San Juan 17:19 - Zoque Copainalá New Testament

¹⁹ Y ʌs nʌtu'ŋajpa'ʌs te' masa'najcuy, wa'y ñe'cʌ'sta'm ñʌtu'ŋajojcʌtʌquiaju te' masa'najcuy te' wiyuŋbʌ tiyʌpit.

San Juan 17:19 ပူးပေါင်းရင်းမြစ်များ

San Juan 10:36

Ʌjte' te' yajmasa'najupʌ y quiʌ'wejupʌ najsacopajcʌsi ʌs Ndata Diojsis. Porque nʌmu'ʌj que Diojsisʌjyʌ' 'Yune, te'cotoya nʌjaytyambamisʌj que otowewʌ'ajapya'ʌs Dios.

San Juan 15:13

Juca ŋgoca'yajpatʌ amigota'm te'šejtʌ nyajquejpa que wiyuŋšejtʌ su'nopya.

San Juan 15:3

Pero mijta'm ŋguiʌwajtamwa'mij te' ʌsmij ndzamjaytyamupʌ tzamepit.

San Juan 17:17

Yajmasa'najojcʌtʌquia mis nwiyuŋbʌ tiyʌpit. Te' wiyuŋbʌ tiyʌ, miste'ne' ndzame.

San Juan 17:20

Pero ja'nʌj nwa'coy na' yʌ'ta'mbʌcotoya, sino que nwa'que'tpa'ʌs te' maŋbapʌ'sma'ʌj wʌ'aŋjamyajupʌcotoya yʌ'ta'mbʌ's 'yaŋma'yoquiupyit.

1 Corintios 1:2

Nʌ'ʌsmij njayjaytyamu jujche'ŋmij Diojsis tyu'mʌquiuy te' Corinto-cumgu'yojmomij ittamupʌ, te' masa'najtamupʌ Cristo Jesuspit. Nwyejtamumij Diojsis wa'mij myasa'najtamu mumu eyata'mbʌji'ŋ wyejwindzoŋjayajpapʌ's tʌta'm Ngomi Jesucristo's ñʌy ñempejutʌ. Te'wʌ ñe'ta'mde' Quiomi y tʌta'mne'.

2 Corintios 4:15

Y mumu yʌ'šejta'mbʌ toya tʌs ŋguenba mijcotoyata'm wa'y wyʌwa'u te' yajya'moquiuy wʌwʌ pʌngotoya. Te'cotoya más wʌwʌ pʌn maŋba ñʌmyaju yʌscotoya y maŋba myʌja'ŋwʌcotzamyaju Dios.

2 Corintios 7:14

Y juca Titocʌsi mʌja'ŋgotzamdamu'ʌsmij ja'nʌj ndza'ay porque mumutiyʌ ʌsmij ndzamjaytyamupʌ, wiyuŋbʌ tiyʌte'. Te'šejtijque' mʌja'ŋgotzamuše'ʌsmij Tito's wyi'naŋdʌjqui, wiyuŋbʌ tiyʌte'.

2 Corintios 8:9

Porque musjaytyamba'mis Ngomi Jesucristo's yajya'moquiuy, y jutzmij šundamba. Ñempe mʌja'ŋbʌte' yacsnu'ajcu'yojmopʌšej chʌjcu wyin mijcotoyata'm, wa'mij yajmʌja'ŋajtamu ñe' yacsnu'ajcupyit.

Colosenses 1:6

Yʌ' evangelio nʌ tyʌjcʌyu entero najsacopac y wʌwʌ pʌ'nis nʌ wyʌ'aŋjamyaju jujcha' wina nu'cu mi'aŋʌta'm. Y wʌwʌ mi'ojmota'mbʌ's wyʌ'aŋjamyaju y quiacpʌ'yaju itcuy myatoŋyaju'c y ñʌctʌ'yaju'c oye jutzmij wiyuŋšej nyajyamdamu Diojsis.

1 Tesalonicenses 4:7

Porque wejtamutʌ Diojsis wa'ytyʌ masa'najtamu, y ja'n wa'ytyʌ ŋgowapa'tjojcʌtʌctamu.

2 Timoteo 2:10

Te'cotoya mumutiyʌ'ʌs sʌ'mnayu'c mbʌ'mgopajcʌpya te' copiwicotoyata'm, wa'y Cristo Jesuspit copiwi'sta'm pya'tyaju mʌja'ŋbʌ cotzojcuy ja'n yayepʌ.

Tito 2:14

Yʌ' Jesucristo's chi'oquia'u wyin wa'y quia'u tʌcotoyata'm wa'ytyʌ jupyuttamu y yajcotzoctamu mumu tʌta'm nyacha'cu'yojmoc. Y te'šej chʌjcu wa'y yajcowajayu tʌta'm ndzocoy wa'ytyʌ pʌjcʌchoŋu jujcha' ñe' 'yune, quiʌñʌñajpapʌ's wa'y chʌquiaju oyeta'mbʌ tiyʌ.

Hebreos 10:29

Más na'chaŋ maŋba quio'aŋgʌyaju te' ja'n myato'ŋoyjayapyʌ's te' Diojsis 'Yune, y myaŋgocʌtʌcpa te' trato chʌjcupʌ Jesujsis ñe' ñʌ'pinbit. Yʌ'wʌ's yajmasa'najtʌ'u, pero jyojtʌjcʌyu te' Espíritu Santo tzi'papʌ'stʌ yajya'moquiuy.

Hebreos 2:11

Te' yajmasa'na'opyapʌ Jesús y te' masa'najyajpapʌ, tumʌta'mbʌtijte' Tyata Dios. Te'cotoya te' yajmasa'najyajpapʌ's ja'n quiotza'ajyay wa'y ñʌjayaju: Ʌs atzita'm, te' ñe'cʌ's yajmasa'najyajupʌ.

Hebreos 9:13

Wya'cšajpa inʌc cowapa'tyajupʌ pʌn te' toro y chiwu-nʌ'pinbit, y poŋupʌ wacas-une jambit. Te'wʌ's inʌc quiotze'yajpa y yajcowajayajpa ñe'ta'm cuerpo.

Hebreos 9:18

Y quiojtu'c Diojsis te' winbʌ trato nʌ'pinbit yajwiyuŋše'aju.

Hebreos 9:26

Juca te'šej, pyʌcpa inʌc wa'y quia'u Cristo sone naca yʌy desde que tzo'tzu najsacopac. Pero jachʌcʌ te'šej, sino que ta'nu'ca te' cʌtʌquiajupʌ aŋsʌŋda'm minu chi'oquia'u wyin tumnacatij wa'y ñe'cʌ's quioca'jayu tʌta'm ŋgowa.

1 Juan 3:18

Tʌwʌy, uy na' aŋnaca su'noquiuytyijtʌ nʌ'ittame, sino que yajquejta'mitʌy ndzʌquipit que wiyuŋšejtʌte' našunʌtʌjpa.

1 Juan 3:3

Mumu jujche'ŋ ñe'cʌšej sunba tyuquiajupʌ's, quioqueñajpa cuenta uy quiowapa'tyaju jujcha' Cristo jaquiowapa'tʌ.