San Juan 17:2 - Zoque Copainalá New Testament

² Ndzi'umisʌj aŋgui'mʌtʌjcuy wa'yʌs aŋgui'myaju mumu pʌn. Y te'šejtijque' wa'yʌs ndzi'yaju ja'n yayepʌ quenguy mumu jujche'ŋ misʌj ndzi'yajupʌ.

San Juan 17:2 ပူးပေါင်းရင်းမြစ်များ

San Mateo 11:27

Yʌ'šej cha'maŋwajcʌ'yu Jesujsis: Ʌs ŋgʌ'ojmo quiojtu ʌs Ndata Diojsis mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Mateo 25:46

Yʌ'ta'mbʌ maŋba tyʌjcʌyaju ja'n yayepʌ toya'ojmo. Pero te' justota'mbʌ maŋba tyʌjcʌyaju ja'n yayepʌ quengu'yojmo.

San Mateo 28:18

Y ca'ŋmi'ŋa'ŋʌyu Jesús wa'ytyʌj oto'ŋʌyu y nʌjayutʌj: Ʌs Ndata Diojsis tzi'u'ʌj aŋgui'mʌtʌjcuy wa'yʌj aŋgui'moyu tzajpojmo y najsacopajcʌsi.

San Juan 17:24

Tatay, sunba'ʌs wa'y maŋu ijtyajque'tu ʌji'ŋ maŋbamʌ'yʌj ijtu, yʌ' misʌj ndzi'yajupʌ pʌn, wa'y quieñaju jutz misʌj nyajmʌja'ŋaju, porque sunumisʌj.

San Juan 17:6

Nyajnʌctʌ'yajwa'mʌs yʌ' pʌnda'm ndzi'yajupʌmisʌj najsacopajcʌsi que mʌja'ŋbʌte' mis nʌy. Misyʌ' inʌc ne'ta'm, y ndzi'yajumisʌj, y quiojamjayaju mis ndzame.

San Juan 17:9

Ʌj nʌ'ʌj nwa'coyu ñe'cʌcotoyata'm. Ja'ʌs nwa'coyjayay te' ja'nʌj wʌ'aŋjamyapyʌcotoya, sino que nʌ'ʌj nwa'coyu te' misʌj ndzi'yajupʌcotoya porque miste'ne'ta'm.

San Juan 3:35

Jene šunu Diojsis te' 'Yune. Te'cotoya quiojtu mumutiyʌ ñe' quiʌ'ojmo.

San Juan 4:14

pero iwʌ's tyo'ŋba te' nʌ' ʌs ndzi'papʌ ja'na yoctʌtzque'temaj. Te' ʌs ndzi'papʌ nʌ' maŋba wyomjojcʌtʌjcu ñe'co'mo jujcha' wombamʌy nʌ', y maŋba wyipqui'mjojcʌtʌjcu choco'yojmo wa'y pya'tu ja'n yayepʌ quenguy ñe'cʌ's.

San Juan 6:27

Yostamʌ, ja'n na' wa'mis mba'ttamu yajpapʌ cu'tcuy, sino que wa'mis mba'ttamu ja'n yayepʌ cu'tcuy. Ʌs, te' Pʌ'nis 'Yune's, sunba'ʌsmij ndzi'tamu cu'tcuy ja'n yayepʌ quenguquiotoya. Porque ʌj copiŋu Ndata Diojsis wa'yʌsmij ʌs ndzi'tamu.

San Juan 6:37

Mumu jujche'ŋ quiopiŋba Diojsis wa'yʌj wʌ'aŋjamyajupʌ's, maŋba'ʌj cʌ'miñaju. Y iwʌ'sʌj cʌ'minba ja'nʌs macwinduqui.

San Juan 6:39

Ʌs Ndata'sʌjte' cʌ'weju, y ñe'cʌ's šunba u'yʌs nyajtocoyu ni tumʌc ñe'cʌ's quiopiŋyajupʌ wa'yʌj wʌ'aŋjamyaju. Šunba wa'yʌs nyajwinsa'yaju te' ultimopʌ jamo'oyj.

Romanos 6:23

Porque te' cowa's quioyowa, ca'aŋde', pero Diojsistʌ saŋdzi'pa ja'n yayepʌ quenguy tʌta'm Ngomi Cristo Jesuspit.

1 Corintios 15:25

Pero maŋba 'yaŋgui'moyu Jesús hasta que myaŋgopajcʌ'pya ñe'cʌ's mumu te' qui'nišajpapʌ's ñe'cʌ.

Efesios 1:20

yajwinsa'u'c te' Cristo ca'yajupʌ'ojmoc y yajpocspajcu ñe' chʌ'na'ŋoyj nimeque'ctijpʌ mʌja'ŋajcu'yojmo, te' ʌmʌ tzajpojmo.

Filipenses 2:10

Y te' más itniqui'ma'ŋʌyupʌ Jesujsis ñʌy wa'ytye' mumupʌ's quiujnayjayaju jujche'ŋ quengu'yʌyajupʌ tiyʌ's, te' tzajpojmo ijtyajupʌ's, te' najsacopajcʌsi ijtyajupʌ's y te' ca'yajupʌ's.

1 Timoteo 1:16

Pero to'ya'ŋʌyu'ʌj Jesucristo's nimeque'ctij wa'y yajqueju wina ʌjcʌsi te' aŋba'tepʌ pyaciencia. Y te'šej chʌjcu wa'y quiengʌspʌquiaju ʌjcʌsi jujche'ŋ maŋbapʌ's wyʌ'aŋjamyaju ñe'cʌ wa'y pya'tyaju ja'n yayepʌ quenguy.

Hebreos 1:2

Pero yʌ' ultimota'mbʌ aŋsʌ'ŋoyj oto'ŋʌytyamuwa'ndʌ Diojsis te' 'Yunepit. Y ñe'cʌpittijte'que' chʌjcu Diojsis mumutiyʌ y quiopiŋu wa'y ñe'cʌ's pyʌjcʌchoŋbʌ'u.

1 Pedro 3:22

Y yʌ' Jesucristo ʌma' nimeque'ctij ijtu Diojsis chʌ'na'ŋojmo, porque qui'mu tzajpojmo. Y ñe'cʌte' myato'ŋoyjayajpa mumu angelejsista'm, tzajpojmo aŋgui'myajpapʌ's y pʌmi'ʌyajupʌ's.

1 Juan 1:2

Diojsis yajquenutʌj quenequene yʌ' tzi'papʌ'stʌj quenguy. Y ŋguenutʌs, y ñe'cʌtʌs ŋgotzamba. Y nyajmustambatʌsmij que yʌ'wʌte' te' ja'n yayepʌ quenguy ijtupʌytya' inʌc tʌ Ndata Diosji'ŋ, y minutʌj yajquenu wyin.

1 Juan 2:25

Y Jesucristo'stʌte' tzamdzi'tamu te' ja'n yayepʌ quenguy.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.

Judas 1:21

Como Diojsis jene sundambatʌ, coquendamʌ nwin wa'mis sundaŋgue'tu ñe'cʌ. Pacienciapit jo'ctamʌ wa'mij ŋguiotzococtuctamu y wa'mij ñchi'tamu ja'n yayepʌ quenguy tʌ Ngomi Jesucristo's te' tyo'ya'ŋʌ'oquiupyit.