San Juan 18:32 - Zoque Copainalá New Testament

³² Ñe'ta'm chamepit chʌcta'ñaju wa'y tyujcu Jesujsis chamušej, chamu'c wina wa'y yajnʌctʌ'yaju jutz inʌc maŋba quia'u.

San Juan 18:32 ပူးပေါင်းရင်းမြစ်များ

San Mateo 20:19

Y maŋba'ʌj tzi'oquia'yaju te' genti'lista'm quiʌ'ojmo wa'yʌj qui'tzcu'yajyaju, y nacstochʌquiaju, y wa'yʌj ma'mʌyaju cruzcʌsi. Pero tuca'y jamacʌsi maŋba'ʌj nwinsa'u.

San Mateo 26:2

Mustambamis que metza jamacʌsi maŋba cho'tzu te' pascua-sʌŋ. Pijche'cʌj maŋba tzi'oquia'yaju ʌj, te' Pʌ'nis 'Yune, wa'yʌj ma'mʌyaju cruzcʌsi.

San Marcos 10:33

Y nʌmu: Yʌtij nʌtʌ ŋgui'mdamu Jerusale'ŋojmo. Ʌj, te' Pʌ'nis 'Yune, maŋba'ʌj tzi'oquia'yaju sacerdote-cowi'na'sta'm y aŋgui'mguy-tyayu'sta'm quiʌ'ojmo. Yʌ'ta'mbʌ'sʌj maŋba ni'aŋba'tyaju wa'yʌj jacpʌtij ŋga'u. Y maŋba'ʌj tzi'oquia'yaju te' genti'lista'm quiʌ'ojmo.

San Juan 10:31

Pijche'ca pyʌquiajque'tu tza' judio'sta'm wa'y tyʌŋga'yaju Jesús.

San Juan 10:33

Y 'yaŋdzoŋyaju judio'sta'm y nʌmyaju: Oyepʌ tzʌquicotoya ja'ndʌsmij ndʌŋga'e tza'pit, sino porque otowewʌ'ajapyamis Dios, porque mij mbyʌnmijyʌ' y nʌmij ñʌmu que Diosmijte'.

San Juan 13:18

Ja'ʌsmij mumu ndzamdame, muspa'mʌs iwʌta'mʌs ŋgopiŋu. Pero maŋbate' tyujcu chambašej Totojaye's: Te' ʌji'ŋ tumʌcu'tpapʌ's maŋba'ʌj ma'ʌyu.

San Juan 18:31

Pijche'ca ñʌjayaju Pilato's: Nʌmaŋdamʌ y cʌme'tztamʌ ne'cʌ mista'mne' aŋgui'mgupyit. Pero te' judiota'm nʌmyaju: Ja'ndiyʌ tʌs aŋgui'mʌtʌjcuy wa'ytyʌ nyajca'oyu.

San Juan 21:19

Y yʌ'šej chamjayu Jesujsis wa'ytye' ñʌctʌ'yu Pedro's jutz inʌc maŋba quia'u, wa'y yajquejayu Diojsis myʌja'ŋajcuy. Y yʌ'se'a nʌmu'c, ñʌjayu te' Pedro: Co'ŋa'ʌj.

San Juan 3:14

Jujcha' Moisejsis yajqui'mu te' tzandzʌqui cuquiʌsi ja'itʌnʌmʌmʌy, te'šejte' pyʌcpa ʌj, te' Pʌ'nis 'Yune, wa'yʌj yajqui'myaju cruzcʌsi,

San Juan 8:28

Te'cotoya ñʌjayajque'tu Jesujsis: Ʌjte' te' tzajpojmoc minupʌ. Nyajqui'mdamba'camisʌj cruzcʌsi, pijche'c mis maŋba nʌctʌ'ytyamu que ʌjte' maŋba minupʌ inʌc, y que ja'ʌs ndzʌqui ne' su'noquiuy. Aŋmayuše'ʌj Ndata's, te'wʌ ʌs ndzamba.

Hechos 7:59

Nʌ'cše'ŋoyj tyʌŋga'yaju tza'pit te' Esteban, ñe'cʌ's wyejwindzoŋu Dios y nʌmu: Ngomi Jesús, pʌjcʌchoŋja ʌs espíritu.

Gálatas 3:13

Porque ja'ndʌ musi ŋgojamdamu te' aŋgui'mguy, tocoyupa'ndʌte' inʌc Diojsis wyi'naŋdʌjqui. Pero Cristo'stʌ jupyuttamu tocoquiu'yojmoc, porque Diojsis ñʌcma'yʌyu Cristo tocoyupʌšej tʌcotoyata'm. Yʌ'šej ja'yʌyu Totojaye'ojmo: Tocoyupa'nde' iwʌta'm jyʌ'mga'yajpa cuquiʌsi.