San Juan 17:6 - Zoque Copainalá New Testament

⁶ Nyajnʌctʌ'yajwa'mʌs yʌ' pʌnda'm ndzi'yajupʌmisʌj najsacopajcʌsi que mʌja'ŋbʌte' mis nʌy. Misyʌ' inʌc ne'ta'm, y ndzi'yajumisʌj, y quiojamjayaju mis ndzame.

San Juan 17:6 ပူးပေါင်းရင်းမြစ်များ

San Juan 1:18

Yajujche'c jaquiena Dios ya'iwʌ's. Ñe'cʌ's jene šunba te' tyʌŋdumʌ Une. Te'wʌ tumo'oyj Tyata Diosji'ŋ, y minu cha'maŋwaju iwʌte' te' Tata Dios.

San Juan 12:28

Pero maŋba'ʌs nʌjayu: Tatay, ʌs ŋga'aŋbit wa'y quienjayaju que mʌja'ŋbʌte' mis nʌy. Pijche'c 'yaŋdzoŋu Diojsis tzajpojmoc, y ñʌjayu: Nyajmʌja'ŋajwa'mʌs, y maŋbama'ʌs nyajmʌja'ŋajque'tu.

San Juan 15:19

Juca inʌc mij ja'n nwyʌ'aŋja'moytyame, te' ja'n wyʌ'aŋja'moyapyʌ's šunʌtʌjtambamij inʌc. Pero como nwyʌ'aŋja'moytyambamij, y ʌsmijyʌ' ŋgopiŋbuttamu te' ja'n wyʌ'aŋja'moyapyo'moc, te'cotoyamijte' ŋgui'nisʌtʌjtamba te' ja'n wyʌ'aŋja'moyapyʌ's.

San Juan 15:3

Pero mijta'm ŋguiʌwajtamwa'mij te' ʌsmij ndzamjaytyamupʌ tzamepit.

San Juan 15:7

Juca ʌs ndzoco'yojmo mij itjojcʌtʌctamba, y juca ʌs ndzame itjojcʌtʌcpa mista'm ndzoco'yojmo, wa'ctamʌ tiyʌta'm mis sundamba y maŋba'ʌsmij ndzi'tamu.

San Juan 17:12

Yʌmya'ʌj ijtu'cše'ŋoyj ñe'cʌji'ŋda'm najsacopajcʌsi ŋgopʌquiajpa'ʌs ŋgotu'šajpa'ʌs inʌc mis mbʌmipit, te' ndzi'yajupʌmisʌj. Ngopʌquiaju'ʌs ŋgotu'šaju'ʌs y nijutipʌ jatyocoya, na' tumʌ te' tocoquiuquiotoya pʌ'najupʌ pʌn. Te'šej tujcu chambašej Totojaye's.

San Juan 17:14

Te' misʌj ndzamjayajupʌ tiyʌ nʌtzamyajwa'mʌs, y te' jana wʌ'aŋja'moye's qui'nišatʌju porque nwyʌ'aŋjamyajpamij jujcha' ʌsmij nwʌ'aŋjamba.

San Juan 17:16

Nwyʌ'aŋjamyajpamij jeque ñe'cʌ'sta'm, jujcha' ʌsmij nwʌ'aŋjamba.

San Juan 17:2

Ndzi'umisʌj aŋgui'mʌtʌjcuy wa'yʌs aŋgui'myaju mumu pʌn. Y te'šejtijque' wa'yʌs ndzi'yaju ja'n yayepʌ quenguy mumu jujche'ŋ misʌj ndzi'yajupʌ.

San Juan 17:24

Tatay, sunba'ʌs wa'y maŋu ijtyajque'tu ʌji'ŋ maŋbamʌ'yʌj ijtu, yʌ' misʌj ndzi'yajupʌ pʌn, wa'y quieñaju jutz misʌj nyajmʌja'ŋaju, porque sunumisʌj.

San Juan 17:26

Y ʌs nyajmujšajwa'mʌs iwʌmijte', y maŋbama'ʌs nyajmujsa'ŋʌyaju. Te'šej maŋba ijtu ñe'ta'm choco'yojmo misne' su'noquiuy, wa'y šu'noyaju jujcha' misʌj ʌj sunba. Y ʌj maŋba'ʌj ijtu ñe'ta'm choco'yojmo.

San Juan 17:7

Yʌtij ñʌctʌ'yajwa'a que mumutiyʌta'm ʌs muspa, misti'ʌjte' nyajmusque'tupʌ.

San Juan 18:9

Yʌ'šej nʌmu Jesús wa'y tyujcu te' chamušej ñe'cʌ's, nʌmu'c: Ndzi'yajuše'ŋmisʌj, nijutipʌ'ʌs janyajtocoya.

San Juan 6:37

Mumu jujche'ŋ quiopiŋba Diojsis wa'yʌj wʌ'aŋjamyajupʌ's, maŋba'ʌj cʌ'miñaju. Y iwʌ'sʌj cʌ'minba ja'nʌs macwinduqui.

San Juan 6:39

Ʌs Ndata'sʌjte' cʌ'weju, y ñe'cʌ's šunba u'yʌs nyajtocoyu ni tumʌc ñe'cʌ's quiopiŋyajupʌ wa'yʌj wʌ'aŋjamyaju. Šunba wa'yʌs nyajwinsa'yaju te' ultimopʌ jamo'oyj.

San Juan 8:51

Wiyuŋše'ʌsmij nwiyuŋdzamjaytyamba, iwʌ's quiojamjapya ʌs ndzame ja'n maŋu quia'u mumu jamacotoya.

San Juan 8:52

Pijche'ca ñʌjayaju judio's: Yʌytyʌs ŋgʌnʌctʌ'pya que ñʌc'ijtʌyumij yatzi-espiritu's. Con que Abrahán ca'u, y ca'yajque'tu tza'maŋwa'oyajpapʌ, y mij ñʌmbamij: Iwʌ's quiojamjapya ʌs ndzame ja'n maŋu quia'u mumu jamacotoya.

Hechos 13:48

Y yʌ'še'a myatoŋyaju'c te' genti'lista'm ñʌ'omyaju y myʌja'ŋwʌcotzamgʌ'yjayaju tʌ Ngomi's chame. Y wʌ'aŋja'moyaju jujche'ŋ wyinacopiŋyajupʌ Diojsis wa'y pya'tyaju te' ja'n yayepʌ quenguy.

Romanos 11:2

Jachacʌtij Diojsis ñe' pyʌnda'm, te' antestij ispʌquiajupʌ. ¿O ja'nja mustame jutz chamgue'tpa te' Elías te' Totojaye's nʌ'c 'yoto'ŋʌyu Dios ñicotza'mʌyu Israel? y nʌmu:

2 Corintios 4:6

Aŋgui'mu Dios wa'y šʌ'ŋjojpajcu sʌ'ŋgʌ' pi'tza'ŋajcʌ'ojmo. Yʌ' Dios sʌ'ŋjojpajcu tʌ ndzoco'yojmo wa'ytyʌ tzi'u nʌctʌ'yoquiuy. Yʌ'šej chʌjcu wa'ytyʌ musjayu Diojsis myʌja'ŋajcuy. Yʌ' mʌja'ŋajcuy tʌ ŋguendamba Jesucristo's wyinnacacʌsi.

Colosenses 3:16

Ya'itjojcʌtʌcʌ Cristo's chame mista'm ndzoco'yojmo. Y te'šej muspamis na'yaŋmayʌtʌjtamu y nachamjatʌjtamu te' tzajpojmopʌ mujsoquiuy. Y wandamʌ salmo y himno y eyata'mbʌ wane Espíritu Santo'smij 'yaŋmayajpapʌ, te'šej wa'y quieju que mis ndzoco'yojmo nʌmij ñʌmdamu: Yʌscotoya chʌcpa Diojsis.

2 Timoteo 1:13

Jamʌcʌchʌ'yʌ te' wʌta'mbʌ tzame nyajmatoŋuše'ʌsmij. Y nʌtu'ŋajojcʌtʌcʌ su'noquiuy y wʌ'aŋja'moquiuy Cristo Jesujsistʌ tzi'tambapʌ.

Hebreos 2:12

Itque'tu yʌ'šej nʌmbamʌy: Maŋba'ʌs nyajmujšaju ʌs ndʌwʌta'm que mijte' te' Dios. Maŋba'ʌs nwanjayu mis mʌja'ŋajcuy te' masanbʌ tu'mʌquiu'yojmo.

Hebreos 3:6

Pero Cristo myato'ŋoyjayu Dios mumutiyʌcʌsi yojsu'c te' Diojsis pyʌ'nojmocta'm, y ñe'cʌte' te' pʌ'nista'm Quiomi, porque Diojsiste' 'Yune. Y te' pʌnda'm tʌta'mde', juca tumʌtzocoytyʌ nite'tzʌyjojcʌtʌctamba ñe'cʌ, y oma'omatʌ njo'ctamba.

1 Pedro 1:1

Ʌjte' te' Pedro, Jesucristo's quiʌ'wej. Atzita'm, nʌ'ʌsmij njayjaytyamu mijta'm te' myacpujtyatʌjupʌ tʌta'm najsojmoc, y yʌtij puŋditnayajupʌ Ponto'ojmo, Galacia'ojmo, Capadocia'ojmo, Asia'ojmo y Bitinia-najsojmota'mbʌ.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.

El Apocalipsis 2:13

y que muspa'ʌs tiyʌta'm mis ndzʌctamba. Y musque'tpa'ʌs jutzpʌte' te' cumguy ijtumʌmyij. Tey ijtu Satanajsis 'yaŋgui'mʌtʌjcuy porque tey ijtu pyocscuy. Pero mis ŋgowʌ'aŋjamjaytyambamis ʌs nʌy, y paqui mij inʌc ittamu mis nwʌ'aŋjamgu'yojmo nimeque'ctij te' jamo'oyjtya'm ca'u'c ʌs wiyuŋdzambapʌ ndestigos Antipas. Te'wʌ yajca'yaju mi'ojmota'm, tepyʌ cumgu'yoyj ijtumʌy Satanajsis itcuy.

El Apocalipsis 3:10

Como mbyʌ'mgopajcʌ'oytyamumij toyapʌjcu'yojmo aŋgui'muše'ʌsmij, te'cotoya'ʌsmij maŋba ŋgopʌ'cu ŋgotu'su nu'cu'cande' hora wa'y chʌjquišatʌju toyapit mumu najsacopajcʌsita'mbʌ pʌn.

El Apocalipsis 3:8

Tzamjaquie'ta que muspa'ʌs tiyʌta'm mis ndzʌctamba. Yʌtij jeque wojnawya'nde' te' tʌjcʌquiuy nya'aŋwajumʌ'yʌs mijcotoya, ya'iwʌ's ja'n musi ya'aŋga'mupʌ. Y musque'tpa'ʌs que ñempe cʌmaŋ mis mbʌmi, ŋgojamjaytyamumis ʌs ndzame, y ŋgowʌ'aŋjamjaytyamumis ʌs nʌy.