San Juan 18:20 - Zoque Copainalá New Testament

²⁰ 'Yaŋdzoŋu Jesujsis: Quejuqueju'cʌs oto'ŋʌyaju najsacopajcʌsita'mbʌ pʌn. Ʌj mumu jama'ʌj aŋma'yoyu judio'sta'm wyindʌjcojmo y templo'ojmo tu'mʌpyʌ'yajpamʌy judiota'm. Y yajtiyʌ'ʌs jañchamʌ nu'mdij.

San Juan 18:20 ပူးပေါင်းရင်းမြစ်များ

San Mateo 24:26

Te'šej jeque juca ñʌjatʌjtambamij: Ʌmʌ ijtu te' Cristo ja'itʌnʌmʌmʌy, ʌsmij nʌjaytyamba: Uy maŋdame. Y juca nʌmyajpa: Tey ijtu tʌjcojmo, ʌsmij nʌjaytyamba: Uy wʌ'aŋjamdame.

San Mateo 26:55

Pijche'ctij ñʌjayaju Jesujsis te' pʌnda'm: ¿Tiyajca'yʌ' nʌmindamba espada y cuy wa'misʌj nuctamu jujcha' nu'mbawʌ? Tumdumʌ jama inʌjcʌj pocspa miji'ŋda'm te' templo'ojmo, y aŋma'yopya inʌjcʌj, y jañuctamʌmisʌj.

San Mateo 26:65

Pijche'cande' te' mʌja'ŋbʌ sacerdote's, myatoŋu'ctij te'šej, chijtzu pyama y nʌmu: Nʌ 'yotowewʌ'ajayu Dios, porque Diosšej chʌcpa wyin. ¿Tiyajcandʌ me'tztaŋgue'tpamaj testigos? Yʌtij ne'cʌ mis matoŋdamwa'a jutz 'yotowewʌ'ajayu Dios.

San Mateo 4:23

Y wyitjojca'mu Jesujsis mumu te' Galilea-nas, y aŋma'yopya inʌc te' judio'sta'm wyindʌjcojmo. Chamgopuŋba inʌc te' evangelio chambapʌ's jutz aŋgui'mopya Dios. Y yajtzojcu mumu ca'eta'mbʌ y mumu toya'ojmota'mbʌ te' pʌ'nojmota'm.

San Mateo 9:35

Y cumguñamaye y riberanamaye inʌc cʌtʌcpa Jesús. Y aŋma'yopya inʌc te' judio'sta'm wyindʌjcojmo, y chamgopuŋba inʌc te' evangelio chambapʌ's jutz aŋgui'mba Dios. Yajtzocpa inʌc ca'eta'mbʌ y jujche'ŋ toya'ojmota'mbʌ te' cumgu'yojmo.

San Marcos 8:32

Y sa'sa yajnʌctʌ'yaju Jesujsis yʌ'šejta'mbʌ tiyʌ. Pijche'ca Pedro's ñʌca'ŋmaŋu emʌ wa'y 'yotoŋwindujcu uy te'šej quiʌtʌcjayu.

San Lucas 21:37

Te' templo'ojmo aŋma'yopya inʌc Jesús jama's wyi'noyj. Y tzu'cumba inʌc wa'y maŋu chu'cʌtʌjcu ñʌjayajpamʌy Olivo-tʌc pu'mna.

San Lucas 4:15

Y aŋma'yopya inʌc ñe'ta'm wyindʌjcojmo, y mumu pʌ'nis inʌc myʌja'ŋwʌcotzamyajpa ñe'cʌ.

San Juan 18:21

¿Tiyajca'nde' ʌj ŋgʌ'aŋwa'cpa? Cʌ'aŋwa'quia myatoŋyajupʌ's tiyʌpi'ta'mʌs aŋmayaju. Ñe'cʌ'sta'm myujšajpa tiyʌta'm ʌs ndzamu.

San Juan 6:59

Yʌ'šejta'mbʌ tiyʌ chamu Jesujsis te' judio'sta'm wyindʌjcojmo, nʌ'c 'yaŋma'yoyu'c Capernaum-gumgu'yojmo.

San Juan 7:14

Pero sʌ'ŋʌcujcoyj tʌjcʌyu Jesús te' judio-templo'ojmo y aŋma'yoquiʌ'yu.

San Juan 7:26

Yʌtij quejuqueju'c yʌy tzamdzamnapya, y yajtiyʌ ja'n chamjayay cowi'na'sta'm. ¿Wiyuŋšej ñʌctʌ'yajwa'sʌ'ŋ que yʌ'wʌte' te' Cristo?

San Juan 7:28

Nʌ inʌc 'yaŋma'yoyu Jesús te' judio-templo'ojmo. Pijche'c weju'c nʌmu: Ispʌctambamisʌj y mustambamis jutʌpʌ'ʌjyʌ', pero te' wiyuŋšejpʌ Diojsisʌjte' cʌ'weju, y ñe'cʌ ja'nmis ispʌctame mista'm.

San Juan 7:4

Iwʌ's šunba wa'y ispʌquiaju ja'n ñu'mdzʌqui yajtiyʌ. Juca yʌ'šejta'mbʌ tiyʌ mis ndzʌcpa, yajqueya nwin iwʌmijte' najsacopajcʌsita'mbʌ's wyi'naŋdʌjqui.

San Juan 8:2

Y namdzuc witu'u Jesús te' templo'ojmo, y cumgu'yis quiʌtu'mʌyu. Y pocsquejcu'c inʌc nʌ 'yaŋma'yoyu tey.

San Juan 8:26

Ijtu sone tiyʌcʌsi'ʌsmij wa'y ŋgotzamdamu y ŋgʌme'tztamu. Pero te' cʌ'wejupʌ'sʌj wiyuŋbʌ Tatajte', y tiyʌ'ʌj yajmatoŋu ñe'cʌ's, te'še'ʌs ndzamjayajpa najsacopajcʌsita'mbʌ.

Hechos 26:26

Yʌ'šejta'mbʌ tiyʌ myuspa re'yis, te'cotoya jana na'chcu'yʌs ndzamjapya ñe' wyi'naŋdʌjqui. Ngomʌ'pya'ʌs mumu yʌ'šejta'mbʌ tiyʌ myuspʌ'pa porque ja'nyʌ' jojcu'šcʌ'mʌ nʌ tyuquiajupʌ tiyʌ.