Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




San Juan 17:20 - Zoque Copainalá New Testament

20 Pero ja'nʌj nwa'coy na' yʌ'ta'mbʌcotoya, sino que nwa'que'tpa'ʌs te' maŋbapʌ'sma'ʌj wʌ'aŋjamyajupʌcotoya yʌ'ta'mbʌ's 'yaŋma'yoquiupyit.

အခန်းကိုကြည့်ပါ။ ကော်ပီ




San Juan 17:20
10 ပူးပေါင်းရင်းမြစ်များ  

Ijtyajque'tumaj eyata'mbʌ ja'ndiyʌta'mbʌ yʌy ʌs nwe'que'ojmo. Te'ta'mbʌ pyʌcpa wa'yʌs nʌmiñaju, y maŋba ñʌctʌ'yjayaju ʌs nwejcʌ'. Y maŋba ñʌctʌ'yjayaju ʌs ndzame. Y tumʌco necstoyoquiuy maŋba ijtu y tumʌtya'a quioqueñajpapʌ's.


Y ʌs nʌtu'ŋajpa'ʌs te' masa'najcuy, wa'y ñe'cʌ'sta'm ñʌtu'ŋajojcʌtʌquiaju te' masa'najcuy te' wiyuŋbʌ tiyʌpit.


Yʌ'še'ʌs nwa'cpa wa'y tumo'oyj quipsoyaju myuma'ŋgʌ'y, jujcha' ʌsne', Tatay, miji'ŋ tumo'oyjtyʌ ŋguipsoquiuy. Te'šejtijque' ñe'cʌta'm wa'y tumo'oyj quipsoyaju jujcha' tʌ mejtzji'ŋ, wa'y wyʌ'aŋjamyaju jana wʌ'aŋja'moye's que misʌjyʌ' ŋgʌ'weju.


Te'cotoya te' wyʌ'aŋjamyajupʌ's te' chame nʌ'yʌyaju. Te' jamo'oyj a'ŋʌyaju ñe'co'mo tuca'y mil pʌnše'ŋoyj.


Pero wʌwʌ pʌn quiʌmato'ŋʌyajupʌ's te' evangelio, wyʌ'aŋjamyaju, y ta'ñaju mosa'y mil pʌnše'ŋoyj.


Pero yʌtij Diojsistʌ nʌ yajquendamu te' tza'maŋwa'oye'sta'm tyotojayepit. Yʌ'šej aŋgui'mu te' ja'n yaye cho'tzepʌ Dios, wa'y mumu pʌ'nis myatoŋyaju yʌ' wina inʌc cʌwʌ'nupʌ tiyʌ, wa'y myato'ŋoyjayaju Cristocʌsipʌ wʌ'aŋja'moquiuy.


Y Cristo's quiojtu ñe' tyu'mʌquiu'yojmo cʌ'wejta'm, tza'maŋwa'oyeta'm, y chamgopuŋjayajpapʌ's ñe' 'yevangelio. Y quiotque'tu eyata'mbʌ, te'ta'mbʌ's wa'y quioqueñaju y yajnʌctʌ'yaju te' tu'mʌyajpapʌ Cristo's ñʌquiʌsi.


Nʌ'ʌsmij njayjayu mij, Timoteo. Wiyuŋšej sunba'ʌsmij jujcha' ʌsne' une. Sunba'ʌs wa'mij nyajyamu y wa'mij ñdyo'ya'ŋʌyu y wa'mij ñchi'u sʌ'mnaquiuy tʌ Ndata Diojsis y tʌ Ngomi Jesucristo's.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ