San Juan 15:8 - Zoque Copainalá New Testament

⁸ Juca jene ndzʌctambamis tʌm, te'wʌcʌsimis nyajquejaytyamba ʌs Ndata's myʌja'ŋajcuy. Y te'šej mis nyajquejtamba que ʌsmijyʌ' ŋgʌ'aŋmayeta'm.

San Juan 15:8 ပူးပေါင်းရင်းမြစ်များ

San Mateo 5:16

Te'šej mista'm, sʌ'ŋgʌtzʌcjaytyamʌ pʌ'nista'm chocoy, wa'y quienjayaju mista'm oyeta'mbʌ ndzʌqui, y wa'y myʌja'ŋwʌcotzamjayaju mista'm Ndataj tzajpojmowʌ.

San Mateo 5:44

Pero ʌsmij nʌjaytyamba: Sundamʌ te' ŋgui'nišajpapʌ'smij, y oyecotzamdamʌ te' nyatzicotzamyajpapʌ'smij. Tzʌcjaytyamʌ bien te' ŋgui'nišajpapʌ'smij. Iwʌ'smij ñisujtzʌyajpa y nyacsnutzʌquiajpa, wa'coyjaytyamʌ Dioscʌsi ñe'cʌcotoyata'm.

San Mateo 9:8

Y quieñaju te' wʌwʌta'mbʌ pʌ'nis y ñʌmaya'yaju. Y myʌja'ŋwʌcotzamyaju Dios, te' chi'upʌ's yʌ'šejpʌ aŋgui'mʌtʌjcuy te' pʌn.

San Lucas 6:35

Sundamʌ jeque te' ŋgui'nišajpapʌ'smij. Tzʌcjaytyamʌ bien y nucschi'tamʌ ndʌwʌ yempetiyʌ y uy jo'ctame wa'mij ñchi'taŋgue'tu. Y te'šej maŋbamis mbʌjcu wʌwʌ mis ŋgoyowa y maŋba quieju que tzajpojmo ijtupʌ's mijte' 'yuneta'm. Porque hasta te' ingratota'mbʌ y paquita'mbʌ's chocoy tyo'ya'ŋʌpya ñe'cʌ's.

San Juan 13:35

Juca našunʌtʌjtambamij ne'co'mo maŋba myujšaju te'wʌcʌsi mumu pʌ'nis que ʌsmijyʌ' ŋgʌ'aŋmayeta'm.

San Juan 15:5

Ʌjte' te' uva-a'ŋucu, y mijta'mde' te' aŋmaŋda'm. Iwʌ itjojcʌtʌcpa ʌs ndzoco'yojmo, y ʌj ñe' choco'yojmo, yʌ'wʌ jene maŋba tyʌ'maju. Pero iwʌ'sʌj ca'ŋdzacpa yajtiyʌ ja'n ñʌwʌ'ay.

San Juan 8:31

Y te' judiota'm, wyʌ'aŋjamyajupʌ's, ñʌjayaju Jesujsis: Mijta'm, juca myato'ŋoytyambamij ndzamjaytyamuše'ʌsmij, wiyuŋšejpʌ ʌs ŋgʌ'aŋmaye mijta'mde?

1 Corintios 10:31

Jujche'ŋ nacamij ŋguiu'ttamba, o 'yuctamba, o ndzʌctambamis eyapʌ tiyʌ, tzʌctamʌ mumu wa'y quieju Diojsis myʌja'ŋajcʌ'.

1 Corintios 6:20

Porque wʌwʌ coyowapʌ tiyʌpitmijte' njyuyʌtʌjtamu. Oyecocottamʌ jeque Dios mista'm ŋgüerpopit y espiritupit, porque myejtzji'ŋyʌ' Diojsisñe'.

Filipenses 1:11

Y Jesucristo maŋba itjojcʌtʌjcu mista'm ndzoco'yojmo wa'mij ñdyu'ŋajtamu mumu jama masa'najcu'yojmo. Te'šejmis maŋba nyajquejaytyamu Diojsis myʌja'ŋajcuy, y maŋbamis nwʌcotzamdamu.

Tito 2:10

Aŋnʌctza'mʌya wa'y jana ñinu'myaju quiomi, wa'y yajqueñaju quiomita'm que ñe'cʌ ñijamyatʌjpapʌ pʌnda'mde'. Pyʌcpa wa'y chʌquiaju te'šej wa'y wyʌcotzamyaju pʌ'nista'm te' Diojsis 'yaŋma'yoquiuy. Ñe'cʌte' tʌta'm nyajcotzojcopyapʌ.

Tito 2:5

wa'y mujsu quiopiŋyaju tiyʌ oye y tiyʌ ja'n 'yoye, yomo jyayajtij quiojambapʌ's, y sa'sa quioquenbapʌ's, oyetzocoytya'mbʌ, myato'ŋoyjayajpapʌ's jyayaj, uy ya'iwʌ's yatzicotzamjayaju Diojsis chame.

1 Pedro 2:12

Nʌ'ittamʌ oyepʌ tzocoy y oyepʌ itcuy te' yatzita'mbʌ genti'lista'm wyi'naŋdʌjqui. Y ñempemij nyatzicotzamʌtʌjtamba yʌtij que miste' nʌ ndzʌctamu mal, jʌsa'ca, te' cʌme'tzoquiuy jamo'oyj, maŋba wyʌcotzamyaju Dios ñʌctʌ'yaju'ca mista'm oyeta'mbʌ ndzʌqui.

1 Pedro 4:11

Iwʌ aŋma'yopya, ya'aŋma'yoya Diojsis chambašej. Iwʌ yospa Dioscotoya, yajyosa Diojsis šajpapʌ pʌmipit. Te'šejmis maŋba mʌja'ŋwʌcotzamdamu Dios mumutiyʌcʌsi Jesucristopit. Cristo's pyʌjcʌchoŋwa'a 'yaŋgui'mʌtʌjcuy mumu jamacotoya y pyʌcpa wa'ytyʌ nwʌcotzamdamu ñe'cʌ. Amén.