San Juan 17:25 - Zoque Copainalá New Testament

²⁵ Tatay, njyustopʌmijte'. Jana wʌ'aŋja'moye's ja'nmij ispʌquiay pero ʌs ispʌcpa'ʌsmij. Y yʌ' ʌs ŋgʌ'aŋmaye'sta'm myujšajpa que misʌjyʌ' ŋgʌ'weju najsacopajcʌsi.

San Juan 17:25 ပူးပေါင်းရင်းမြစ်များ

San Mateo 11:27

Yʌ'šej cha'maŋwajcʌ'yu Jesujsis: Ʌs ŋgʌ'ojmo quiojtu ʌs Ndata Diojsis mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Mateo 16:16

Y 'yaŋdzoŋu te' Simón Pedro's, y nʌmu: Mijte' te' Cristo te' quenbapʌ Diojsis 'Yune.

San Lucas 10:22

Ʌs ŋgʌ'ojmo quiojtu ʌs Ndata's mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Juan 1:18

Yajujche'c jaquiena Dios ya'iwʌ's. Ñe'cʌ's jene šunba te' tyʌŋdumʌ Une. Te'wʌ tumo'oyj Tyata Diosji'ŋ, y minu cha'maŋwaju iwʌte' te' Tata Dios.

San Juan 10:15

jujcha' ʌs Ndata'sʌj ispʌcpa, y ʌs ispʌcpa'ʌs ʌs Ndataj. Y ndzi'oquia'pa'ʌs ne' nwin ñchowambecotoyata'm, y te'wʌ pʌnda'mde'.

San Juan 15:21

Pero mumu yʌ'šejta'mbʌ tiyʌ maŋbamij ñchʌcjatʌjtamu porque ŋgowʌ'aŋjamjaytyambamis ʌs nʌy, porque ñe'cʌ'sta'm ja'n ispʌquiay te' cʌ'wejupʌ'sʌj.

San Juan 16:27

Ja'nʌs ojquita'e porque šundambamij ʌs Ndata's, porque mista'm sundamumisʌj ʌj, y nwʌ'aŋjamdamumis que Diosaŋʌcʌjyʌ' tzu'cumu.

San Juan 16:3

Y yʌ'šejta'mbʌ tiyʌ maŋba chʌquiaju porque ja'nʌj ispʌquiay ʌj ni ʌs Ndata Dios.

San Juan 16:30

Yʌtij nʌctʌ'pyatʌs que muspʌ'pamis mumutiyʌ, y ja'ndiyʌ pyena wa'mij ŋguiʌ'aŋwa'cu ya'iwʌ's. Yʌ'wʌcʌsi nwʌ'aŋjambatʌs que Diosaŋʌcmijyʌ' ñchu'cumu.

San Juan 17:11

Ja'namʌj ndzʌ'quie'temaj najsacopajcʌsi, pero yʌ'ta'mbʌ tzʌ'yajpamaj najsacopajcʌsi, pero ʌj minba'ʌj mi'aŋʌ tey tzajpojmo. Ʌs masanbʌ Ndataj mis copʌquia' cotu'ša' mis mbʌmipit yʌ' ndzi'yajupʌmisʌj, wa'y tumo'oyj quipsoyaju jujcha' ʌsne' miji'ŋ tumo'oyj ʌs ŋguipsoquiuy.

San Juan 17:18

Ngʌ'wejušejmisʌj wa'yʌj minu ndzamgopu'ŋoyu najsacopajcʌsi, te'še'ʌs ŋgʌ'wejyajque'tu wa'y maŋu chamgopu'ŋoyaju naswindumʌ.

San Juan 17:21

Yʌ'še'ʌs nwa'cpa wa'y tumo'oyj quipsoyaju myuma'ŋgʌ'y, jujcha' ʌsne', Tatay, miji'ŋ tumo'oyjtyʌ ŋguipsoquiuy. Te'šejtijque' ñe'cʌta'm wa'y tumo'oyj quipsoyaju jujcha' tʌ mejtzji'ŋ, wa'y wyʌ'aŋjamyaju jana wʌ'aŋja'moye's que misʌjyʌ' ŋgʌ'weju.

San Juan 17:23

Ʌj tʌjcʌwya'mʌj ñe'ta'm choco'yojmo, y mij, ñdyʌjcʌyumij ʌs ndzoco'yojmo, wa'y tumo'oyj quipsoyaju choco'yojmo myuma'ŋgʌ'y. Y como tumʌpʌ quipsoquiuytyʌ nʌtu'ŋajpa, te'wʌcʌsi maŋba myujšaju jana wʌ'aŋja'moye's que misʌjyʌ' ŋgʌ'weju, y ʌj misʌj sunbašej, te'šejmis sunjayajpa ʌs nwʌ'aŋja'moye.

San Juan 17:3

Iwʌ'smij ispʌcpa que mijte' te' tumʌpʌ y wiyuŋšejpʌ Dios, y ispʌcpa'ʌj que ʌjte' te' Jesucristo, y que misʌjyʌ' ŋgʌ'weju, te'wʌ's pya'twa'a ja'n yayepʌ quenguy.

San Juan 17:8

Te' misʌj ndzamjayajupʌ tiyʌ, nʌtzamyajwa'mʌs ñe'cʌta'm. Y pyʌjcʌchoŋyaju, y wiyuŋšej wyʌ'aŋjamyajpa que miji'ŋʌj inʌc ijtu. Wyʌ'aŋjamyajpa que misʌjyʌ' ŋgʌ'weju.

San Juan 3:17

Porque ʌjte' te' Diojsis 'Yune, y ñe'cʌ'sʌj cʌ'weju najsacopajcʌsi ja'n wa'yʌs nyajco'aŋgʌyaju quiowa najsacopajcʌsita'mbʌ sino que wa'y quiotzoquiaju ʌjpit.

San Juan 6:19

Y nyajemdu'ŋaju'candʌs te' barco tumʌ leguaše'ŋoyj ŋguenutʌs Jesús ca'ŋba nʌ minu marcʌsi wa'y ñu'cu te' barco'aŋi, y na'tzutʌj.

San Juan 7:29

Ʌs ispʌcpa'ʌs, porque tzu'cumu'ʌj ñe'cʌ ijtumʌy, y ñe'cʌ'sʌjyʌ' cʌ'weju.

San Juan 8:19

Ñe'cʌ'sta'm quiʌ'aŋwa'quiaju: ¿Juta' jeque ijtu mis Ndataj? Aŋdzoŋu Jesús: Ja'nmisʌj ispʌctame ʌj ni ʌs Ndataj. Juca inʌc misʌj ispʌctamba ʌj, ispʌcjaytyambamis inʌc ʌs Ndataj.

San Juan 8:55

Pero ñe'cʌ ja'nmis ispʌctame, pero ʌs ispʌcpʌ'ʌs. Juca nʌmba'ʌj que ja'nʌs ispʌqui sutzpa inʌjcʌj jujcha' mij šutztamba. Pero ʌs ispʌcpa'ʌs y ŋgojamjapya'ʌs ñe' chame.

Hechos 17:23

Porque nʌ'cʌj ŋgʌtʌjcu'c mista'm ŋgʌna'tzʌ'oquiuy-tyʌjcaŋi, ŋguenu'ʌs ijtu inʌc sanduj-mesacʌsi yʌ'šej ja'yʌyumʌy: TE' JA'NDɅS ISPɅQUIPɅ DIOS. Te' mis ŋgʌna'tzʌytyambapʌ pero ja'n ispʌctamdʌ'ʌpʌmaj, te'wʌ'ʌsmijte' nʌ ndzamgopuŋjaytyamu.

Hechos 26:18

Myaŋbamij teymʌ wa'mis nyajsʌ'ŋjayaju wyitʌm, wa'y chaquiaju pi'tza'ŋajcʌ' y wa'y quieñaju sʌ'ŋgʌ', wa'y chacjayaju Satanajsis 'yaŋgui'mʌtʌjcuy y wa'y mye'chaju Dios. Te'šej wa'yʌs nyajcotocoyjayaju quiowa y wa'y pyʌjcʌchoŋyaju pyarte te' masa'najyajupʌji'ŋ jujche'ŋʌj wʌ'aŋjamyajpapʌ's.

Romanos 1:28

Y ñe'cʌ'sta'm quiomʌ'yaju juca ja'nde' 'yoyepʌ tiyʌ wa'y jyamwʌtzʌquiaju te' Dios. Te'cotoya Diojsis chaquiaju na' yacha'cuy wa'y quipšaju y wa'y chʌquiaju ja'n 'yoyeta'mbʌ tiyʌ.

Romanos 3:11

Ja'ndiyʌ iwʌ's ñʌctʌ'pya. Ja'ndiyʌ iwʌ's mye'tzpa Dios.

Romanos 3:26

Yʌ'šej chʌjcu wa'ytyʌ yajquendamu yʌ'ta'mbʌ aŋsʌ'ŋoyj ñe' jyusticia, y que ñe'cʌ justopʌte' y jyustococotpa iwʌ's wyʌ'aŋjamba Jesús.

1 Corintios 1:21

Porque como myujsu Diojsis que najsacopajcʌsita'mbʌ's ja'ispʌquia Dios ñe' myujsoquiupyitta'm, tzocopyajcu Dios wa'y yajcotzojcu te' wʌ'aŋja'moyajpapʌ te' tzamgopu'ŋopyapʌ tiyʌpit. Y yʌ'wʌ co'sawa'cuytye' te' eyata'mbʌ pʌngotoya.

1 Corintios 15:34

Coquendamʌ cuenta y tzactamʌ ŋgowa, porque ijtyaju mi'ojmota'm ja'n ñʌctʌ'yapyʌ's yajtiyʌ Diojsisñe'. Nʌjaytyamba'ʌsmij yʌ'šej wa'yʌsmij ndzʌctza'ajtamu.

2 Corintios 4:4

Como ja'n wyʌ'aŋjamyay, yajopi'tjayaju te' yʌpyʌ diojsis ñe'ta'm ñʌctʌ'yoquiuy. Yʌ'šej chʌjcu wa'y jana ñʌctʌ'yaju te' evangelio, te' tzi'papʌ'stʌ sʌ'ŋgʌ' y chambapʌ's te' Cristo's myʌja'ŋajcuy. Yʌ' Cristo's ñʌ'itjayu Diojsis chocoy y itcuy.

2 Tesalonicenses 1:8

Y maŋba minu jucʌtʌc-nema'ojmo wa'y chi'yaju quioyowa ja'n ispʌquiapyʌ's Dios, y ja'n myato'ŋoyjayapyʌ's tʌ Ngomi Jesucristo's 'yevangelio.

Hebreos 8:11

Y ya'iwʌ'sa ja'n maŋu 'yaŋmayaju tyʌwʌ, Ni ja'n maŋu 'yaŋmayaju ya'iwʌ wa'y ñʌjayaju: Yʌtij pyʌcpa wa'mis ispʌjcu tʌ Ngomi. Porque pijche'c chicsšej ñamaše'ʌj maŋba ispʌquiaju mumu pʌ'nis.

1 Juan 1:9

Juca ŋgowʌ'aŋjamdambatʌ tʌta'm ŋgowa Dioscʌsi, ñe'cʌ justopʌte' y nijamdambatʌ que maŋba yajcotocoyjayu tʌta'm ŋgowa, y yajcowajayu mumu tʌta'm nyacha'cuy.

El Apocalipsis 13:8

Y te' copʌn quiujnayjayaju jujche'ŋ najsacopac-iti'sta'm ja'ndita'mbʌ's ñʌy ja'yʌyupʌ Ñchowambe's ñʌ'ijtupʌ libro'ojmo. Desde que tujcu yʌ' najsacopac, tey te' libro'ojmo ja'yʌyaju ñʌy te' iscuy-quengu'yojmo maŋba tyʌjcʌyajupʌ'sñe'. Y yʌ' Ñchowambete' yajca'yaju desde pijche'c.

El Apocalipsis 16:5

Pijche'ca matoŋgue'tu'ʌs te' nʌ'ʌcowi'napʌ ángeles nʌ ñʌmu'c: Ʌs Ngomi, mijte' te' Diojsis Myasanbʌ, te' ijtupʌytya' inʌc y yʌtij tzajpojmo ijtupʌ. Justopʌ tiyʌ mis ndzʌjcu wa'mis te'šej njajcʌyjayaju najsacopac-pʌ'nista'm quio'aŋgʌquiuy,