San Juan 18:15 - Zoque Copainalá New Testament

¹⁵ Y nʌ inʌc quio'ŋyaju Jesús te' Simón Pedro's y eyapʌ cʌ'aŋmaye's. Te' mʌja'ŋbʌ sacerdote yʌ' cʌ'aŋmayeji'ŋ na'ispʌquiatʌjyajpa inʌc. Yʌ' cʌ'aŋmaye ca'ŋdʌjcʌyu Jesusji'ŋ te' mʌja'ŋbʌ sacerdote's myʌja-tʌc aŋgo'oyj.

San Juan 18:15 ပူးပေါင်းရင်းမြစ်များ

San Mateo 26:3

Pijche'cande' te' sacerdote-cowi'nata'm y te' aŋgui'mguy-tyayuta'm y te' judio'sta'm chamupʌndʌcway tu'mʌyaju te' más mʌja'ŋbʌ sacerdote's 'yaŋgo'oyj. Y te' sacerdote's ñʌy Caifaste' inʌc.

San Marcos 14:54

Y ya'amyʌctij quio'ŋu te' Jesús te' Pedro's hasta que nu'cu te' mʌja'ŋbʌ sacerdote's 'yaŋgo'oyj. Y tey inʌc pocsu te' soldadoji'ŋda'm wa'y šamu ñe'cʌji'ŋda'm jucʌtʌjcaŋi.

San Lucas 22:54

Ñuquiaju Jesús y ñʌmaŋyaju y ñʌtʌjcʌyaju mʌja'ŋbʌ sacerdote's tyʌjcojmo. Y ya'amyʌctij nʌ inʌc quio'ŋu Pedro's.

San Juan 18:24

Pijche'ca Anajsis si'nu'c quiʌ'weju Jesús te' mʌja'ŋbʌ sacerdote Caifasaŋʌ.

San Juan 18:28

Ñʌtzu'cumyaju Jesús Caifajsis tyʌjcaŋʌ y ñʌmaŋyaju te' cʌme'tzoquiuy-pyalacio'ojmo. Y como nʌmdzu'ctya'nde', ñe'cʌ te' judiota'm jatyʌjcʌya, porque uy maŋu myaŋgocʌtʌquiaju ñe'ta'm 'yaŋgui'mguy. Jatyʌjcʌya porque sunba inʌc quiʌ'šaju te' ñchowambe ya'acpʌ pascua-jama's cuenta.