San Juan 17:22 - Zoque Copainalá New Testament

²² Jujcha' misʌj nyajmʌja'ŋaju, te'še'ʌs nyajmʌja'ŋajyajque'tu ñe'cʌta'm wa'y tumo'oyj quipsoyaju jujcha' tʌ tumo'oyjtyʌ quipsoytyamba mejtzji'ŋ.

San Juan 17:22 ပူးပေါင်းရင်းမြစ်များ

San Marcos 6:7

Y wyejtu'mʌyaju Jesujsis te' macwʌstʌjca'ytya'mbʌ quiʌ'aŋmaye y yajmaŋyaju metza metza. Y chi'yaju aŋgui'mʌtʌjcuy wa'y myacpujtyaju te' yatzita'mbʌ espíritu.

San Lucas 22:30

Y maŋbamij mbyocspactamu aŋgui'mʌtʌjcuy-pyocscu'yojmota'm wa'mis ŋgʌme'tztamu te' macwʌstʌjca'pyʌ Israe'lis 'yune-winboyata'm.

San Juan 1:14

Te' Diojsis Chame pʌnwitu'u, y ñe'cʌ tiju wyijtu quia'ŋu tʌ'ojmota'm, wiyuŋdzambapʌ pʌn jyo'ʌyupʌ yajya'moquiu'yis. Nguenjayutʌs myʌja'ŋajcʌ', jujcha' tʌŋdumʌ une chi'pa mʌja'ŋajcʌ' tyata's.

San Juan 1:16

Ñe'te' mumutiyʌ, y mumutiyʌ tʌ tzi'tamba ñe'cʌ's. Mbʌjcʌchoŋba'ctʌ yajya'moquiuy ñe'cʌ's tʌ a'ŋʌyjapya yajya'moquiuy.

San Juan 14:20

Ʌ' jamo'oyj maŋbamis nʌctʌ'ytyamu que ʌj, ʌs Ndata's choco'yojmo'ʌj ijtu, y mijta'm ʌsne' ndzoco'yojmo, y ʌj mista'm ndzoco'yojmo.

San Juan 17:24

Tatay, sunba'ʌs wa'y maŋu ijtyajque'tu ʌji'ŋ maŋbamʌ'yʌj ijtu, yʌ' misʌj ndzi'yajupʌ pʌn, wa'y quieñaju jutz misʌj nyajmʌja'ŋaju, porque sunumisʌj.

Hechos 5:41

Y tzu'cumyaju te' aŋgui'moye'sta'm wyi'naŋdʌjqui, y ñʌ'omyaju que Diojsis myayatʌju pyʌcpašej wa'y yacsnutzʌquiatʌju ñe' Ñʌquiotoya.

Romanos 8:30

Te' Diojsis antestij quiopiŋyajupʌ, te'ta'mbʌte' wyejyatʌju. Y te' wyejyatʌjupʌ, te'ta'mbʌ jyustococojtyaju. Y te' jyustococojtyajupʌ, te'ta'mbʌ te'šejtijque' yajmʌja'ŋajyaju.

2 Corintios 3:18

Te'cotoya jʌcʌ'pʌ'u'ca te' windoc, ŋguenjaytyambatʌ tʌ Ngomi's chi'muŋgʌ'. Y ñe'cʌ'stʌ cacpʌ'pa wa'ytyʌ nʌ'itjayu ñe' chocoy y itcuy, hasta que yajcota'nbatʌ te' ñe' chi'muŋgʌ'ojmo. Tʌ Ngomi'ste' 'Yespiritu's chʌcpa yʌ'šej.

2 Corintios 5:20

Te'cotoya Diojsistʌj cʌ'weju Cristo's ñʌquiʌsi, como que ñe'cʌ'smijte' nʌ nwya'cjaytyamu tʌjpit. Nwa'cjaytyambatʌsmij Cristo's ñʌquiʌsi: Našunwʌtzʌctamʌ Diosji'ŋ.

2 Corintios 6:1

Tʌj jeque, tumʌyospatʌj Diosji'ŋ, y nwa'cjaytyambatʌsmij umis comeque mbʌjcʌchoŋdamu Diojsis yajya'moquiuy.

Efesios 2:20

Jujcha' tʌctzʌcpapʌ's quiotpa tzo'tzcuy te' tʌjquisñe', te'šej Diojsis quiojtu ñe' quiʌ'wejta'm y cha'maŋwa'oyeta'm wa'y yojšaju jujcha' tʌjquis cho'tzcuy. Y mijta'm, Diojsismij nyajtʌjcʌytyamu jujcha' tza'ta'm wa'mij ñecsco'matʌjtamu te'šejpʌ tʌjquis tzo'tzcuquiʌsi. Pero te' Jesucristo, te'wʌte' te' Diojsis jyejcupʌ aŋguinʌ tza'cowi'na.

Filipenses 1:29

Y yajya'moquiupyit Cristo'smij mbyaquitzi'tamba wa'mis jana na'chcuy nwʌ'aŋjamdamu ñe'cʌ, y ja'n na' te'wʌtij sino que wa'mij nyacsnutzʌcʌtʌjtaŋgue'tu porque nwʌ'aŋjamdambamis ñe'cʌ.

Colosenses 1:24

Y yʌti'ʌs nʌ ŋguenupʌ toya mijcotoyata'm, nʌ'omba'ʌs porque sundamba'ʌsmij. Y nʌ'cʌs ŋguenu toya mijcotoyata'm, te' ʌji'ŋbʌ Cristo's nʌ quiengue'tu toya mijcotoyata'm porque mijta'mde' ñe'te' cuerpo, sunbate' ñʌmu ñe' tyu'mʌquiuy.

1 Juan 1:3

Yʌ'wʌ ŋguenutʌs y ne'cʌtʌste' ŋgʌmato'ŋʌyu. Y yʌtij nyajmustambatʌsmij wa'ytyʌ ndumʌquipstamu ne'co'mo, jujcha' tʌj ndumʌquipspa Diosji'ŋ y 'Yune Jesucristoji'ŋ.

1 Juan 3:24

Y iwʌ's quiojamjapya Diojsis 'yaŋgui'mguy, choco'yojmo ñʌ'itjojcʌtʌcpa Diojsis. Y Dios itjojcʌtʌcpa te'šejpʌ pʌ'nis choco'yojmo. Mustambatʌ que ñe'cʌ itjojcʌtʌcpa tʌta'm ndzoco'yojmo porque tzi'tamwa'ndʌ te' Espíritu Santo.

1 Juan 4:17

Juca te'še'andʌ, cota'nbʌ'wa'a Diojsis šu'noquiuy tʌta'm ndzoco'yojmo wa'ytyʌ jana na'tztamu te' cʌme'tzoquiuy jamo'oyj. Jujcha' ñe'cʌ su'nopya, te'šejtijtʌ su'noytyaŋgue'tpa yʌy najsacopajcʌsi.

El Apocalipsis 21:14

Y te' cumgu'yis cha'no'tze'ojmo ijtu inʌc macwʌstʌjca'y aŋguinʌ-jequiajupʌ tza'cowi'na y tumdumʌpʌ tza'cʌsi, tey inʌc ja'yʌyu nʌy tumdumʌpʌ cʌ'we'ista'mñe', Ñchowambe Jesucristo's quiʌ'wejyajupʌ.