San Juan 17:11 - Zoque Copainalá New Testament

¹¹ Ja'namʌj ndzʌ'quie'temaj najsacopajcʌsi, pero yʌ'ta'mbʌ tzʌ'yajpamaj najsacopajcʌsi, pero ʌj minba'ʌj mi'aŋʌ tey tzajpojmo. Ʌs masanbʌ Ndataj mis copʌquia' cotu'ša' mis mbʌmipit yʌ' ndzi'yajupʌmisʌj, wa'y tumo'oyj quipsoyaju jujcha' ʌsne' miji'ŋ tumo'oyj ʌs ŋguipsoquiuy.

San Juan 17:11 ပူးပေါင်းရင်းမြစ်များ

San Mateo 10:16

Coquendamʌ cuenta, nʌ'ʌsmij ŋgʌ'wejtamu jujcha' ñchowambe wʌwʌta'mbʌ lobocucmʌ. Quengʌspʌcjaytyamʌ tza'nis myujsoquiuy, y te'šejtij quengʌspʌcjaytyamʌ paloma's yumi'ajcuy.

San Mateo 5:48

Te'šej jeque cota'nbʌ'u'c ittamʌ, jujcha' mista'm Ndataj tzajpojmopʌ cota'nbʌ'upʌte'.

San Mateo 6:9

Oto'ŋʌytyamba'cmis Dios yʌ'šej nʌmdamʌ: Tatay, tzajpojmomij ijtupʌ, Yajcʌna'tzʌyjaya mis nʌy.

San Juan 13:1

Maŋba'cmaj ñu'cu te' pascua-sʌŋ, myuspa inʌc Jesujsis que nu'cuwa'nde' te' hora wa'y chu'cumu yʌ' najsacopajcʌsi wa'y myaŋu Tata Diosaŋʌ. Como jene šunu te' ñe'ta'm najsacopajcʌsi ijtyajupʌ, maŋba inʌc yajqueñaju jutz inʌc šuñajpa.

San Juan 13:3

Y myuspa inʌc Jesujsis que ñe'cʌ quiojtu Tyata's wa'y 'yaŋgui'mu, y que Diosaŋʌc minu y Diosaŋʌtij maŋgue'tpa.

San Juan 14:20

Ʌ' jamo'oyj maŋbamis nʌctʌ'ytyamu que ʌj, ʌs Ndata's choco'yojmo'ʌj ijtu, y mijta'm ʌsne' ndzoco'yojmo, y ʌj mista'm ndzoco'yojmo.

San Juan 16:28

Tzu'cumu'ʌj Ndata'ŋʌc y minu'ʌj najsacopajcʌsi. Pero maŋbati'ʌs ndzajque'tu yʌ' najsacopac y maŋba'ʌj Ndataŋʌ.

San Juan 16:33

Yʌ'šejta'mbʌ tiyʌ'ʌsmij ndzamjaytyamu wa'mij sʌ'mnayu'c ittamu ʌs nʌ ndzamyajupʌ tiyʌpit. Maŋbamis ŋguendamu toya najsacopajcʌsi, pero paquitzoco'yajtamʌ, nwʌwya'mʌs najsacopajcʌsi quiʌñʌñajpapʌ tiyʌ.

San Juan 17:23

Ʌj tʌjcʌwya'mʌj ñe'ta'm choco'yojmo, y mij, ñdyʌjcʌyumij ʌs ndzoco'yojmo, wa'y tumo'oyj quipsoyaju choco'yojmo myuma'ŋgʌ'y. Y como tumʌpʌ quipsoquiuytyʌ nʌtu'ŋajpa, te'wʌcʌsi maŋba myujšaju jana wʌ'aŋja'moye's que misʌjyʌ' ŋgʌ'weju, y ʌj misʌj sunbašej, te'šejmis sunjayajpa ʌs nwʌ'aŋja'moye.

San Juan 17:25

Tatay, njyustopʌmijte'. Jana wʌ'aŋja'moye's ja'nmij ispʌquiay pero ʌs ispʌcpa'ʌsmij. Y yʌ' ʌs ŋgʌ'aŋmaye'sta'm myujšajpa que misʌjyʌ' ŋgʌ'weju najsacopajcʌsi.

San Juan 17:6

Nyajnʌctʌ'yajwa'mʌs yʌ' pʌnda'm ndzi'yajupʌmisʌj najsacopajcʌsi que mʌja'ŋbʌte' mis nʌy. Misyʌ' inʌc ne'ta'm, y ndzi'yajumisʌj, y quiojamjayaju mis ndzame.

San Juan 7:33

Pijche'ca ñʌjayaju Jesujsis: Ja'nʌjyʌ' maŋu nya'yu miji'ŋda'm. Jʌ'nʌ'amʌjyʌ' maŋgue'tpa ijtumʌy te' cʌ'wejupʌ'sʌj.

Hechos 3:21

Pero wiyuŋšej ijtu pyena wa'y teymʌ ijtu Jesucristo tzajpojmo hasta que nu'cpa te' aŋsʌŋ wa'y jyomecotzʌcpʌ'u mumutiyʌ. Porque te'šejte' chamu Diojsis cʌtʌquiajupʌ aŋsʌ'ŋojmo masanda'mbʌ cha'maŋwa'oye's 'yaŋnacapit.

Romanos 12:5

te'šej tʌta'm, jujche'ŋdʌ nwʌ'aŋjamdamba Cristo, wʌwʌta'mdʌ, pero tumʌpʌ cuerpošejtʌ, y tumduma'ŋbʌn yospa tiyʌ'iwʌcʌsi.

Romanos 9:17

Porque ñʌjayu Diojsis te' Faraón te' Totojaye'ojmo: Yʌ'wʌcotoya'ʌsmij nyajmʌja'ŋaju, wa'yʌs nyajqueju ʌs mʌja'ŋajcuy mijpit.

1 Corintios 1:10

Nwa'cjaytyamba'ʌsmij jeque, atzita'm, tʌta'm Ngomi Jesucristo's ñʌquiʌsi tumo'pyʌ tiyʌ mis wa'y ndzamdamu muma'ŋgʌ'y, y umij ŋguipotoŋdamu ne'co'mo, sino que sa'sa'c wa'mij ñdyumʌquipsoytyamu y ñdyumʌ'aŋnʌctza'mʌ'oytyamu.

Gálatas 3:28

Yʌtij ja'ndiyʌ chʌqui juca judío o juca griegomij, juca coyospapʌ o juca librepʌmij, juca pʌn o juca yomomij, porque ñdyumo'yjtya'm mij Cristoji'ŋ.

Efesios 4:4

Te' Cristo's cuerpo tumʌwʌtijte' y te'wʌte' te' ñe' tyu'mʌquiuy, y te'šejtijque' tumʌwʌtijte' te' Espíritu Santo. Y Diojsismij nwyejtamu wa'mis nwʌ'aŋjamdamu te' Cristo, wa'ytyʌte' tumʌ'ajcu'yoyj njo'ctamu tiyʌtʌ ñe'cʌ's tzamdzi'tamu.

Filipenses 2:9

Te'cotoya Diojsis más yajmʌja'ŋaju te' Jesucristo que ja'n ya'iwʌ, y quiotjayu más itniqui'ma'ŋʌyupʌ nʌy que ja'n ya'iwʌ'sñe'.

Hebreos 1:3

Yʌ' Diojsis 'Yune mʌja'ŋbʌyʌ' jujcha' Dios, y tzi'muŋba myʌja'ŋajcu'yojmo Diojsis myʌja'ŋajcupyit. Y Tyata Diojsis chocoy y itcuy ñʌ'itjayu. Y como mʌja'ŋbʌte', 'yaŋgui'mba ñe'cʌ's mumutiyʌ chamepit. Yajcowajayu'ca tʌta'm ndzocoy cowapit, pijche'c maŋu pyocspajcu tzajpojmo Diojsis chʌ'na'ŋoyj nimeque'ctijpʌ mʌja'ŋajcu'yojmo.

Hebreos 9:24

Porque Cristo jatyʌjcʌ pʌ'nis chʌquiajupʌ masandʌjcojmo. Te'wʌ tzajpojmopʌ tiyʌ'stijte' inʌc chʌqui. Tʌjcʌyu ñe'cʌ wiyuŋšejpʌ tzajpojmo wa'y 'yaŋgueju Diojsis wyi'naŋdʌjqui tʌcotoyata'm.

Santiago 4:4

Ja mijta'm, cʌtzʌjcʌ'oyešejta'm mij. ¿Ja'nja mustame que iwʌ's sunba chʌjcu chʌquiajpašej te' jana wʌ'aŋja'moye'sta'm, te'wʌ's qui'nispa Dios? Te'cotoya iwʌ's sunba chʌcjojcʌtʌjcu te'šejta'mbʌ tiyʌ, te'wʌ's 'yenemigocotzʌcpa Dios.

1 Pedro 1:5

Nʌmis nwʌ'aŋjamdamu'ŋmʌjcʌ Dios, ñe'cʌ'smij nʌ ŋguiopʌ'ctamu y ŋguiotu'stamu hasta ŋguiotzojcoctuctamu te' ultimota'mbʌ jamo'oyj. Jʌ'ʌ, pijche'cpʌ jamo'oyj, quipsušej Diojsis, maŋba yajqueju jutzte' mʌja'ŋbʌ tiyʌ tʌta'm ŋgotzojcuy.

1 Juan 3:12

Uytyʌ ndzʌctamu Cai'ŋis chʌjcušej. Satanajsiste' inʌc ñe', y yajca'u te' pyotzo. ¿Y tiyʌcotoyasʌ'ŋde' yajca'u? Porque te' ñe' chʌqui yatzita'mbʌte' inʌc, y te' pyotzo's chʌqui wʌta'mbʌte' inʌc.

1 Juan 5:19

Mustambatʌ que Diojsistʌyʌ' 'yuneta'm, pero mumu ja'n wyʌ'aŋja'moyapyʌ 'yaŋgui'mba yatziwʌ's.

Judas 1:1

Ʌjte' te' Jesucristo's quioyosa Judas, te' Jacobo's pyotzo. Nʌ'ʌsmij njayjaytyamu jujche'ŋmij nwyeyatʌjtamupʌ wa'mis mato'ŋoyjaytyamu te' Diojsis chame. Tʌ Ndata Diojsis šundambamij y ŋguioquendambamij Jesucristocotoya.

Judas 1:24

Diojsismij maŋba ŋguioquendamu umij maŋu ñchʌcjopi'ttamu mista'm ŋgowa's, porque ñe'cʌ pʌmi'ʌyupʌte'. Y maŋbamij nya'aŋguejtamu ñe' wyi'naŋdʌjqui cowataca y oma'oma ñe' chi'muŋgʌ'ojmo.

El Apocalipsis 15:4

Señor, maya'aŋbʌte' mis masa'najcuy. Te'cotoya maŋba ña'chaju mumu pʌn mis nwi'naŋdʌjqui y maŋba myʌja'ŋwʌcotzamjayaju mis masanbʌ nʌy. Te'cotoya mumu nacio'ŋismij maŋba ŋguiʌ'minu y maŋba quiujnayaju mis nwi'naŋdʌjqui, porque quieñajwa'a jutzmij justo'ajcu'yojmo ŋguiʌme'tzopya.

El Apocalipsis 19:12

Y wyitʌm jucʌtʌc-nemašej inʌc y ijtu inʌc quiopajcʌsi sone seña jujche'ŋ naca tiyʌta'm ñʌwʌ'aju. Y ja'yʌyu inʌc ñe'cʌcʌsi nʌy ya'iwʌ's inʌc ja'n myusipʌ y na' ñe'cʌ'stij myuspapʌ.

El Apocalipsis 4:8

Y te' macšcu'ytya'mbʌ copʌ'nis, tumdumʌpʌ's ijtu inʌc tujta'y šaj y te' šajta'm cʌmwitʌmda'm inʌc cʌsmʌc y jojmoc. Y ja'n inʌc šapʌquiay tzu'ji'ŋ jamaji'ŋ wa'y ñʌmyaju: Maya'aŋde' masanbʌ tʌ Ngomi Dios, muspapʌ's chʌjcu mumutiyʌ, te' ijtupʌytya' inʌc, yʌtij tzajpojmo ijtupʌ, te' maŋba minupʌ.