu iwʌ mis wa'y na'tztamu: Na'tztamʌ te' muspapʌ'smij ñdyʌŋdʌjcʌyu infierno'ojmo yajʌcʌ'jayu'ca mista'm ŋguenguy. Te'še'ʌsmij ndzamjaytyamba: Te'wʌ jʌ'ʌ, na'tztamʌ.

San Juan 19:17

Y ñe'cʌ yajtzʌmyaju te' cruz wa'y ñʌmaŋu te' ñʌjayajpamʌy: Ca'uwʌ coy'awa pac, pero judio-otowe'ojmoc ñʌjayajpapʌ Gólgota.

San Juan 19:20

Y sone judio'sta'm tyu'ñaju te' ja'yʌyupʌ tiyʌ porque te' tijumʌy mya'mʌyaju Jesús cruzcʌsi tome inʌc quienba te' Jerusalén. Y ja'yʌyu inʌc judio-otowe'ojmoc, griego'ojmoc y lati'ŋojmoc.

San Juan 19:8

Y myatoŋu'ca Pilato's jutz nʌmyaju na'tzaŋgʌtʌjcu.

San Juan 5:2

Y Jerusale'ŋojmo ijtu inʌc tanque tomemʌy ñchowambe'sta'm tyʌjcʌquiuy, judio-otowe'ojmo ñʌjayajpapʌ inʌc Betesda, quiʌne'ŋupʌ mosa'pyʌ setze's.

Hechos 4:19

Pijche'ca 'yaŋdzoŋyaju te' Pedro's y te' Jua'ŋis y nʌmyaju: Cʌme'tztamʌ juca oye Diojsis wyi'naŋdʌjqui wa'ytyʌsmij mij mato'ŋoyjaytyamu y ja'n Dios.