San Juan 17:23 - Zoque Copainalá New Testament

²³ Ʌj tʌjcʌwya'mʌj ñe'ta'm choco'yojmo, y mij, ñdyʌjcʌyumij ʌs ndzoco'yojmo, wa'y tumo'oyj quipsoyaju choco'yojmo myuma'ŋgʌ'y. Y como tumʌpʌ quipsoquiuytyʌ nʌtu'ŋajpa, te'wʌcʌsi maŋba myujšaju jana wʌ'aŋja'moye's que misʌjyʌ' ŋgʌ'weju, y ʌj misʌj sunbašej, te'šejmis sunjayajpa ʌs nwʌ'aŋja'moye.

San Juan 17:23 ပူးပေါင်းရင်းမြစ်များ

San Juan 10:38

Pero juca ndzʌcpa'ʌs Ndata Diojsis šunbapʌ tiyʌ, ñempe misʌj ja'n nwʌ'aŋjamdame ʌj, wʌ'aŋjamdamʌ te' ʌs ndzʌquiajpapʌ isaŋwʌ'ajcuy. Te'šej wa'mis mustamu y nwʌ'aŋjamdamu que ʌs Ndataj ijtu ʌs ndzoco'yojmo, y ʌj ijtu'ʌj Ndata's choco'yojmo.

San Juan 13:35

Juca našunʌtʌjtambamij ne'co'mo maŋba myujšaju te'wʌcʌsi mumu pʌ'nis que ʌsmijyʌ' ŋgʌ'aŋmayeta'm.

San Juan 14:10

¿Y ja'nja nwʌ'aŋjamdame que ʌj, ʌs Ndata's choco'yojmo'ʌj ijtu, y ʌs Ndataj ijtu ʌsne' ndzoco'yojmo? Y tiyʌta'mʌsmij ndzamjaytyamba ja'nde' ʌsne' ŋgo'quips ndzame, sino que ʌs Ndata'sñe', te' ʌs ndzoco'yojmo ijtupʌ, jujche'ŋ wʌta'mbʌ tiyʌ ñe'cʌ'ste' chʌcpa.

San Juan 14:23

Aŋdzoŋu Jesús: Iwʌ'sʌj sunba, quiojamjapya ʌs ndzame. Y ʌs Ndata's maŋba šunu, y ŋgʌ'minbatʌs ñe'cʌ y minbatʌj ijtu ñe' choco'yojmo.

San Juan 15:9

Jujcha' ʌs Ndata'sʌj sunba, te'šej ʌsmij sundaŋgue'tpa. Sunjojcʌtʌctamʌ'ʌj ʌsmij sunjojcʌtʌctambašej.

San Juan 16:27

Ja'nʌs ojquita'e porque šundambamij ʌs Ndata's, porque mista'm sundamumisʌj ʌj, y nwʌ'aŋjamdamumis que Diosaŋʌcʌjyʌ' tzu'cumu.

San Juan 17:11

Ja'namʌj ndzʌ'quie'temaj najsacopajcʌsi, pero yʌ'ta'mbʌ tzʌ'yajpamaj najsacopajcʌsi, pero ʌj minba'ʌj mi'aŋʌ tey tzajpojmo. Ʌs masanbʌ Ndataj mis copʌquia' cotu'ša' mis mbʌmipit yʌ' ndzi'yajupʌmisʌj, wa'y tumo'oyj quipsoyaju jujcha' ʌsne' miji'ŋ tumo'oyj ʌs ŋguipsoquiuy.

San Juan 17:21

Yʌ'še'ʌs nwa'cpa wa'y tumo'oyj quipsoyaju myuma'ŋgʌ'y, jujcha' ʌsne', Tatay, miji'ŋ tumo'oyjtyʌ ŋguipsoquiuy. Te'šejtijque' ñe'cʌta'm wa'y tumo'oyj quipsoyaju jujcha' tʌ mejtzji'ŋ, wa'y wyʌ'aŋjamyaju jana wʌ'aŋja'moye's que misʌjyʌ' ŋgʌ'weju.

San Juan 17:24

Tatay, sunba'ʌs wa'y maŋu ijtyajque'tu ʌji'ŋ maŋbamʌ'yʌj ijtu, yʌ' misʌj ndzi'yajupʌ pʌn, wa'y quieñaju jutz misʌj nyajmʌja'ŋaju, porque sunumisʌj.

San Juan 17:26

Y ʌs nyajmujšajwa'mʌs iwʌmijte', y maŋbama'ʌs nyajmujsa'ŋʌyaju. Te'šej maŋba ijtu ñe'ta'm choco'yojmo misne' su'noquiuy, wa'y šu'noyaju jujcha' misʌj ʌj sunba. Y ʌj maŋba'ʌj ijtu ñe'ta'm choco'yojmo.

San Juan 17:3

Iwʌ'smij ispʌcpa que mijte' te' tumʌpʌ y wiyuŋšejpʌ Dios, y ispʌcpa'ʌj que ʌjte' te' Jesucristo, y que misʌjyʌ' ŋgʌ'weju, te'wʌ's pya'twa'a ja'n yayepʌ quenguy.

San Juan 17:8

Te' misʌj ndzamjayajupʌ tiyʌ, nʌtzamyajwa'mʌs ñe'cʌta'm. Y pyʌjcʌchoŋyaju, y wiyuŋšej wyʌ'aŋjamyajpa que miji'ŋʌj inʌc ijtu. Wyʌ'aŋjamyajpa que misʌjyʌ' ŋgʌ'weju.

San Juan 3:17

Porque ʌjte' te' Diojsis 'Yune, y ñe'cʌ'sʌj cʌ'weju najsacopajcʌsi ja'n wa'yʌs nyajco'aŋgʌyaju quiowa najsacopajcʌsita'mbʌ sino que wa'y quiotzoquiaju ʌjpit.

San Juan 6:56

Iwʌ's quiʌ'sjapya ʌs sis y tyo'ŋjapya ʌs nʌ'pin, ʌs ndzoco'yojmo itjojcʌtʌcpa y ʌj ñe' choco'yojmo itpa.

1 Corintios 1:30

Diojsistʌ tumʌtzʌctamu Cristo Jesusji'ŋ. Diojsistʌ tzi'u Cristo wa'ytyʌ yajmujsoyu y justococojtu, y wa'ytyʌ yajmasa'naju y jupyujtu, ca'u'c cruzcʌsi.

2 Corintios 5:21

Cristo, te' jaquiowapa'tʌpʌ, chʌmidzi'pʌ'u cowa Diojsis tʌcotoyata'm wa'ytyʌ justococojtu Diojsis ñe' jyusticia'ojmo Cristopit.

Gálatas 3:28

Yʌtij ja'ndiyʌ chʌqui juca judío o juca griegomij, juca coyospapʌ o juca librepʌmij, juca pʌn o juca yomomij, porque ñdyumo'yjtya'm mij Cristoji'ŋ.

Filipenses 3:15

Te'šejtʌ maŋba ŋguipsoytyamu jujche'ŋdʌ cota'nbʌ'wa'a. Y juca tiyʌ'iwʌcʌsi mij eya ŋguipsoytyamba, Diojsismij maŋba nyajquendamu jutz oye wa'mij ŋguipsoytyamu.

Colosenses 1:28

Te'cotoya ndzamgopuŋbatʌs Cristo mumujutʌ, y ndzamnʌctʌ'yajpatʌs mumu pʌn y aŋmayajpatʌs oyepʌ nʌctʌ'yo'quiu'yojmo wa'ytyʌs nʌ'aŋgueju tumduma'ŋbʌn Diojsis wyi'naŋdʌjqui cota'nbʌ'upʌ te' Cristopit.

Colosenses 2:2

Te'še'ʌj nʌ nwa'coyu porque sunba'ʌs wa'mij Diojsis mbyʌmitzi'tamu ndzoco'yojmo y wa'mis tumʌtzocoy našunʌtʌjtamu ne'co'mo. Y sungue'tpa'ʌs wa'y pyocspajcu mista'm ŋguipsoquiuy y nʌctʌ'yoquiuy wa'mis ispʌctamu oye te' Cristo. Y te'šejmis maŋba mustamu tiyʌte' te' tʌ Ndata Diojsis jayajqueyapʌ tiyʌ wina. Te'wʌte' te' Cristo.

Colosenses 3:14

Y nʌtu'ŋajtamʌ nimeque'ctij te' tʌwʌ-sunguy porque te'šejtʌ muspa nʌtu'ŋajtamu mumu oyeta'mbʌ tiyʌ porque te'šejtʌte' nyajcota'nba.

1 Pedro 5:10

Y ŋguenba'camis toya uša'ŋ aŋsʌŋ, Diojsismij maŋba nyajpaquipʌctamu, mbyʌmitzi'tamu y nyajcota'ndamu ndzoco'yojmo. Porque ñe'cʌte' te' yajya'mopyapʌ y ñe'cʌ'smijte' nwyejtamu wa'mis ittamu mbarte te' ja'n yayepʌ ñe' myʌja'ŋajcu'yojmo.

1 Juan 1:3

Yʌ'wʌ ŋguenutʌs y ne'cʌtʌste' ŋgʌmato'ŋʌyu. Y yʌtij nyajmustambatʌsmij wa'ytyʌ ndumʌquipstamu ne'co'mo, jujcha' tʌj ndumʌquipspa Diosji'ŋ y 'Yune Jesucristoji'ŋ.

1 Juan 3:1

Coquendamʌ cuenta jutztʌ aŋba'te sundamba tʌ Ndata Diojsis wa'y ñʌmu: Yʌtij ʌsamijyʌ' uneta'm. Te'cotoya te' ja'n wyʌ'aŋjamyapyʌ's ñe'cʌ ja'ndʌ ispʌquiay tʌta'm, porque ja'n ispʌquiay ñe'cʌ.

1 Juan 4:19

Tʌta'm sundambatʌ Dios, porque ñe'cʌ'stʌ wina sundamu.

El Apocalipsis 3:9

Yʌtij jeque maŋba'ʌs nwejmiñaju te' tu'mʌyajpapʌ wa'y chʌcjayaju Satanajsis šu'noquiuy. Yʌ'ta'mbʌ nʌmyajpa que judio-pʌnda'mde', y ja'nde' pitta'm, sujchajpapʌte'. Te'ta'mbʌ jeque, maŋba'ʌs nwejmiñaju wa'y minu quiʌna'tzʌ'oyaju mis nwi'naŋdʌjqui wa'y myujšaju que jene sunu'ʌsmij mij, ʌs ndu'mʌquiuy.