San Juan 17:17 - Zoque Copainalá New Testament

¹⁷ Yajmasa'najojcʌtʌquia mis nwiyuŋbʌ tiyʌpit. Te' wiyuŋbʌ tiyʌ, miste'ne' ndzame.

San Juan 17:17 ပူးပေါင်းရင်းမြစ်များ

San Lucas 8:11

Yʌ'šej jeque sunba ñʌmu te' comparación: Te' tʌmbu, Diojsis te' chame.

San Lucas 8:15

Pero te' tʌmbu cuñajupʌ oyepʌ najsojmo, yʌ'wʌte' te' pʌnda'm jyamdzijwʌyajpapʌ's te' myatoŋyajupʌ tzame wiyuŋbʌ y oyepʌ tzocopyit. Y pacienciapit tʌ'majyajpa.

San Juan 15:3

Pero mijta'm ŋguiʌwajtamwa'mij te' ʌsmij ndzamjaytyamupʌ tzamepit.

San Juan 17:19

Y ʌs nʌtu'ŋajpa'ʌs te' masa'najcuy, wa'y ñe'cʌ'sta'm ñʌtu'ŋajojcʌtʌquiaju te' masa'najcuy te' wiyuŋbʌ tiyʌpit.

San Juan 8:32

Y maŋbamis mustamu wiyuŋbʌ tiyʌ, y te' wiyuŋbʌ tiyʌ'smij maŋba ŋguiotzoctamu.

San Juan 8:40

Pero yʌtij ndzʌcme'tztambamis wa'misʌj nyajca'tamu, y ndzamjaytyamu'ʌsmij wiyuŋbʌ tiyʌ yajmatoŋuše'ʌj Diojsis. Abraha'ŋis jaquipsʌ yajca'oquiuy.

Hechos 15:9

Tu'mbactʌ quendamu gentilji'ŋda'm y yajcowajyaju te' wʌ'aŋjamgupyit te' ñe'ta'm chocoy.

2 Corintios 3:18

Te'cotoya jʌcʌ'pʌ'u'ca te' windoc, ŋguenjaytyambatʌ tʌ Ngomi's chi'muŋgʌ'. Y ñe'cʌ'stʌ cacpʌ'pa wa'ytyʌ nʌ'itjayu ñe' chocoy y itcuy, hasta que yajcota'nbatʌ te' ñe' chi'muŋgʌ'ojmo. Tʌ Ngomi'ste' 'Yespiritu's chʌcpa yʌ'šej.

Efesios 4:21

Wiyuŋšej matoŋdamwa'mis te' evangelio chambapʌ's te' Jesucristo, y te'wʌpit ispʌctambamis oye te' Cristo chambapʌ's te' wiyuŋbʌ tiyʌ.

Efesios 5:26

Te'šej chʌjcu Cristo's wa'y yajmasa'najyaju te' tu'mʌyajpapʌ ñe' ñʌquiʌsi. Yajcowajayajpa chocoy jujche'ŋ tu'mʌyajpapʌ's, porque wyʌ'aŋjamjayajpa Diojsis chame y nʌ'yʌyajpa nʌ'pit.

2 Tesalonicenses 2:13

Atzita'm, tʌ Ngomi's šundambamij, y oye wa'ytyʌs nʌmjojcʌtʌcjaytyamu Dios yʌscotoya mijcotoyata'm. Porque Diojsismij ŋguiopiŋdamu tzo'tzcu'yojmo wa'mij nyajcotzoctamu. Y nyajcotzoctamumij porque nwʌ'aŋjamdamumis te' wiyuŋbʌ tiyʌ, y yajmasa'najtamumij te' Espíritu Santopit.

Santiago 1:21

Te'cotoya tzactamʌ mumu tzʌctoco'yoyajpapʌ tzʌqui y mumu yacha'cuy. Y yumijpʌ tzocopyit mato'ŋoyjaytyamʌ te' Diojsis chame te' ñe'cʌ'smij nyajnʌctʌ'ytyamupʌ, y te'šej mij maŋba ŋguiotzojcoctuctamu.