San Juan 18:4 - Zoque Copainalá New Testament

⁴ Pero Jesujsis myuspatya' inʌc mumutiyʌta'm maŋba chʌcjayaju. Y ñe'cʌ's maŋu choŋyaju, y ñʌjayaju: ¿Iwa'nde' nʌ me'tztamu?

San Juan 18:4 ပူးပေါင်းရင်းမြစ်များ

San Mateo 16:21

Pijche'ctʌj tza'maŋwajcʌ'yjayu Jesujsis, tʌj te' quiʌ'aŋmayeta'm. Nʌjayutʌj que ijtu inʌc pyena wa'y myaŋu Jerusale'ŋojmo wa'y maŋu yajtoyapʌquiaju te' tzamupʌndʌcwa'yista'm y te' sacerdote-cowi'na'sta'm y te' aŋgui'mguy-tyayu'sta'm. Pyʌcpa inʌc wa'y yajca'yaju y wa'y wyinsa'u tuca'y jamacʌsi.

San Mateo 26:2

Mustambamis que metza jamacʌsi maŋba cho'tzu te' pascua-sʌŋ. Pijche'cʌj maŋba tzi'oquia'yaju ʌj, te' Pʌ'nis 'Yune, wa'yʌj ma'mʌyaju cruzcʌsi.

San Mateo 26:21

Y nʌ'candʌj ŋgu'tu nʌjayutʌj Jesujsis: Wiyuŋše'ʌsmij ndzamjaytyamba que tuma'ŋbʌn mi'ojmocta'mbʌ'sʌj maŋba tzi'oquia'u.

San Mateo 26:31

Pijche'ca Jesujsis nʌjayutʌj: Mumu mijta'm maŋbamij ñchʌcna'tzʌtʌjtamu y maŋbamisʌj mbochactamu yʌ' tzu'oyj. Porque yʌ'šej ja'yʌyu Totojaye'ojmo: Maŋba'ʌs ndzajcu wa'y yajca'yaju te' coque'nopyawʌ. Pijche'ca maŋba pyuŋdijtitnayaju te' ñchowambeta'm.

San Lucas 24:44

Y ñʌjayaju: Yʌ'šejta'mbʌ tiyʌ'ʌsmij ndzamjaytyamu nʌma'ʌj nwijtu'c miji'ŋda'm: Ijtupʌte' pyena wa'y tyujcu mumutiyʌ tzambamʌ'yʌj te' Totojaye's, te' Moisejsis 'yaŋgui'mguy-libro'ojmo, y tza'maŋwa'oye's tyoto'ojmo y Salmo-libro'ojmo.

San Juan 13:1

Maŋba'cmaj ñu'cu te' pascua-sʌŋ, myuspa inʌc Jesujsis que nu'cuwa'nde' te' hora wa'y chu'cumu yʌ' najsacopajcʌsi wa'y myaŋu Tata Diosaŋʌ. Como jene šunu te' ñe'ta'm najsacopajcʌsi ijtyajupʌ, maŋba inʌc yajqueñaju jutz inʌc šuñajpa.

San Juan 13:11

Porque myuspa inʌc Jesujsis iwʌ'ste' inʌc maŋba chi'oquia'u. Te'cotoyate' nʌmu: Ñempe ja'n mumuta'mbʌ.

San Juan 18:5

'Yaŋdzoŋyaju: Nazaret-cumgu'yojmopʌ Jesús. Jesujsis ñʌjayaju: Ʌjte', yʌ'yʌj ijtu. Y tey inʌc ijtu ñe'cʌji'ŋda'm Judas, te' chi'oquia'oye.

San Juan 18:7

Quiʌ'aŋwa'cwʌtzʌquiaju Jesujsis: ¿Iwa'nde' me'tztamba? Y ñe'cʌta'm nʌmyaju: Te' Nazarejtojmopʌ Jesús.

San Juan 19:28

Pijche'ca Jesujsis ñʌctʌ'yu que chʌcta'nbʌ'wa'a ñe' yoscuy najsacopajcʌsi, y wa'y tyujcu te' chambašej te' Totojaye's, pijche'ca nʌmu: Yoctʌtzpa'ʌj.

San Juan 6:64

Pero ijtu mi'ojmota'm ja'n wyʌ'aŋjamyapyʌ's. Porque myuspa inʌc Jesujsis desde tzo'tzcu'yojmo iwʌ'sta'm ja'n inʌc wyʌ'aŋjamyay, y iwʌ's inʌc maŋba chi'oquia'u.

Hechos 2:28

Nyajquenumisʌj te' Tuŋ te' maŋbapʌ quengu'yojmo. Njo'ʌyjapyamis ʌs ndzocoy omapit yʌmyij ijtu'c.

1 Pedro 4:1

Te'cotoya como quienu toya Cristo's tʌcotoyata'm ñe' cuerpopit, te'šej pyʌcpa wa'mis nʌ'itjaytyamu ñe' quipsoquiuy wa'mis ŋguendaŋgue'tu toya mista'm. Porque te' pʌn wiyuŋše'a quiʌtʌjcupʌ's maya'aŋbʌ toya, ja'na suni quiowapa'tu.