San Juan 16:3 - Zoque Copainalá New Testament

³ Y yʌ'šejta'mbʌ tiyʌ maŋba chʌquiaju porque ja'nʌj ispʌquiay ʌj ni ʌs Ndata Dios.

San Juan 16:3 ပူးပေါင်းရင်းမြစ်များ

San Lucas 10:22

Ʌs ŋgʌ'ojmo quiojtu ʌs Ndata's mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Juan 15:21

Pero mumu yʌ'šejta'mbʌ tiyʌ maŋbamij ñchʌcjatʌjtamu porque ŋgowʌ'aŋjamjaytyambamis ʌs nʌy, porque ñe'cʌ'sta'm ja'n ispʌquiay te' cʌ'wejupʌ'sʌj.

San Juan 15:23

Iwʌ'sʌj qui'nispa ʌj, qui'nisjaquie'tpa ʌs Ndataj.

San Juan 17:25

Tatay, njyustopʌmijte'. Jana wʌ'aŋja'moye's ja'nmij ispʌquiay pero ʌs ispʌcpa'ʌsmij. Y yʌ' ʌs ŋgʌ'aŋmaye'sta'm myujšajpa que misʌjyʌ' ŋgʌ'weju najsacopajcʌsi.

San Juan 17:3

Iwʌ'smij ispʌcpa que mijte' te' tumʌpʌ y wiyuŋšejpʌ Dios, y ispʌcpa'ʌj que ʌjte' te' Jesucristo, y que misʌjyʌ' ŋgʌ'weju, te'wʌ's pya'twa'a ja'n yayepʌ quenguy.

San Juan 8:19

Ñe'cʌ'sta'm quiʌ'aŋwa'quiaju: ¿Juta' jeque ijtu mis Ndataj? Aŋdzoŋu Jesús: Ja'nmisʌj ispʌctame ʌj ni ʌs Ndataj. Juca inʌc misʌj ispʌctamba ʌj, ispʌcjaytyambamis inʌc ʌs Ndataj.

San Juan 8:55

Pero ñe'cʌ ja'nmis ispʌctame, pero ʌs ispʌcpʌ'ʌs. Juca nʌmba'ʌj que ja'nʌs ispʌqui sutzpa inʌjcʌj jujcha' mij šutztamba. Pero ʌs ispʌcpa'ʌs y ŋgojamjapya'ʌs ñe' chame.

Hechos 3:17

Tʌwʌta'm, muspa'ʌs que como ja'nmis inʌc nʌctʌ'ytyame, te'cotoya nyajca'tamumis te' Jesús, mista'm y mista'm ŋgowi'na's.

1 Corintios 2:8

Nijutipʌ najsacopac aŋgui'moye's jañʌctʌ'ya. Juca inʌc ñʌctʌ'yaju, jamya'mya inʌc te' cruzcʌsi tʌ mʌja'ŋbʌ Comi.

2 Tesalonicenses 1:8

Y maŋba minu jucʌtʌc-nema'ojmo wa'y chi'yaju quioyowa ja'n ispʌquiapyʌ's Dios, y ja'n myato'ŋoyjayapyʌ's tʌ Ngomi Jesucristo's 'yevangelio.

1 Timoteo 1:13

Tzi'u'ʌj yʌ' yoscuy, ñempe wina otowewʌ'ajapya'ʌs inʌc Dios, y yacsnutzʌjcopya inʌjcʌj, y winʌcnʌ'mnʌ'mwʌ'opya inʌjcʌj. Pero to'ya'ŋʌyu'ʌj Diojsis porque ndzʌjcu'cʌs te'šej, ja'nma'ʌste' inʌc mujsi'c te' evangelio, ni janwʌ'aŋjamʌ'cma'ʌste'.

1 Juan 2:23

Porque mumu'iwʌ'sta'mis ja'n pyʌjcʌchoŋyay te' Diojsis 'Yune, Tata Dioste' ja'n pyʌjcʌchoŋyay. Y iwʌ'sta'mis pyʌjcʌchoŋjayajpa te' Diojsis 'Yune, pyʌjcʌchoŋyajpa te' Tata Dios.

1 Juan 3:1

Coquendamʌ cuenta jutztʌ aŋba'te sundamba tʌ Ndata Diojsis wa'y ñʌmu: Yʌtij ʌsamijyʌ' uneta'm. Te'cotoya te' ja'n wyʌ'aŋjamyapyʌ's ñe'cʌ ja'ndʌ ispʌquiay tʌta'm, porque ja'n ispʌquiay ñe'cʌ.

1 Juan 4:8

Iwʌta'm ja'n ñašunʌtʌjyay, ja'n ispʌquiay Dios, porque Diojsiste' šajpa su'noquiuy.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.