San Juan 17:10 - Zoque Copainalá New Testament

¹⁰ Y mumu jujche'ŋ ʌsne' miste'ne', y mumu jujche'ŋ misne' ʌste'ne'. Y ñe'cʌ'sta'm yajquejayajpa ʌs mʌja'ŋajcuy.

San Juan 17:10 ပူးပေါင်းရင်းမြစ်များ

San Juan 10:30

Ʌj Ndataji'ŋ tu'mbacpʌtʌjyʌ'.

San Juan 11:4

Myatoŋu'ctij Jesujsis, nʌmu: Ca'epa'tu ja'nde' wa'y quia'octucwa'a, sino wa'y quieju Diojsis isaŋwʌ'ajcuy. Te'šejtijque' te'wʌpit wa'y quieñaju pʌ'nista'm que ʌjte' te' Diojsis 'Yune, y wa'yʌj mʌja'ŋwʌcotzamyaju.

San Juan 12:23

Pijche'c Jesujsis 'yaŋdzoŋyaju: Nu'cwa'nde' aŋsʌŋ wa'yʌj yajmʌja'ŋaju Diojsis ʌj, te' Pʌ'nis 'Yune.

San Juan 5:23

Yʌ'šej chʌjcu wa'yʌj cʌna'tzʌyaju ʌj jujcha' quiʌna'tzʌyajpa ñe'cʌ ʌs Ndata Dios. Iwʌ'sʌj ja'n cʌna'tzʌy ʌj, te' 'Yune, ja'n quiʌna'tzʌyjay ʌs Ndataj cʌ'wejupʌ'sʌj.

Hechos 19:17

Y myujšaju yʌ'wʌ mumu judio's y griego'sta'm Efeso-cumgu'yojmo. Myuma'ŋgʌ'y na'chaju y myʌja'ŋgotzamjayaju Ngomi Jesujsis ñʌy.

Gálatas 1:24

Y myʌja'ŋwʌcotzamyaju Dios porque nwʌ'aŋjamu'ʌs Jesucristo.

Filipenses 1:20

Njo'cpa'ʌs ndumʌtzocoy que yajtiyʌcʌsi'ʌj ja'n maŋu ndza'aju. Y njo'que'tpa'ʌs que jana na'chcu'yʌs ndzamjojcʌtʌcpa te' Diojsis chame. Sunba'ʌs nyajquejayu Cristo's myʌja'ŋajcuy mumu jama ʌs ŋguengupyit, juca quenbama'ʌj o ca'pa'ʌj.

Colosenses 2:9

Porque Cristo'sñe' wyi'nojmo ñʌ'itpʌ'u mumu Diojsajcuy.

2 Tesalonicenses 1:10

Yʌ'šej maŋba tyujcu minba'ca tʌ Ngomi ʌ' jamo'oyj wa'y myʌja'ŋwʌcotzamyaju ñe'cʌ te' ñe' myasanda'mbʌpit, y wa'y ñʌmaya'yaju tʌ Ngomi mumu wyʌ'aŋja'moyepit. Yʌ'šejtʌsmij ndzamjaytyamu, y nwʌ'aŋjamdamumis.

2 Tesalonicenses 1:12

Yʌ'šejta'mbʌ tiyʌtʌs nwa'cpa wa'y myʌja'ŋwʌcotzamjayaju tʌ Ngomi Jesujsis ñʌy mijpitta'm, y wa'mij nwyʌcotzamʌtʌjtaŋgue'tu mijta'm ñe'cʌpit. Yʌ'šejta'mbʌ tiyʌ maŋba tyujcu te' Diojsis y tʌ Ngomi Jesucristo's yajya'moquiupyit.

1 Pedro 2:9

Pero mijta'm ja'nmij tye'šejta'm porque Diojsismij ŋguiopiŋdamu. Yʌtij mumu wʌ'aŋja'moye, sacerdotete', masanbʌnda'mde' jujche'ŋ Diojsisa ñe'ajyajupʌ pyʌnda'm. Y Diojsismij ñe'ajtamu wa'mis ndzamgopuŋjaytyamu ñe' yajya'moquiuy, porque ñe'cʌte' te' 'yaŋbʌctamupʌ'smij wa'mis ndzactamu te' pi'tza'ŋajcu'yojmopʌ itcuy y wa'mij mindamu ñe' maya'aŋbʌ sʌ'ŋgʌ'ojmo.