San Juan 17:21 - Zoque Copainalá New Testament

²¹ Yʌ'še'ʌs nwa'cpa wa'y tumo'oyj quipsoyaju myuma'ŋgʌ'y, jujcha' ʌsne', Tatay, miji'ŋ tumo'oyjtyʌ ŋguipsoquiuy. Te'šejtijque' ñe'cʌta'm wa'y tumo'oyj quipsoyaju jujcha' tʌ mejtzji'ŋ, wa'y wyʌ'aŋjamyaju jana wʌ'aŋja'moye's que misʌjyʌ' ŋgʌ'weju.

San Juan 17:21 ပူးပေါင်းရင်းမြစ်များ

San Marcos 3:24

Y juca tumʌco gobierno'ojmota'mbʌ quipyajpa ñe'co'mo, ja'n musi itjojcʌtʌjcu ʌ' gobierno.

San Juan 10:16

Ijtyajque'tumaj eyata'mbʌ ja'ndiyʌta'mbʌ yʌy ʌs nwe'que'ojmo. Te'ta'mbʌ pyʌcpa wa'yʌs nʌmiñaju, y maŋba ñʌctʌ'yjayaju ʌs nwejcʌ'. Y maŋba ñʌctʌ'yjayaju ʌs ndzame. Y tumʌco necstoyoquiuy maŋba ijtu y tumʌtya'a quioqueñajpapʌ's.

San Juan 10:30

Ʌj Ndataji'ŋ tu'mbacpʌtʌjyʌ'.

San Juan 10:38

Pero juca ndzʌcpa'ʌs Ndata Diojsis šunbapʌ tiyʌ, ñempe misʌj ja'n nwʌ'aŋjamdame ʌj, wʌ'aŋjamdamʌ te' ʌs ndzʌquiajpapʌ isaŋwʌ'ajcuy. Te'šej wa'mis mustamu y nwʌ'aŋjamdamu que ʌs Ndataj ijtu ʌs ndzoco'yojmo, y ʌj ijtu'ʌj Ndata's choco'yojmo.

San Juan 11:42

Ʌs muspa'ʌs que ŋgʌmato'ŋʌyjojcʌtʌcpamisʌj. Pero yʌ' yʌy no'tznayajupʌ pʌngotoya ndzamu'ʌs te'šej wa'y myatoŋyaju y wyʌ'aŋjamyaju que misʌjyʌ' ŋgʌ'weju najsacopajcʌsi.

San Juan 13:32

Y como ʌjpit queju que te' Dios mʌja'ŋbʌte', te'šejtijque' Diojsisʌj maŋba yajmʌja'ŋaju.

San Juan 13:35

Juca našunʌtʌjtambamij ne'co'mo maŋba myujšaju te'wʌcʌsi mumu pʌ'nis que ʌsmijyʌ' ŋgʌ'aŋmayeta'm.

San Juan 17:11

Ja'namʌj ndzʌ'quie'temaj najsacopajcʌsi, pero yʌ'ta'mbʌ tzʌ'yajpamaj najsacopajcʌsi, pero ʌj minba'ʌj mi'aŋʌ tey tzajpojmo. Ʌs masanbʌ Ndataj mis copʌquia' cotu'ša' mis mbʌmipit yʌ' ndzi'yajupʌmisʌj, wa'y tumo'oyj quipsoyaju jujcha' ʌsne' miji'ŋ tumo'oyj ʌs ŋguipsoquiuy.

San Juan 17:18

Ngʌ'wejušejmisʌj wa'yʌj minu ndzamgopu'ŋoyu najsacopajcʌsi, te'še'ʌs ŋgʌ'wejyajque'tu wa'y maŋu chamgopu'ŋoyaju naswindumʌ.

San Juan 17:20

Pero ja'nʌj nwa'coy na' yʌ'ta'mbʌcotoya, sino que nwa'que'tpa'ʌs te' maŋbapʌ'sma'ʌj wʌ'aŋjamyajupʌcotoya yʌ'ta'mbʌ's 'yaŋma'yoquiupyit.

San Juan 17:25

Tatay, njyustopʌmijte'. Jana wʌ'aŋja'moye's ja'nmij ispʌquiay pero ʌs ispʌcpa'ʌsmij. Y yʌ' ʌs ŋgʌ'aŋmaye'sta'm myujšajpa que misʌjyʌ' ŋgʌ'weju najsacopajcʌsi.

San Juan 17:3

Iwʌ'smij ispʌcpa que mijte' te' tumʌpʌ y wiyuŋšejpʌ Dios, y ispʌcpa'ʌj que ʌjte' te' Jesucristo, y que misʌjyʌ' ŋgʌ'weju, te'wʌ's pya'twa'a ja'n yayepʌ quenguy.

San Juan 17:8

Te' misʌj ndzamjayajupʌ tiyʌ, nʌtzamyajwa'mʌs ñe'cʌta'm. Y pyʌjcʌchoŋyaju, y wiyuŋšej wyʌ'aŋjamyajpa que miji'ŋʌj inʌc ijtu. Wyʌ'aŋjamyajpa que misʌjyʌ' ŋgʌ'weju.

San Juan 3:17

Porque ʌjte' te' Diojsis 'Yune, y ñe'cʌ'sʌj cʌ'weju najsacopajcʌsi ja'n wa'yʌs nyajco'aŋgʌyaju quiowa najsacopajcʌsita'mbʌ sino que wa'y quiotzoquiaju ʌjpit.

San Juan 5:23

Yʌ'šej chʌjcu wa'yʌj cʌna'tzʌyaju ʌj jujcha' quiʌna'tzʌyajpa ñe'cʌ ʌs Ndata Dios. Iwʌ'sʌj ja'n cʌna'tzʌy ʌj, te' 'Yune, ja'n quiʌna'tzʌyjay ʌs Ndataj cʌ'wejupʌ'sʌj.

Hechos 2:46

Tumdumʌ jama inʌc itjojcʌtʌquiajpa myuma'ŋgʌ'y te' templo'ojmo. Y tumʌ'ajcu'yoyj inʌc wye'nbʌ'yajpa te' pan tumdumʌpʌ tʌjcojmo. Y myuma'ŋgʌ'y inʌc cu'tyajpa pumñayu'c y sʌ'mnayupʌ chocopyit.

Hechos 4:32

Y mumu te' wʌ'aŋja'moyajupʌ tumo'oyjtya'm inʌc choco'yis quipsoquiuy y šu'noquiuy. Y ya'iwʌ inʌc ja'n ñe'tzame, tumo'oyjtya'm inʌc myumutiyʌ.

Romanos 12:5

te'šej tʌta'm, jujche'ŋdʌ nwʌ'aŋjamdamba Cristo, wʌwʌta'mdʌ, pero tumʌpʌ cuerpošejtʌ, y tumduma'ŋbʌn yospa tiyʌ'iwʌcʌsi.

1 Corintios 1:10

Nwa'cjaytyamba'ʌsmij jeque, atzita'm, tʌta'm Ngomi Jesucristo's ñʌquiʌsi tumo'pyʌ tiyʌ mis wa'y ndzamdamu muma'ŋgʌ'y, y umij ŋguipotoŋdamu ne'co'mo, sino que sa'sa'c wa'mij ñdyumʌquipsoytyamu y ñdyumʌ'aŋnʌctza'mʌ'oytyamu.

1 Corintios 12:12

Jujcha'nde' tʌ ŋgüerpo tumʌpʌtijte' y ijtu sone tiyʌta'm, y ñempe sone tiyʌta'm ijtu tʌ ŋgüerpo's, tumo'pyʌ cuerpote'. Te'šejtijque' te' Cristo's cuerpo.

1 Corintios 6:17

Pero iwʌ tumʌtzʌcpa tʌ Ngomiji'ŋ, tumo'pyʌ espiritu'ajpa ñe'cʌji'ŋ.

Gálatas 3:28

Yʌtij ja'ndiyʌ chʌqui juca judío o juca griegomij, juca coyospapʌ o juca librepʌmij, juca pʌn o juca yomomij, porque ñdyumo'yjtya'm mij Cristoji'ŋ.

Filipenses 1:27

Te'cotoya ndzamjaytyamba'ʌsmij wa'mij ñdyu'ŋajtamu oye pyʌcpašej, porque nwʌ'aŋjamdambamis te' Cristo's 'yevangelio. Y juca minba'ʌsmij ndu'nistamu o ja'nʌj mini pero sunba'ʌs wa'yʌj yajmujšaju que tumupʌ quipsoquiuytyijmis nʌ nʌtu'ŋajtamu ndumʌtzocoy. Y sunba'ʌs musque'tu que tumʌ'ajcu'yoyj nʌmis ŋgoquipjaytyamu te' Cristo's 'yevangelio nwʌ'aŋjamdambapʌtʌ.

1 Juan 1:3

Yʌ'wʌ ŋguenutʌs y ne'cʌtʌste' ŋgʌmato'ŋʌyu. Y yʌtij nyajmustambatʌsmij wa'ytyʌ ndumʌquipstamu ne'co'mo, jujcha' tʌj ndumʌquipspa Diosji'ŋ y 'Yune Jesucristoji'ŋ.

1 Juan 5:7

Porque tuca'y ijtu tzajpojmo quiotestigosajyajpapʌ's te' Jesús: Tʌ Ndata Diojsis, te' Tzame's y te' Espíritu Santo's. Y yʌ' tuca'ytya'mbʌ tumo'oyjtya'm quipšajpa.