San Juan 16:17 - Zoque Copainalá New Testament

¹⁷ Pijche'cande' metza tuca'y te' quiʌ'aŋmayeta'm nañʌmjayatʌju ñe'co'mo: ¿Tiya'sʌ'ŋdʌyʌ' tzamjapya yʌ'šej: Uša'ŋ horacʌsi ja'namisʌj ŋguendame, y uša'ŋ horacʌsi maŋbamisʌj ŋguenwʌtzʌctaŋgue'tu? Y: ¿Ʌj maŋba'ʌj Ndata Diosaŋʌ?

San Juan 16:17 ပူးပေါင်းရင်းမြစ်များ

San Marcos 9:10

Y jachamjaya ya'iwʌ pero nʌmyajpa inʌc ñe'co'mota'm: ¿Jutzasʌ'ŋde' sunu ñʌmu Jesús chamu'c te' wyinsa'cuy ca'yajuwʌ'ojmoc?

San Marcos 9:32

Pero ñe'cʌ'sta'm jañʌctʌ'ya tiyʌte' nʌ chamu y na'chaju wa'y quiʌ'aŋwa'quiaju jutzte' te'šej maŋba tyujcu.

San Lucas 18:34

Pero ñe'cʌ'sta'm yajutz inʌc ja'n ñʌctʌ'yay yʌ'šejta'mbʌ tiyʌ y jašʌ'ŋgʌputʌ'cmajte' yʌ'šejpʌ tzame. Ja'n inʌc ñʌctʌ'yay tiyʌte' inʌc nʌ ñʌtzamyaju.

San Lucas 9:45

Pero ñe'cʌ'sta'm jañʌctʌ'ya tiyʌte' nʌ chamu. Cʌwʌ'nupʌ tiyʌte' inʌc wa'y jana ñʌctʌ'yaju. Y na'chaju wa'y quiʌ'aŋwa'quiaju jutzte' te'šej maŋba tyujcu.

San Juan 12:16

Wina tʌs, te' quiʌ'aŋmaye's, jañʌctʌ'yʌtʌs yʌ'šejta'mbʌ tiyʌ. Pero qui'mu'ca tzajpojmo te' Jesús, pijche'ctʌs njamwʌtzʌjcu que yʌ'šejta'mbʌ tiyʌ ja'yʌyupʌte' chambamʌy ñe'cʌ. Y yʌtij tucwa'a te'šej ja'yʌyušej.

San Juan 14:22

Te' Judas, pero ja'n Judas Iscariote, nʌmu yʌ'šej: Señor, ¿jutza'ndʌjte' maŋba nya'ispʌjcu nwin tʌj, y ja'nmis maŋu nya'ispʌquiajque'tu nwin te' ja'n wyʌ'aŋja'moyapyʌ?

San Juan 14:5

Ñʌjayu Tomajsis: Señor, ja'ndʌs musi jutʌmijte' myaŋba, ¿jutza'ndʌs maŋba mujsu te' tuŋ?

San Juan 16:1

Yʌ'šejta'mbʌ tiyʌ'ʌsmij ndzamjaytyamu wa'y jana myocha'u mista'm nwʌ'aŋja'moquiuy te' na'tzipit.

San Juan 16:16

Uša'ŋ horacʌsi ja'namisʌj ŋguendame, y uša'ŋ horacʌsi maŋbamisʌj ŋguenwʌtzʌctaŋgue'tu. Ʌj maŋba'ʌj Ndata Diosaŋʌ.

San Juan 16:18

Nʌmyajpa jeque inʌc: ¿Tiya'sʌ'ŋyʌ' chamba yʌ'šej: Uša'ŋ horacʌsi? Ja'ndʌs nʌctʌ'i tiyʌyʌ' nʌ chamu.

San Juan 16:19

Ñʌctʌ'yu Jesujsis que sunba inʌc quiʌ'aŋwa'quiaju ñe'cʌ's, y ñʌjayaju: ¿Nʌja naquiʌ'aŋwa'cʌtʌjtamu tiyʌ'ʌste' ndzamu, nʌmu'cʌj: Uša'ŋ horacʌsi ja'namisʌj ŋguendame, y uša'ŋ horacʌsi maŋbamisʌj ŋguenwʌtzʌctaŋgue'tu?

San Juan 16:5

Pero yʌtij maŋba'ʌj ijtumʌy te' cʌ'wejupʌ'sʌj. Y mista'm nijutiwʌ's ja'n quiʌ'aŋwa'que: ¿Juta'nde' myaŋba?