San Juan 16:22 - Zoque Copainalá New Testament

²² Te'šejtijque' mista'm yʌtij, wiyuŋšej ndriste'ajtamumij. Pero minba'ʌsmij ŋguenwʌtzʌctamu, y maŋbamis nʌ'omdamu ndzoco'yojmo. Ya'iwʌ'smij ja'n maŋu yajwindujcu umis nʌ'omdamu.

San Juan 16:22 ပူးပေါင်းရင်းမြစ်များ

San Mateo 28:8

Pijche'ca ñe'cʌta'm na'tzipit tzu'cumyaju te' tza'tʌjcaŋi. Y omapit popyatʌj minu tzamjayaju, tʌj te' cʌ'aŋmayeta'm. Y nʌ miñaju'c tu'ŋojmo wa'ytyʌj minu yajmujšaju te' jomepʌ tiyʌ,

San Lucas 10:42

Pero tumʌtij ijtu te' más oyepʌ tiyʌ, y te'wʌ quiopiŋu Maria's y ja'n maŋu yajʌcʌ'jayaju.

San Lucas 16:25

Pero ñʌjayu Abraha'ŋis: Tʌwʌy, jamwʌtzʌcʌ que mbʌjcʌchoŋumis itʌpa'tcuy najsacopajcʌsimajmij ijtu'c, y Lazaro's quienu toya. Pero yʌtij ñe'cʌ sʌ'mnayu'c ijtu yʌy, y mis nʌmis ŋguenu toya tey.

San Lucas 19:26

Nʌmgue'tu te' rey: Ʌsmij nʌjaytyamba, iwʌ'sñe' ijtu, maŋba chi'a'ŋʌyaju, pero iwʌ'sñe' uša'ŋ te'ša'ŋ ijtu, te' ijtuše'ŋbʌ maŋba yajʌcʌ'jayaju.

San Lucas 24:41

Tanto que ñʌ'omyaju, ja'n inʌc wyʌ'aŋjamyay que ñe'cʌte' te' Jesús. Y nʌtij myayayaju'c, Jesujsis ñʌjayaju: ¿Nʌ'ittamuja yʌy tiyʌ'iwʌ cu'tcuy?

San Juan 14:1

Uy yajopi'ttame mista'm ndzocoy. Nwʌ'aŋjamdambamis Dios, wʌ'aŋjamdaŋgue'ta'a ʌj.

San Juan 14:19

Uša'ŋ horacʌsi ja'nʌj wʌ'aŋjamyapyʌ's ja'namʌj queñajque'temaj, pero mis maŋbamisʌj ŋguenwʌtzʌctamu. Porque ijtu ʌs ŋguenguy ʌsne', te'šejtijque' mista'mne' maŋba itque'tu mista'm ŋguenguy.

San Juan 14:27

Sunba'ʌs wa'mij sʌ'mnayu'c ittamu, ʌj sʌ'mnayu'c itpašej te'še'ʌs sunba wa'mij sʌ'mnayu'c ittamu. Te' ja'n wyʌ'aŋja'moyapyʌ's ñʌjaytyambamij wa'y ittamu mista'm sʌ'mnaquiuy, pero ʌs ja'ʌs te' najsacopac sʌ'mnaquiuy ndzame. Uy yajopi'ttame mista'm ndzocoy, ni uy na'tztame.

San Juan 16:16

Uša'ŋ horacʌsi ja'namisʌj ŋguendame, y uša'ŋ horacʌsi maŋbamisʌj ŋguenwʌtzʌctaŋgue'tu. Ʌj maŋba'ʌj Ndata Diosaŋʌ.

San Juan 16:20

Wiyuŋše'ʌsmij nwiyuŋdzamjaytyamba que maŋbamij njyʌytyamu y ñdyoyapʌctamu. Pero te' ja'nʌj wʌ'aŋjamyapyʌ's maŋba ñʌ'omyaju. Pero ñempe mij jʌyu'c ñchʌ'ytyamʌ, jʌsa'ca maŋbamis njambʌ'tamu te' triste'ajcuy, maŋba 'yomawitu'u.

San Juan 16:6

Y jene triste'aju mista'm ndzocoy porque ndzamjaytyamu'ʌsmij yʌ'šejta'mbʌ tiyʌ.

San Juan 21:7

Ʌjte' te' Jesujsis quiʌ'aŋmaye jene šunbapʌ, y nʌjayu'ʌs te' Pedro: Tʌ ʌ' Ngomi. Ispʌjcu'ca Simón Pedro's que tʌste' Ngomi, ši'nʌyu pyama (porque wyojpʌ'upʌte' inʌc), y tyʌŋbʌ'u wyin ma'rojmo.

San Juan 4:14

pero iwʌ's tyo'ŋba te' nʌ' ʌs ndzi'papʌ ja'na yoctʌtzque'temaj. Te' ʌs ndzi'papʌ nʌ' maŋba wyomjojcʌtʌjcu ñe'co'mo jujcha' wombamʌy nʌ', y maŋba wyipqui'mjojcʌtʌjcu choco'yojmo wa'y pya'tu ja'n yayepʌ quenguy ñe'cʌ's.

Hechos 13:52

Y jyo'ʌyaju Espíritu Santo's y omdzocopyaquiaju te' cʌ'aŋmayeta'm.

Hechos 16:25

Pero paŋguc-tzu'še'ŋoyj 'yoto'ŋʌyaju y wyangʌ'yjayaju Dios te' Pablo's y te' Silajsis. Y te' teymʌ somyajupʌ's quiʌmato'ŋʌyajpa inʌc.

Hechos 2:46

Tumdumʌ jama inʌc itjojcʌtʌquiajpa myuma'ŋgʌ'y te' templo'ojmo. Y tumʌ'ajcu'yoyj inʌc wye'nbʌ'yajpa te' pan tumdumʌpʌ tʌjcojmo. Y myuma'ŋgʌ'y inʌc cu'tyajpa pumñayu'c y sʌ'mnayupʌ chocopyit.

Hechos 5:41

Y tzu'cumyaju te' aŋgui'moye'sta'm wyi'naŋdʌjqui, y ñʌ'omyaju que Diojsis myayatʌju pyʌcpašej wa'y yacsnutzʌquiatʌju ñe' Ñʌquiotoya.

2 Corintios 6:10

Quiomʌ'yajpa juca tristeta'mbʌtʌjyʌ', pero oma'omatʌj itjojcʌtʌcpa. Quiomʌ'yajpa juca pobretʌjyʌ', pero nyajrico'ajpatʌs wʌwʌ pʌn, juca ja'ndiyʌtʌs yajndiyʌ, pero mumutiyʌ tʌs nʌ'ijtu.

2 Tesalonicenses 2:16

Tʌ Ngomi Jesucristo's y tʌ Ndata Diojsis sunutʌj y tzamdzocopyaquiajutʌj wa'ytyʌ ndumʌtzocoy njo'cu mumu jama, y paquitzi'utʌj ñe' yajya'moquiupyit.

Hebreos 10:34

Mista'm ndo'ya'ŋʌytyamumis te' šomyatʌjupʌ preso'mo. Jambyʌcjaytyamʌmis maya'cuy sino que nʌ'omdamumis ñempemij ñinu'mʌtʌjtamu. Porque mustambamis que maŋbamis mbʌjcʌchoŋdamu tzajpojmo más oyeta'mbʌ tiyʌ ja'n yayepʌ.

Hebreos 6:18

Te'šej jequeyʌ' metzapʌ tiyʌte' Diojsis ja'n quiacpʌ'i, y Diojsis ja'ndʌ musi sutzjaytyamu. Yʌ'šejtʌ paquitzi'tamba wa'ytyʌ tumʌtzocoy nite'tzʌytyamu ñe'cʌ, y nijamdambatʌ que maŋbatʌ mbʌjcʌchoŋdamu te' ñe'cʌ'stʌ tzamdzi'tamupʌ tiyʌ.

1 Pedro 1:8

Pero yʌtij jene sundambamis ñe'cʌ te' jaquiendamʌpʌmajmis y nʌmis nwʌ'aŋjamjojcʌtʌctamu ñempemis yʌtij jana ŋguendamʌ. Te'cotoya nʌmij ñdyu'ŋajtamu aŋba'tepʌ oma'ojmo ijtyajupʌšej tzajpojmo.