San Juan 16:32 - Zoque Copainalá New Testament

³² Yʌtij jeque nʌ ñu'cu te' hora, y ta'nwa'nde' aŋsʌŋ wa'mij ñdyitpejpʌ'tamu. Y maŋba pyʌjcu tumduma'ŋbʌ'nis ñe' tyuŋ, y maŋbamisʌj ndzactamu naytyumʌ. Pero ja'nʌjyʌ' naytyumʌpʌ, porque ʌji'ŋ ijtu ʌs Ndataj.

San Juan 16:32 ပူးပေါင်းရင်းမြစ်များ

San Mateo 26:31

Pijche'ca Jesujsis nʌjayutʌj: Mumu mijta'm maŋbamij ñchʌcna'tzʌtʌjtamu y maŋbamisʌj mbochactamu yʌ' tzu'oyj. Porque yʌ'šej ja'yʌyu Totojaye'ojmo: Maŋba'ʌs ndzajcu wa'y yajca'yaju te' coque'nopyawʌ. Pijche'ca maŋba pyuŋdijtitnayaju te' ñchowambeta'm.

San Mateo 26:56

Pero mumu yʌ'wʌ nʌ quiʌtʌjcu wa'ytye' tyujcu chambašej Totojaye's, ja'yʌyajušej te' tza'maŋwa'oye'sta'm. Pijche'ctij jujche'ŋdʌj ñe' quiʌ'aŋmaye, ndzajcutʌs ñaytyumʌ Jesús, y poyutʌj.

San Marcos 14:27

Pijche'ca Jesujsis ñʌjayaju: Mumu mijta'm maŋbamij ñchʌcna'tzʌtʌjtamu y maŋbamisʌj mbochactamu yʌ' tzu'oyj. Porque yʌ'šej ja'yʌyu Totojaye'ojmo: Maŋba'ʌs ndzajcu wa'y yajca'yaju te' coque'nopyawʌ. Pijche'ca maŋba pyuŋdijtitnayaju te' ñchowambeta'm.

San Marcos 14:50

Pijche'ctij mumu te' quiʌ'aŋmaye's chaquiaju ñaytyumʌ Jesús, y poyaju.

San Juan 12:23

Pijche'c Jesujsis 'yaŋdzoŋyaju: Nu'cwa'nde' aŋsʌŋ wa'yʌj yajmʌja'ŋaju Diojsis ʌj, te' Pʌ'nis 'Yune.

San Juan 16:2

Maŋbamij myacputʌtʌjtamu judio'sta'm wyindʌjcojmoc. Y maŋba minu aŋsʌŋ maŋba quiomʌ'yaju'c que nʌ quiʌna'tzʌyaju Dios iwʌ'smij yajca'ʌtʌjtamba.

San Juan 16:25

Yʌ'šejta'mbʌ tiyʌ'ʌsmij ndzamjaytyamu comparacioŋbit. Maŋba minu aŋsʌŋ ja'na'ʌsmij oto'ŋʌytyame'c comparacioŋbit, pero quejuqueju'cʌsmij maŋba nʌtzamdamu tyiyʌta'm ʌs Ndata'sñe'.

San Juan 16:31

'Yaŋdzoŋyaju Jesujsis: ¿Nʌwa'sʌ'ŋmis nwʌ'aŋjamdamu?

San Juan 19:27

Jʌsa'ca nʌjaquie'tu'ʌj, ʌj te' quiʌ'aŋmaye: Pʌjcʌchoŋja ʌs nanaj mis nanašej. Desde pijche'cʌs mbʌjcʌchoŋu ndʌjcaŋʌ nanašej.

San Juan 20:10

Y maŋwʌtzʌjcutʌj ijtyajumʌy tʌs ŋgʌ'aŋmaye-tʌwʌ.

San Juan 4:21

Ñʌjayu Jesujsis: Wʌ'aŋjamʌ tiyʌ'ʌsmij ndzamjapya. Maŋba ñu'cu te' aŋsʌŋ cuando ja'namij mindame yʌ' pu'mnacʌsi ni ja'namij myaŋdame Jerusale'ŋojmo wa'mis ŋgʌna'tzʌytyamu tʌ Ndata Dios.

San Juan 4:23

Minba te' aŋsʌŋ y tzo'tzuwa'a wa'y quiʌna'tzʌyjayaju tʌ Ndata Dios, te' wiyuŋšejta'mbʌ cʌna'tzʌ'oye's, espiritupit y wiyuŋdzocopyʌ cʌna'tzʌ'oquiupyit cʌna'tzʌ'oyajpa. Diojsis šunba te'šejta'mbʌ cʌna'tzʌ'oye.

San Juan 5:25

Wiyuŋše'ʌsmij nwiyuŋdzamjaytyamba: Maŋba minu te' aŋsʌŋ, y tzo'tzuwa'nde' wa'y quiʌmato'ŋʌyjayaju ʌs otowe te' ca'uwʌšej ijtyajupʌ's quiowa'ojmo, porque ʌjte' te' Diojsis 'Yune. Y iwʌ'sʌj cʌmato'ŋʌyajpa ʌj, maŋba pya'tyaju iscuy-quenguy.

San Juan 5:28

Uy nʌmaya'tame yʌ'šejta'mbʌ tiyʌ. Porque maŋba minu te' aŋsʌŋ maŋba'ca quiʌmato'ŋʌyjayaju ʌs otowe mumu tza'tʌjcojmo ijtyajupʌ ca'uwʌ's.

San Juan 8:16

Y juca ʌs ŋgʌme'tzpa iwʌjutiwʌ, wiyuŋbʌ tiyʌpi'tʌs ŋgʌme'tzpa porque ja'nʌjyʌ' naytyumʌpʌ, sino que ʌji'ŋ ijtu ʌs Ndata Dios cʌ'wejupʌ'sʌj.

San Juan 8:29

Porque ʌj Ndata'sʌjyʌ' cʌ'weju y ʌji'ŋ ijtu. Jachacʌti'ʌj naytyumʌ Ndata's, porque ndzʌcjojcʌtʌcpa'ʌs šunbašej ñe'cʌ's.

Hechos 21:6

Y najyotzpʌcʌtʌju'candʌj tumduma'ŋbʌn, qui'mutʌj barco'ojmo, y ñe'cʌta'm witu'yaju tyʌjcaŋʌ.

Hechos 8:1

Saulo's yajtu'mbajcaju quipsoquiuy wa'y yajca'yaju Esteban. Y te' jamo'oyj tzo'tzu wa'y maya'aŋ yacsnutzʌquiatʌju te' Jerusale'ŋojmo inʌc ijtupʌ tu'mʌquiuy. Y mumu puŋdijtitnayaju te' Judea y Samaria-najsojmota'm. Pero te' cʌ'wejta'm, ja'ne.