San Juan 19:11 - Zoque Copainalá New Testament

¹¹ Aŋdzoŋu Jesús: Nijutzpʌ aŋgui'mʌtʌjcuy mis inʌc jañʌ'itʌ ʌjcʌsi, juca inʌcmij jañchi'ʌ tzajpojmopʌ Diojsis. Te'cotoya te' tzi'oquia'upʌ'sʌj mijcʌsi más ijtu quiowa que ja'n mij.

San Juan 19:11 ပူးပေါင်းရင်းမြစ်များ

San Mateo 26:65

Pijche'cande' te' mʌja'ŋbʌ sacerdote's, myatoŋu'ctij te'šej, chijtzu pyama y nʌmu: Nʌ 'yotowewʌ'ajayu Dios, porque Diosšej chʌcpa wyin. ¿Tiyajcandʌ me'tztaŋgue'tpamaj testigos? Yʌtij ne'cʌ mis matoŋdamwa'a jutz 'yotowewʌ'ajayu Dios.

San Mateo 27:2

Y ši'nʌmaŋyaju wa'y chi'oquia'yaju Poncio Pilatocʌsi, porque gobernadorte' inʌc ñe'cʌ.

San Mateo 6:13

Uytyʌj yajtʌjcʌy oc'išajpamʌytyʌj, Sino que yajcotzocatʌj yacha'cu'yojmoc. Porque mijte' 'yaŋgui'mopyapʌ y te' mʌja'ŋbʌ y te' pyʌcpapʌ's wa'ytyʌ nwʌcotzamu mumu jamacotoya. Amén.

San Marcos 14:44

Y te' Judajsis chamjayaju'ctya'nde' inʌc te'ta'mbʌ jutz inʌc maŋba chi'oquia'u, yʌ'šej ñʌjayaju'c: Jutiwʌ'ʌs su'cpa, te'wʌte'. Nuctamʌ oye'c, y nʌmaŋdamʌ uy maŋu pyoyu.

San Lucas 22:53

Tumdumʌ jama inʌjcʌj itpa miji'ŋda'm te' templo'ojmo y jañuctamʌmisʌj. Pero yʌtijte' te' hora wa'y yojsu miji'ŋda'm te' pi'tza'ŋajcu'yis quiomi.

San Juan 18:13

y ñʌmaŋyaju wina Anajsis wyi'naŋdʌjqui, porque myo'otte' inʌc Caifajsis. Yʌ'wʌte' te' mʌja'ŋbʌ sacerdote te' ame'oyj.

San Juan 18:3

Tey ñʌnu'quiaju te' Judajsis sone soldado y policiata'm quiʌ'wejyajupʌ sacerdote-cowi'na'sta'm y fariseo'sta'm. Ñʌmiñaju šʌ'ŋgʌ', chin-no'e y cuy te' quiʌ'ojmota'm.

San Juan 19:10

Pijche'ca ñʌjayu Pilato's: ¿Y ja'nja aŋdzowe ʌj? ¿Ja'nja musi que ijtu ʌs aŋgui'mʌtʌjcuy wa'yʌsmij nyajma'mʌtʌju cruzcʌsi, y ijtu ʌs aŋgui'mʌtʌjcuy wa'yʌsmij ndzʌcʌpʌ'u?

San Juan 3:27

'Yaŋdzoŋyaju Jua'ŋis: Ni'iwʌ pʌ'nis ja'n musi ijtu 'yaŋgui'mʌtʌjcuy juca ja'n chi'i Diojsis.

San Juan 7:30

Pijche'ctij chʌcme'chaju cowi'na'sta'm wa'y ñuquiaju. Pero ya'iwʌ's jañipi'cʌ porque jañu'cʌ'cmajte' hora wa'y quia'u.

San Juan 9:41

Ñʌjayaju Jesujsis: Juca inʌc ja'ndiyʌ mista'm ŋguipsoquiu'yis šʌ'ŋgʌ' ja'ndiyʌta'm inʌc mis ŋgowa. Pero yʌtij como ñʌmdambamij que sʌ'ŋba mista'm ŋguipsoquiuy ittamu mis ŋgowa.

Hechos 2:23

Yʌ' Jesús chi'oquia'yaju quipsaŋgospo'ʌyušej y ñimejcʌyušej Diojsis wa'y tyujcu. Y yʌ'wʌ nuctamumis y ma'mga'tamumis cruzcʌsi yatzita'mbʌ pʌ'nis quiʌ'pit.

Hechos 3:13

Te' Abrahán, te' Isaac, y te' Jacob, y te' eyata'mbʌ tʌ nwinata'mbʌ ndata's Diojsis yajqueju que mʌja'ŋbʌte' te' 'Yune Jesús. Y sunu'c chʌcʌpʌ'tʌ'ʌ Pilato's, mis ndzi'oquia'tamu y ñʌmdamumij wyi'naŋdʌjqui que ja'ne.

Hechos 4:28

Tu'mʌyaju wa'y chʌquiaju ŋguipsaŋgospo' ʌyušejmis y nimejcʌyušejmis jutzte' maŋba inʌc tyujcu.

Romanos 11:36

Ñe'cʌ's chʌjcu mumutiyʌ, y ñe'cʌpit ijtu, y ñe'cʌcotoya. Yajmʌja'ŋwʌcotzamya mumu pʌ'nis mumu jamacotoya. Amén.

Romanos 13:1

Yajmato'ŋoyjaya tumduma'ŋbʌ'nis te' mʌja'ŋ aŋgui'moyeta'm, porque ja'ndiyʌ eyaco aŋgui'moye sino que te' Diojsis quiojtyajupʌ. Y te' nʌ 'yaŋgui'moyajupʌ Diojsiste' quiojtyaju.

Santiago 1:17

Tʌ Ndata Diojsistʌ tzi'papʌ tiyʌ, oyeta'mbʌ tiyʌte'. Y ñe' chi'ʌtʌjcuy cota'nupʌ tiyʌte'. Te' Diojsis chʌquiajupʌ sʌ'ŋgʌ' ijtu tzi'muŋba'c y ijtu ja'n chi'muwi'c. Pero ñe'cʌ Diojsis ja'n quiʌcacpʌ'i quipsoquiuy ni ja'ndʌ toyjay yajtiyʌ.

Santiago 4:17

Iwʌ's muspa chʌjcu oyepʌ tiyʌ y ja'n chʌqui, te'wʌ cowapa'tpa.