San Juan 17:3 - Zoque Copainalá New Testament

³ Iwʌ'smij ispʌcpa que mijte' te' tumʌpʌ y wiyuŋšejpʌ Dios, y ispʌcpa'ʌj que ʌjte' te' Jesucristo, y que misʌjyʌ' ŋgʌ'weju, te'wʌ's pya'twa'a ja'n yayepʌ quenguy.

San Juan 17:3 ပူးပေါင်းရင်းမြစ်များ

San Marcos 9:37

Iwʌ's pyʌjcʌchoŋba tumʌc yʌ'šejpʌ chics une ʌs nʌquiʌsi, ʌjte' pʌjcʌchoŋba. Y iwʌ'sʌj pʌjcʌchoŋba ʌj, ja'n na' ʌj pʌjcʌchowe, sino que pyʌjcʌchoŋba te' cʌ'wejupʌ'sʌj.

San Lucas 9:48

y ñʌjayaju: Iwʌ's pyʌjcʌchoŋba yʌ' une ʌs nʌquiʌsi, ʌjte' pʌjcʌchoŋba. Y iwʌ'sʌj pʌjcʌchoŋba ʌj, pyʌjcʌchoŋba te' cʌ'wejupʌ'sʌj. Porque iwʌ's más chicstzʌcpa wyin mumu mi'ojmota'm, yʌ'wʌte' más maŋba myʌja'ŋaju.

San Juan 10:36

Ʌjte' te' yajmasa'najupʌ y quiʌ'wejupʌ najsacopajcʌsi ʌs Ndata Diojsis. Porque nʌmu'ʌj que Diojsisʌjyʌ' 'Yune, te'cotoya nʌjaytyambamisʌj que otowewʌ'ajapya'ʌs Dios.

San Juan 11:42

Ʌs muspa'ʌs que ŋgʌmato'ŋʌyjojcʌtʌcpamisʌj. Pero yʌ' yʌy no'tznayajupʌ pʌngotoya ndzamu'ʌs te'šej wa'y myatoŋyaju y wyʌ'aŋjamyaju que misʌjyʌ' ŋgʌ'weju najsacopajcʌsi.

San Juan 14:26

Pero ʌs Ndata's maŋba quiʌ'weju ʌs nʌquiʌsi te' Cotzo'ŋopyapʌ, y yʌ'wʌte' te' Espíritu Santo. Ñe'cʌ'smij maŋba 'yaŋmaytyamu mumutiyʌcʌsi, y nyajamwʌtzʌctamu tiyʌta'mʌsmij ndzamjaytyamupʌ.

San Juan 17:18

Ngʌ'wejušejmisʌj wa'yʌj minu ndzamgopu'ŋoyu najsacopajcʌsi, te'še'ʌs ŋgʌ'wejyajque'tu wa'y maŋu chamgopu'ŋoyaju naswindumʌ.

San Juan 17:21

Yʌ'še'ʌs nwa'cpa wa'y tumo'oyj quipsoyaju myuma'ŋgʌ'y, jujcha' ʌsne', Tatay, miji'ŋ tumo'oyjtyʌ ŋguipsoquiuy. Te'šejtijque' ñe'cʌta'm wa'y tumo'oyj quipsoyaju jujcha' tʌ mejtzji'ŋ, wa'y wyʌ'aŋjamyaju jana wʌ'aŋja'moye's que misʌjyʌ' ŋgʌ'weju.

San Juan 17:23

Ʌj tʌjcʌwya'mʌj ñe'ta'm choco'yojmo, y mij, ñdyʌjcʌyumij ʌs ndzoco'yojmo, wa'y tumo'oyj quipsoyaju choco'yojmo myuma'ŋgʌ'y. Y como tumʌpʌ quipsoquiuytyʌ nʌtu'ŋajpa, te'wʌcʌsi maŋba myujšaju jana wʌ'aŋja'moye's que misʌjyʌ' ŋgʌ'weju, y ʌj misʌj sunbašej, te'šejmis sunjayajpa ʌs nwʌ'aŋja'moye.

San Juan 17:25

Tatay, njyustopʌmijte'. Jana wʌ'aŋja'moye's ja'nmij ispʌquiay pero ʌs ispʌcpa'ʌsmij. Y yʌ' ʌs ŋgʌ'aŋmaye'sta'm myujšajpa que misʌjyʌ' ŋgʌ'weju najsacopajcʌsi.

San Juan 17:8

Te' misʌj ndzamjayajupʌ tiyʌ, nʌtzamyajwa'mʌs ñe'cʌta'm. Y pyʌjcʌchoŋyaju, y wiyuŋšej wyʌ'aŋjamyajpa que miji'ŋʌj inʌc ijtu. Wyʌ'aŋjamyajpa que misʌjyʌ' ŋgʌ'weju.

San Juan 3:17

Porque ʌjte' te' Diojsis 'Yune, y ñe'cʌ'sʌj cʌ'weju najsacopajcʌsi ja'n wa'yʌs nyajco'aŋgʌyaju quiowa najsacopajcʌsita'mbʌ sino que wa'y quiotzoquiaju ʌjpit.

San Juan 3:34

Iwʌ pʌn Diojsis quiʌ'weju, Diojsis chame chamjapya. Diojsis ja'n quiotzu'tzajay ñe'cʌ te' Espíritu Santo, sino que chi'pa jana yaye.

San Juan 5:44

¿Jutzamisʌj maŋba nwʌ'aŋjamdamu juca nʌ'omdambamis wa'mij yʌ'wʌ te'wʌ's myʌja'ŋgotzamdamu ne'cʌ? Y ja'nmis njo'ctame wa'mij myʌja'ŋgotzamdamu te' tumʌpʌ Diojsis.

San Juan 6:57

Ʌs Ndata Dios ñe' pyʌmipit quengu'yʌyu, y ñe'cʌ'sʌj cʌ'weju. Y jutzʌj ʌj ñe'cʌpit quengu'yʌyu, te'šej iwʌ's quiʌ'sjapya ʌs sis pya'twa'a ʌjpit te' ja'n yayepʌ quenguy.

San Juan 7:29

Ʌs ispʌcpa'ʌs, porque tzu'cumu'ʌj ñe'cʌ ijtumʌy, y ñe'cʌ'sʌjyʌ' cʌ'weju.

San Juan 8:19

Ñe'cʌ'sta'm quiʌ'aŋwa'quiaju: ¿Juta' jeque ijtu mis Ndataj? Aŋdzoŋu Jesús: Ja'nmisʌj ispʌctame ʌj ni ʌs Ndataj. Juca inʌc misʌj ispʌctamba ʌj, ispʌcjaytyambamis inʌc ʌs Ndataj.

1 Corintios 15:34

Coquendamʌ cuenta y tzactamʌ ŋgowa, porque ijtyaju mi'ojmota'm ja'n ñʌctʌ'yapyʌ's yajtiyʌ Diojsisñe'. Nʌjaytyamba'ʌsmij yʌ'šej wa'yʌsmij ndzʌctza'ajtamu.

1 Corintios 8:4

Ndzamba'ʌs jeque juca muspatʌ ŋgʌ'su te' yajca'yajpapʌ copʌn comichʌqui's ñʌquiʌsi. Muspatʌs que te' comichʌqui yajtiyʌte' najsacopajcʌsi, y que solo tumʌtij ijtu Dios.

2 Corintios 4:6

Aŋgui'mu Dios wa'y šʌ'ŋjojpajcu sʌ'ŋgʌ' pi'tza'ŋajcʌ'ojmo. Yʌ' Dios sʌ'ŋjojpajcu tʌ ndzoco'yojmo wa'ytyʌ tzi'u nʌctʌ'yoquiuy. Yʌ'šej chʌjcu wa'ytyʌ musjayu Diojsis myʌja'ŋajcuy. Yʌ' mʌja'ŋajcuy tʌ ŋguendamba Jesucristo's wyinnacacʌsi.

Filipenses 3:10

Mumu yʌ'šejta'mbʌ tiyʌ ʌs ndzʌcpa wa'ytyi'ʌs ispʌjcu oye tʌ Ngomi Jesucristo, y wa'yʌj Diojsis tzi'u pʌmi ndzoco'yojmo chi'ušej pʌmi Cristo wa'y wyinsa'u ca'yajupʌ'ojmoc. Y jujcha' toyapʌjcu Cristo, te'šejti'ʌj sunba ndoyapʌjque'tu ʌj ñempe'ʌj yajca'ya.

Filipenses 3:8

Wiyuŋšej mumu yʌ'šejta'mbʌ tiyʌ tocoquiuyše'amʌs nʌ'ijtyaju porque más oye wa'yʌs wiyuŋšej ndumʌtzocoy ispʌjcu Cristo Jesús, ʌs Ngomi. Ñe'cʌcotoya mumutiya'mʌs tocoyupʌ tiyʌšej ndzajcu, y putziše'amʌs ŋgomʌ'pya wa'ytyi'ʌs ndumʌtzocoy nite'tzʌyu yʌ' Cristo.

1 Tesalonicenses 1:9

Y teytya'mbʌ pʌ'nis chamyajpa jutzmistʌj mbʌjcʌchoŋdamu tey Tesalonica'ojmo, y jutzmis ndzactamu te' comichʌquita'm wa'mis nwʌ'aŋjamdamu y ŋgʌna'tzʌytyamu te' quenbapʌ y wiyuŋšejpʌ Dios.

2 Tesalonicenses 1:8

Y maŋba minu jucʌtʌc-nema'ojmo wa'y chi'yaju quioyowa ja'n ispʌquiapyʌ's Dios, y ja'n myato'ŋoyjayapyʌ's tʌ Ngomi Jesucristo's 'yevangelio.

Hebreos 3:1

Atzita'm, Diojsismij ŋguiopiŋdamu y nwyejtamu wa'mij maŋu ittamu ñe'cʌji'ŋ tzajpojmo. Te'cotoya nique'nʌytyamʌ te' Cristo Jesús. Ñe'cʌte' te' quiʌ'wejupʌ Diojsis, y ñe'cʌtijte'que' tʌta'm mʌja'ŋbʌ sacerdote cotzoŋbapʌ'stʌ wa'ytyʌ nwʌ'aŋja'moytyamu.

2 Pedro 1:2

Sunba'ʌs wa'mij Diojsis aŋba'te'c nyajyamdamu y wa'mij ñchi'tamu sʌ'mnaquiuy wa'y 'ya'ŋʌyjojcʌtʌjcu mista'm nʌctʌ'yoquiuy wa'mis ispʌctamu oye'c te' Dios y Ngomi Jesús.

2 Pedro 1:3

Y Cristo'stʌ pʌmitzi'tamba mumutiyʌcʌsi wa'ytyʌ itjojcʌtʌctamu te' masa'najcu'yojmo. Y ñe'cʌ'stʌ cotzoŋdamba wa'ytyʌ ispʌctamu oye'c te' Dios, te' wejtamupʌ'stʌ wa'y ittamu tʌta'm mbarte ñe' myʌja'ŋajcu'yojmo y chi'muŋgʌ'ojmo.

2 Pedro 1:8

Porque juca ndzʌcjojcʌtʌctambamis yʌ'šejta'mbʌ tiyʌ, maŋba pyaquipʌjcu mista'm ndzocoy. Y wa'mij jana comeque ittamu yʌy najsacopajcʌsi, pyʌcpa wa'mis a'ŋʌyjojcʌtʌctamu mista'm nʌctʌ'yoquiuy wa'mis ispʌctamu oye'c tʌ Ngomi Jesucristo.

1 Juan 1:2

Diojsis yajquenutʌj quenequene yʌ' tzi'papʌ'stʌj quenguy. Y ŋguenutʌs, y ñe'cʌtʌs ŋgotzamba. Y nyajmustambatʌsmij que yʌ'wʌte' te' ja'n yayepʌ quenguy ijtupʌytya' inʌc tʌ Ndata Diosji'ŋ, y minutʌj yajquenu wyin.

1 Juan 1:3

Yʌ'wʌ ŋguenutʌs y ne'cʌtʌste' ŋgʌmato'ŋʌyu. Y yʌtij nyajmustambatʌsmij wa'ytyʌ ndumʌquipstamu ne'co'mo, jujcha' tʌj ndumʌquipspa Diosji'ŋ y 'Yune Jesucristoji'ŋ.

1 Juan 2:23

Porque mumu'iwʌ'sta'mis ja'n pyʌjcʌchoŋyay te' Diojsis 'Yune, Tata Dioste' ja'n pyʌjcʌchoŋyay. Y iwʌ'sta'mis pyʌjcʌchoŋjayajpa te' Diojsis 'Yune, pyʌjcʌchoŋyajpa te' Tata Dios.

1 Juan 4:6

Tʌta'm Diojsistʌte' ñe'ta'm. Iwʌ's ispʌcpa Dios, cʌmato'ŋʌpyatʌ. Y iwʌ ja'n Diojsisñe', ja'ndʌ cʌmato'ŋʌy. Yʌ'šejta'mbʌ tiyʌcʌsitʌ muspa iwʌ's pyʌjcʌchoŋba te' wiyuŋbʌ tiyʌ y iwʌ's ja'n pyʌjcʌchowe.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.