San Juan 17:8 - Zoque Copainalá New Testament

⁸ Te' misʌj ndzamjayajupʌ tiyʌ, nʌtzamyajwa'mʌs ñe'cʌta'm. Y pyʌjcʌchoŋyaju, y wiyuŋšej wyʌ'aŋjamyajpa que miji'ŋʌj inʌc ijtu. Wyʌ'aŋjamyajpa que misʌjyʌ' ŋgʌ'weju.

San Juan 17:8 ပူးပေါင်းရင်းမြစ်များ

San Mateo 13:11

Y Jesujsis aŋdzoŋutʌj, y nʌmu: Porque Diojsismij nyajmustamba mij te' jayajqueyapʌ tiyʌta'm winata'mbʌ tiempo'ojmo, te' chambapʌ's jutz aŋgui'mba tzajpojmo ijtupʌ Dios. Pero te' eyata'mbʌ pʌn jayajmujša.

San Juan 12:49

Porque jañchamʌ'ʌs ne' ŋgo'quips. Ʌs Ndata'sʌj cʌ'weju, y ñe'cʌ'sʌj aŋgui'mu jutzʌj wa'y nʌmu y jutzʌs wa'y ndzamu.

San Juan 14:10

¿Y ja'nja nwʌ'aŋjamdame que ʌj, ʌs Ndata's choco'yojmo'ʌj ijtu, y ʌs Ndataj ijtu ʌsne' ndzoco'yojmo? Y tiyʌta'mʌsmij ndzamjaytyamba ja'nde' ʌsne' ŋgo'quips ndzame, sino que ʌs Ndata'sñe', te' ʌs ndzoco'yojmo ijtupʌ, jujche'ŋ wʌta'mbʌ tiyʌ ñe'cʌ'ste' chʌcpa.

San Juan 15:15

Ja'na'ʌsmij coyosašej maŋu ŋgomʌ'ytyamu porque te' coyosa's ja'n myusi tiyʌte' chʌcpa quiomi's. Pero nʌjaytyamwa'mʌsmij que ʌsmijyʌ' amigota'm porque nyajmustamwa'mʌsmij tiyʌta'mʌj yajmatoŋu Ndata's.

San Juan 16:27

Ja'nʌs ojquita'e porque šundambamij ʌs Ndata's, porque mista'm sundamumisʌj ʌj, y nwʌ'aŋjamdamumis que Diosaŋʌcʌjyʌ' tzu'cumu.

San Juan 16:30

Yʌtij nʌctʌ'pyatʌs que muspʌ'pamis mumutiyʌ, y ja'ndiyʌ pyena wa'mij ŋguiʌ'aŋwa'cu ya'iwʌ's. Yʌ'wʌcʌsi nwʌ'aŋjambatʌs que Diosaŋʌcmijyʌ' ñchu'cumu.

San Juan 17:14

Te' misʌj ndzamjayajupʌ tiyʌ nʌtzamyajwa'mʌs, y te' jana wʌ'aŋja'moye's qui'nišatʌju porque nwyʌ'aŋjamyajpamij jujcha' ʌsmij nwʌ'aŋjamba.

San Juan 17:18

Ngʌ'wejušejmisʌj wa'yʌj minu ndzamgopu'ŋoyu najsacopajcʌsi, te'še'ʌs ŋgʌ'wejyajque'tu wa'y maŋu chamgopu'ŋoyaju naswindumʌ.

San Juan 17:21

Yʌ'še'ʌs nwa'cpa wa'y tumo'oyj quipsoyaju myuma'ŋgʌ'y, jujcha' ʌsne', Tatay, miji'ŋ tumo'oyjtyʌ ŋguipsoquiuy. Te'šejtijque' ñe'cʌta'm wa'y tumo'oyj quipsoyaju jujcha' tʌ mejtzji'ŋ, wa'y wyʌ'aŋjamyaju jana wʌ'aŋja'moye's que misʌjyʌ' ŋgʌ'weju.

San Juan 17:23

Ʌj tʌjcʌwya'mʌj ñe'ta'm choco'yojmo, y mij, ñdyʌjcʌyumij ʌs ndzoco'yojmo, wa'y tumo'oyj quipsoyaju choco'yojmo myuma'ŋgʌ'y. Y como tumʌpʌ quipsoquiuytyʌ nʌtu'ŋajpa, te'wʌcʌsi maŋba myujšaju jana wʌ'aŋja'moye's que misʌjyʌ' ŋgʌ'weju, y ʌj misʌj sunbašej, te'šejmis sunjayajpa ʌs nwʌ'aŋja'moye.

San Juan 17:3

Iwʌ'smij ispʌcpa que mijte' te' tumʌpʌ y wiyuŋšejpʌ Dios, y ispʌcpa'ʌj que ʌjte' te' Jesucristo, y que misʌjyʌ' ŋgʌ'weju, te'wʌ's pya'twa'a ja'n yayepʌ quenguy.

San Juan 3:17

Porque ʌjte' te' Diojsis 'Yune, y ñe'cʌ'sʌj cʌ'weju najsacopajcʌsi ja'n wa'yʌs nyajco'aŋgʌyaju quiowa najsacopajcʌsita'mbʌ sino que wa'y quiotzoquiaju ʌjpit.

San Juan 3:33

Pero iwʌ's wyʌ'aŋjamba tiyʌta'm chamba, yʌ'wʌ's chamgopuŋba que Dios wiyuŋdzamba.

San Juan 6:68

'Yaŋdzoŋu Simón Pedro's: Señor, juca ndzacpatʌsmij, ¿iwa'ndʌs ŋgʌ'maŋba? Mis ndzambamis tiyʌ'stʌ tzi'pa ja'n yayepʌ quenguy.

San Juan 8:42

Pijche'ca Jesujsis ñʌjayaju: Juca inʌc Dios mista'm Ndataj, wiyuŋšej sundambamisʌj inʌc ʌj, porque ʌj, tzu'cumu'ʌj ijtumʌy Dios, y minu'ʌj yʌy. Jaminʌ'ʌj ne' su'noquiupyit, ñe'cʌ'sʌjyʌ' cʌ'weju.

1 Corintios 11:23

Porque mbʌjcʌchoŋu'ʌs tʌ Ngomicʌsi te' aŋmaytyamuše'ʌsmij. Yʌ'šejte': Maŋba'cmaj chi'oquia'yaju tʌ Ngomi Jesús, te' pijche'cpʌ tzu'oyj pyʌjcu ñe'cʌ's te' pan,

1 Corintios 15:1

Yʌtij atzita'm, maŋba'ʌsmij nyajamwʌtzʌctaŋgue'tu te' evangelio ndzamgopuŋjaytyamuše'ʌsmij wina. Yʌ'wʌte' te' mbʌjcʌchoŋdamupʌmis, y nʌmis nʌtu'ŋajojcʌtʌctaŋgue'tupʌ.

1 Tesalonicenses 2:13

Te'cotoya nʌmjojcʌtʌcjapyatʌs Dios yʌscotoya porque mbʌjcʌchoŋjaytyamumis te' ñe' chame, tʌsmij nyajmatoŋdamupʌ. Nʌ'nʌmjaytyamumis te' Diojsis chame, y jañʌmdamʌmij, pʌ'nistijyʌ' chame, sino que nwʌ'aŋjamdamumis que wiyuŋšej Diojsiste' chame. Y yʌtij yʌ' tzame nʌ yojsu mijšejta'mbʌ wʌ'aŋja'moye'ojmota'm.

1 Tesalonicenses 4:1

Atzita'm, nyajquendamutʌsmij te' Tuŋ jutiwʌmiste' wa'y ŋgo'ŋdamu wa'mis nyajtzocopyactamu Dios. Yʌtij nwa'cjaytyambatʌsmij y aŋnʌctza'mʌytyambatʌsmij tʌ Ngomi Jesujsis ñʌquiʌsi wa'mis te'wʌ ndzijpana-co'ŋdamu.

1 Juan 4:14

Y tʌs ŋguenutʌs te' Diojsis 'Yune, y ndzamgopuŋbatʌs que te' Tata Diojsis quiʌ'weju te' 'Yune wa'y minu yajcotzojcu te' najsacopajcʌsita'mbʌ.

El Apocalipsis 1:1

Yʌ'šejta'mbʌ tiyʌ yajquenu Diojsis te' Jesucristo wa'y yajqueñajque'tu ñe' quioyosata'm tiyʌta'm pyʌcpa jʌ'nʌ'a wa'y tyujcupʌ. Y Cristo's quiʌ'weju 'yangeles wa'yʌj tza'maŋwajayu, ʌj Juan, ñe' quioyosa.