San Juan 16:19 - Zoque Copainalá New Testament

¹⁹ Ñʌctʌ'yu Jesujsis que sunba inʌc quiʌ'aŋwa'quiaju ñe'cʌ's, y ñʌjayaju: ¿Nʌja naquiʌ'aŋwa'cʌtʌjtamu tiyʌ'ʌste' ndzamu, nʌmu'cʌj: Uša'ŋ horacʌsi ja'namisʌj ŋguendame, y uša'ŋ horacʌsi maŋbamisʌj ŋguenwʌtzʌctaŋgue'tu?

San Juan 16:19 ပူးပေါင်းရင်းမြစ်များ

San Mateo 6:8

Uy tu'mbajcajtame jeque ñe'cʌji'ŋda'm, porque tʌ Ndata Diojsis myuspa ndiyʌta'm mis ja'ndiyʌ antes que mis nwa'cjaytyamba.

San Mateo 9:4

Pero ñʌctʌ'yjayaju Jesujsis te' ñe'ta'm quipsoquiuy, y nʌmu: ¿Tiya'sʌ'ŋde' yacha'cuy ŋguipstamba ndzoco'yojmo?

San Marcos 9:32

Pero ñe'cʌ'sta'm jañʌctʌ'ya tiyʌte' nʌ chamu y na'chaju wa'y quiʌ'aŋwa'quiaju jutzte' te'šej maŋba tyujcu.

San Juan 13:33

Tʌwʌy, uša'ŋ horatya'mʌjyʌ' maŋba ijtu miji'ŋda'm. Maŋbamisʌj me'tztamu, pero ndzamjayajuše'ʌs judiota'm, te'še'ʌsmij ndzamjaytyaŋgue'tpa mijta'm yʌtij: Maŋbamʌ'yʌj ʌj, mijta'm ja'nmij musi mindamu.

San Juan 14:19

Uša'ŋ horacʌsi ja'nʌj wʌ'aŋjamyapyʌ's ja'namʌj queñajque'temaj, pero mis maŋbamisʌj ŋguenwʌtzʌctamu. Porque ijtu ʌs ŋguenguy ʌsne', te'šejtijque' mista'mne' maŋba itque'tu mista'm ŋguenguy.

San Juan 16:16

Uša'ŋ horacʌsi ja'namisʌj ŋguendame, y uša'ŋ horacʌsi maŋbamisʌj ŋguenwʌtzʌctaŋgue'tu. Ʌj maŋba'ʌj Ndata Diosaŋʌ.

San Juan 16:18

Nʌmyajpa jeque inʌc: ¿Tiya'sʌ'ŋyʌ' chamba yʌ'šej: Uša'ŋ horacʌsi? Ja'ndʌs nʌctʌ'i tiyʌyʌ' nʌ chamu.

San Juan 16:23

Ʌ' jamo'oyj yajtiya'misʌj ja'n maŋu ŋgʌ'aŋwa'ctamu. Wiyuŋše'ʌsmij nwiyuŋdzamjaytyamba que tiyʌta'm mis nwa'cjaytyamba ʌs Ndata Dios ʌs nʌquiʌsi, ñe'cʌ'smij maŋba ñchi'tamu.

San Juan 16:26

Ʌ'ta'mbʌ jamo'oyj ja'namisʌj maŋu ŋgʌjamʌ'ʌytyamu wa'yʌj nwa'coyu mijcotoyata'm. Ne'cʌmis maŋba nwa'cjaytyamu Dios ñempetiyʌ ʌs nʌquiʌsi.

San Juan 16:30

Yʌtij nʌctʌ'pyatʌs que muspʌ'pamis mumutiyʌ, y ja'ndiyʌ pyena wa'mij ŋguiʌ'aŋwa'cu ya'iwʌ's. Yʌ'wʌcʌsi nwʌ'aŋjambatʌs que Diosaŋʌcmijyʌ' ñchu'cumu.

San Juan 21:17

Ñʌjaquie'tu Jesujsis tyuca'y ñaco'mo: Simón, Jonajsis 'yune, ¿sunbaja'ʌj? Tuyuquiʌñe'cu Pedro tyuca'y ñaco'ma' quiʌ'aŋwa'cu'ŋmʌjcʌ Jesujsis: ¿Sunbaja'ʌj? Aŋdzoŋgue'tu Pedro: Señor, bieŋdijmis muspa mumutiyʌ. Muspamis que sunba'ʌsmij. Ñʌjayu Jesujsis: Pʌ'nʌyjaya ʌs ñchowambeta'm ʌs ndzamepit.

San Juan 6:61

Ñʌctʌ'yu Jesujsis ñe' choco'yojmo que te' quiʌ'aŋmaye nu'motoŋyajpa inʌc te' chamupʌ tiyʌpit. Pijche'ctij ñʌjayaju: ¿Ñchʌcna'tztamba yʌ'šejta'mbʌ tiyʌ's?

San Juan 7:33

Pijche'ca ñʌjayaju Jesujsis: Ja'nʌjyʌ' maŋu nya'yu miji'ŋda'm. Jʌ'nʌ'amʌjyʌ' maŋgue'tpa ijtumʌy te' cʌ'wejupʌ'sʌj.

Hebreos 4:13

Diojsis chʌjcu mumutiyʌ, y ñe'cʌ's quienba y myuspa mumutiyʌ. Ñe'cʌ's quienba mumutiyʌ y mumu'iwʌ mumujutʌ, y ñe' wyi'naŋdʌjqui maŋbatʌ ndza'maŋguejtamu nwin.

El Apocalipsis 2:23

Y ñe' 'yuneta'm quio'ŋjayajpapʌ's ñe' chʌqui maŋba'ʌs ŋgotjayaju toya wa'y quia'yaju. Y mumu Diojsis tyu'mʌquiu'yis maŋba myujšaju que ʌs ocme'tzpʌ'jayajpa'ʌs pʌ'nista'm quipsoquiuy y chocoy. Y tumduma'ŋbʌnmij maŋba ŋguiʌme'tzatʌjtamu tiyʌta'm mis ndzʌctamu yʌy najsacopajcʌsi.