San Juan 16:20 - Zoque Copainalá New Testament

²⁰ Wiyuŋše'ʌsmij nwiyuŋdzamjaytyamba que maŋbamij njyʌytyamu y ñdyoyapʌctamu. Pero te' ja'nʌj wʌ'aŋjamyapyʌ's maŋba ñʌ'omyaju. Pero ñempe mij jʌyu'c ñchʌ'ytyamʌ, jʌsa'ca maŋbamis njambʌ'tamu te' triste'ajcuy, maŋba 'yomawitu'u.

San Juan 16:20 ပူးပေါင်းရင်းမြစ်များ

San Mateo 21:38

Pero te' cowe'nducʌ'sta'm quienjayaju te' 'yune, y nʌmyaju ñe'co'mo: Yʌ'wʌ'syʌ' maŋba ñʌtzʌ'yu yʌ' uva-nipi. Ma'ndʌ nyajca'tamu wa'ytyʌ nijuptamu.

San Mateo 5:4

Dichoso te' jʌyajpapʌ, porque maŋba chamdzocopyaquiatʌju.

San Marcos 14:72

Pijche'ctij weju te' gallo myetza naco'oyj. Y jyamwʌtzʌcjayu Pedro's te' Jesujsis chame, te' ñʌjayu'c: Antes que wejpa te' gallo myetza naco'oyj, maŋbamij ñʌmu tuca'y ñaca que ja'nmisʌj ŋgo'ispʌqui. Y quipsoyu yʌ'šejta'mbʌ tiyʌcʌsi, y jʌyu.

San Marcos 16:10

Y maŋu María y yajmujšaju yʌ'šejta'mbʌ tiyʌ te' ijtyajuwʌ inʌc Jesusji'ŋ. Y yʌ'ta'mbʌ jene triste'ajyaju y nʌ inʌc quiojʌyaju.

San Lucas 22:45

Tenaqui'mu te' nʌmʌy 'yoto'ŋʌyu Dios y minu ijtyajumʌy te' quiʌ'aŋmaye, y pya'tyaju ʌŋbaquiajupa'a maya'cu'yis.

San Lucas 22:62

Ca'ŋbujtu Pedro fuera'ojmo, y sininba jʌyu.

San Lucas 23:27

Y cutzupa quiʌ'maŋyaju te' cumgu'yojmocta'mbʌ's y te' yomo'sta'm. Yʌ'ta'mbʌ's quiojʌyajpa y tyo'ya'ŋʌyajpa inʌc.

San Lucas 24:17

Y Jesujsis ñʌjayaju: ¿Tiya'nde' nʌ ndzamdamu ne'co'mo ndu'ŋajpawini? ¿Y tiyajca' tuyu'yoyu'c nʌ myaŋdamu?

San Lucas 24:21

Pero tʌs nʌtʌs inʌc njo'cu que ñe'cʌ'ste' inʌc maŋba jyupyujtu te' Israel-pʌnda'm. Y ja'n na' te'wʌtij, išo'oyj nʌ tyuca'jamata'nu te'šej chʌquiaju.

San Lucas 6:21

Dichoso mijta'm yʌtijmij nyu'tambapʌ, porque maŋbamis nʌ'ittamu ndajša'ŋoyj. Dichoso yʌtijmij njyʌytyambapʌ, porque maŋbamij oma'oma ittamu.

San Juan 16:33

Yʌ'šejta'mbʌ tiyʌ'ʌsmij ndzamjaytyamu wa'mij sʌ'mnayu'c ittamu ʌs nʌ ndzamyajupʌ tiyʌpit. Maŋbamis ŋguendamu toya najsacopajcʌsi, pero paquitzoco'yajtamʌ, nwʌwya'mʌs najsacopajcʌsi quiʌñʌñajpapʌ tiyʌ.

San Juan 16:6

Y jene triste'aju mista'm ndzocoy porque ndzamjaytyamu'ʌsmij yʌ'šejta'mbʌ tiyʌ.

San Juan 20:20

Yʌ'še'andʌj nʌjayu'c yajquenutʌj quiʌ' y te' wyojchajumʌy. Y jujche'ŋdʌj tey ijtupʌ quiʌ'aŋmaye nʌ'omutʌs ŋguenu'candʌs tʌ Ngomi.

Hechos 5:41

Y tzu'cumyaju te' aŋgui'moye'sta'm wyi'naŋdʌjqui, y ñʌ'omyaju que Diojsis myayatʌju pyʌcpašej wa'y yacsnutzʌquiatʌju ñe' Ñʌquiotoya.

Romanos 5:11

Y ja'n na' te'še'ŋdij, sino que omdzocopyacpatʌ Dioscʌsi tʌ Ngomi Jesucristopit, porque yʌtij ñe'cʌpittʌ našunʌtʌjtamba Diosji'ŋ.

2 Corintios 6:10

Quiomʌ'yajpa juca tristeta'mbʌtʌjyʌ', pero oma'omatʌj itjojcʌtʌcpa. Quiomʌ'yajpa juca pobretʌjyʌ', pero nyajrico'ajpatʌs wʌwʌ pʌn, juca ja'ndiyʌtʌs yajndiyʌ, pero mumutiyʌ tʌs nʌ'ijtu.

Gálatas 5:22

Pero te' Espíritu Santopit našunʌtʌjtambatʌ, oma'oma y sʌ'mnayu'ctʌ ittamba. Nʌmaŋjayajpatʌ paciencia ndʌwʌ, itpatʌ wʌpʌ-pʌ'najcuy, to'ya'ŋʌ'oquiuy y ñempetiyʌcʌsitʌ nijamʌtʌjtamba.

1 Tesalonicenses 1:6

Y mista'm ŋguengʌspʌctamumis tʌjcʌsi y Jesucristocʌsi. Y Espíritu Santopit oma'omamis mbʌjcʌchoŋjaytyamu Diojsis chame ñempemij nyacsnutzʌcʌtʌjtamu.

Santiago 1:2

Atzita'm, ñchʌjquisʌtʌjtamba'cmij wi'ni eyapʌ toyapʌjcu'yojmo, uy pʌcjaytyame maya'cuy, nʌ'omdamʌ.

Judas 1:24

Diojsismij maŋba ŋguioquendamu umij maŋu ñchʌcjopi'ttamu mista'm ŋgowa's, porque ñe'cʌ pʌmi'ʌyupʌte'. Y maŋbamij nya'aŋguejtamu ñe' wyi'naŋdʌjqui cowataca y oma'oma ñe' chi'muŋgʌ'ojmo.

El Apocalipsis 11:10

Y jujche'ŋ najsacopac-iti's maŋba ñʌ'omyaju porque yajca'yatʌju te' metzata'mbʌ testigos. Y maŋba šʌ'ŋajyaju, y maŋba šajyaju cʌna'tzʌ'oquiuy ñe'co'mota'm porque yʌ' metzata'mbʌ tza'maŋwa'opyapʌ's yajtoyapʌquiaju jujche'ŋ ijtyajupʌ najsacopajcʌsi.

El Apocalipsis 18:7

Ñe'cʌ's tiju myʌja'ŋdzʌjcušej wyin wa'y wyʌcotzamyaju tiju ijtu'c sʌ'ŋajcu'yojmo, te'šej sininba yajʌytyamʌ y yajtoyapʌctaŋgue'ta ñe'cʌ mista'm. Porque nʌmba choco'yojmo: Re'yisʌjyʌ' yomošej pocsu ʌs aŋgui'mʌtʌjcu'yojmo y ja'nʌjyʌ' se'aŋ y nunca'ʌj ja'n maŋu njʌyu.