San Juan 16:27 - Zoque Copainalá New Testament

²⁷ Ja'nʌs ojquita'e porque šundambamij ʌs Ndata's, porque mista'm sundamumisʌj ʌj, y nwʌ'aŋjamdamumis que Diosaŋʌcʌjyʌ' tzu'cumu.

San Juan 16:27 ပူးပေါင်းရင်းမြစ်များ

San Mateo 10:37

Iwʌ's wyi'naŋgotpa tyataj o ñanaj y ucatʌctzi'pa'ʌj ʌj, ja'ʌs nijame wa'yʌj co'ŋu. Y iwʌ's wyi'naŋgotpa 'yune y ucatʌctzi'pa'ʌj, ja'ʌs nijame wa'yʌj co'ŋu.

San Juan 14:21

Iwʌ's ñʌctʌ'yjapya ʌs aŋgui'mguytya'm y quiojamba, te'wʌ'sʌjte' sunba. Y iwʌ'sʌj sunba ʌj, maŋba šunu ʌs Ndata's, y ʌs maŋba'ʌs sunu, y maŋba'ʌs nyajquenu nwin.

San Juan 14:23

Aŋdzoŋu Jesús: Iwʌ'sʌj sunba, quiojamjapya ʌs ndzame. Y ʌs Ndata's maŋba šunu, y ŋgʌ'minbatʌs ñe'cʌ y minbatʌj ijtu ñe' choco'yojmo.

San Juan 16:30

Yʌtij nʌctʌ'pyatʌs que muspʌ'pamis mumutiyʌ, y ja'ndiyʌ pyena wa'mij ŋguiʌ'aŋwa'cu ya'iwʌ's. Yʌ'wʌcʌsi nwʌ'aŋjambatʌs que Diosaŋʌcmijyʌ' ñchu'cumu.

San Juan 17:23

Ʌj tʌjcʌwya'mʌj ñe'ta'm choco'yojmo, y mij, ñdyʌjcʌyumij ʌs ndzoco'yojmo, wa'y tumo'oyj quipsoyaju choco'yojmo myuma'ŋgʌ'y. Y como tumʌpʌ quipsoquiuytyʌ nʌtu'ŋajpa, te'wʌcʌsi maŋba myujšaju jana wʌ'aŋja'moye's que misʌjyʌ' ŋgʌ'weju, y ʌj misʌj sunbašej, te'šejmis sunjayajpa ʌs nwʌ'aŋja'moye.

San Juan 2:11

Yʌ'wʌte' te' winbʌ isaŋwʌ'ajcuy chʌjcupʌ Jesujsis Galilea'ojmopʌ Cana-cumgu'yojmo. Tey yajqueju myʌja'ŋajcʌ', y wyʌ'aŋjamyaju ñe'cʌ quiʌ'aŋmaye'sta'm.

San Juan 3:13

Ya'iwʌpʌ pʌnmaj jatyijtʌ'ʌ tzajpojmo wa'y myujsu jutzpʌte' ʌmʌ. Na' ʌstij muspa porque teymʌjcʌ'ʌjyʌ' wanajcu. Ʌjte' te' Pʌ'nis 'Yune, y ʌs itcuy tzajpojmote'.

San Juan 7:29

Ʌs ispʌcpa'ʌs, porque tzu'cumu'ʌj ñe'cʌ ijtumʌy, y ñe'cʌ'sʌjyʌ' cʌ'weju.

San Juan 8:42

Pijche'ca Jesujsis ñʌjayaju: Juca inʌc Dios mista'm Ndataj, wiyuŋšej sundambamisʌj inʌc ʌj, porque ʌj, tzu'cumu'ʌj ijtumʌy Dios, y minu'ʌj yʌy. Jaminʌ'ʌj ne' su'noquiupyit, ñe'cʌ'sʌjyʌ' cʌ'weju.

Romanos 8:3

Porque te' ja'n inʌc tyʌŋgʌspa'tepʌ tiyʌ te' aŋgui'mgu'yis, porque sunbate' inʌc chʌjcu tʌ pecapʌ nwinbit, te'wʌ chʌjcu Diojsis, yajminu'c te' 'Yune. Yajpʌ'naju cowatzʌquipʌ pʌnšej tʌta'm ŋgowacotoya, y yajʌcʌ'jayu cowa's pyʌmi u'ya 'yaŋgui'mu te' pʌngʌsi.

1 Corintios 15:47

Te' winbʌ pʌn nascʌsipʌ, y naspʌte'. Y te' myetzo'mopʌ, tʌta'mde' Ngomi, te' minupʌ tzajpojmoc.

1 Corintios 16:22

Iwʌ's ja'n šuni tʌ Ngomi Jesucristo, tocoyuwa'nde' Diojsis wyi'naŋdʌjqui. Yajminʌ tʌta'm Ngomi.

2 Corintios 5:14

Cristo's šu'noquiu'yistʌj tzʌcjʌ'mʌpya porque muspatʌs que tumʌ pʌn ca'u mumu pʌngotoya. Mumu jeque ca'ʌnʌmu.

Gálatas 4:4

Pero nu'cu'cande' jama yajpʌ'naju Diojsis te' 'Yune Jesús yʌy najsacopajcʌsi, y yomo's yajpʌ'naju. Y ijtu inʌc pyena wa'y pyʌ'naju judio'sta'm 'yaŋgui'mguquiʌ'mʌ.

Efesios 6:24

Y sunba'ʌs wa'y Diojsis yajyamyaju mumuta'mbʌ atzi šunjojcʌtʌquiajpapʌ's tumʌtzocoy tʌ Ngomi Jesucristo. Amén.

1 Timoteo 1:15

Yʌ'wʌ jeque wiyuŋšejpʌ tzameyʌ', y pyʌcpa wa'y tyumʌtzocoy pyʌjcʌchoŋu mumu pʌ'nis. Wiyuŋšej, te' Cristo Jesús minu najsacopajcʌsi wa'y yajcotzojcu cowapa'tyajupʌ, y te'wo'mocta'm ʌjte' te' más cowatzʌqui.

Hebreos 12:6

Porque tʌ Ngomi's iwʌta'm šunba yajwinducpa, Y iwʌta'm pyʌjcʌchoŋba 'yunešej ñacspa.

1 Pedro 1:8

Pero yʌtij jene sundambamis ñe'cʌ te' jaquiendamʌpʌmajmis y nʌmis nwʌ'aŋjamjojcʌtʌctamu ñempemis yʌtij jana ŋguendamʌ. Te'cotoya nʌmij ñdyu'ŋajtamu aŋba'tepʌ oma'ojmo ijtyajupʌšej tzajpojmo.

1 Juan 4:19

Tʌta'm sundambatʌ Dios, porque ñe'cʌ'stʌ wina sundamu.

El Apocalipsis 3:19

Otoŋjayajpa'ʌs y ndapšajpa'ʌs ʌs une suñajpapʌ'ʌs. Te'cotoya tziŋitzʌctamʌ nwin y quipswitu'tamʌ.

El Apocalipsis 3:9

Yʌtij jeque maŋba'ʌs nwejmiñaju te' tu'mʌyajpapʌ wa'y chʌcjayaju Satanajsis šu'noquiuy. Yʌ'ta'mbʌ nʌmyajpa que judio-pʌnda'mde', y ja'nde' pitta'm, sujchajpapʌte'. Te'ta'mbʌ jeque, maŋba'ʌs nwejmiñaju wa'y minu quiʌna'tzʌ'oyaju mis nwi'naŋdʌjqui wa'y myujšaju que jene sunu'ʌsmij mij, ʌs ndu'mʌquiuy.