San Juan 15:7 - Zoque Copainalá New Testament

⁷ Juca ʌs ndzoco'yojmo mij itjojcʌtʌctamba, y juca ʌs ndzame itjojcʌtʌcpa mista'm ndzoco'yojmo, wa'ctamʌ tiyʌta'm mis sundamba y maŋba'ʌsmij ndzi'tamu.

San Juan 15:7 ပူးပေါင်းရင်းမြစ်များ

San Mateo 7:7

Wa'ctamʌ, y ñchi'ʌtʌjtambamij. Me'tztamʌ, y mba'ttambamis. Wejwindzo'ŋoytyamʌ, y 'yaŋdzowatʌjtambamij.

San Juan 14:13

Y tiyʌta'm mis nwa'cjaytyamba ʌs Ndataj ʌs nʌquiʌsi, te'wʌ ʌs maŋba ndzʌjcu. Te'še'ʌs maŋba ndzʌjcu wa'y quieju ʌs Ndata Diojsis myʌja'ŋajcuy ʌj, te' 'Yunepit.

San Juan 15:16

Ja'nmisʌjte' mis ŋgopiŋdamu'ʌj sino que ʌsmijte' ŋgopiŋdamu mijta'm. Y ŋgottamu'ʌsmij wa'mis maŋu ndzʌcjaytyamu ʌs Ndata's yoscuy, y uy chaquiaju te' wʌ'aŋja'moquiuy jujche'ŋ wyʌ'aŋjamyajpapʌ's. Te'šejpʌ yoscuy ʌste' sunba. Y tiyʌta'm mis nwa'cjaytyamba ʌs Ndataj ʌs nʌquiʌsi, ñe'cʌ'smij maŋba ñchi'tamu.

San Juan 16:23

Ʌ' jamo'oyj yajtiya'misʌj ja'n maŋu ŋgʌ'aŋwa'ctamu. Wiyuŋše'ʌsmij nwiyuŋdzamjaytyamba que tiyʌta'm mis nwa'cjaytyamba ʌs Ndata Dios ʌs nʌquiʌsi, ñe'cʌ'smij maŋba ñchi'tamu.

San Juan 8:31

Y te' judiota'm, wyʌ'aŋjamyajupʌ's, ñʌjayaju Jesujsis: Mijta'm, juca myato'ŋoytyambamij ndzamjaytyamuše'ʌsmij, wiyuŋšejpʌ ʌs ŋgʌ'aŋmaye mijta'mde?

San Juan 8:37

Muspa'ʌs que Abraha'ŋismijte' wyinboyata'm. Pero ndzʌcme'tztambamis wa'misʌj nyajca'tamu, porque ja'na tyʌjcʌy ʌs ndzamyajupʌ tiyʌ mista'm ndzoco'yojmo.

Gálatas 4:2

Pero eyata'mbʌ's quioqueñajpa y 'yaŋgui'myajpa tyiyʌjanatiyʌcʌsita'm hasta que nu'cpa te' aŋsʌŋ chamušej te' tyata's.

Gálatas 5:16

Nʌmba jeque'ʌj: Tu'ŋajtamʌ Espíritu Santopit wa'mis jana ndzʌctamu mista'm yatzipʌ nwi'nis šunbašej.

Colosenses 3:16

Ya'itjojcʌtʌcʌ Cristo's chame mista'm ndzoco'yojmo. Y te'šej muspamis na'yaŋmayʌtʌjtamu y nachamjatʌjtamu te' tzajpojmopʌ mujsoquiuy. Y wandamʌ salmo y himno y eyata'mbʌ wane Espíritu Santo'smij 'yaŋmayajpapʌ, te'šej wa'y quieju que mis ndzoco'yojmo nʌmij ñʌmdamu: Yʌscotoya chʌcpa Diojsis.

1 Juan 2:14

Y mijta'm, tatajta'm, njayjaytyamu'ʌsmij, porque ispʌctambamis Cristo, te' ijtupʌytya' inʌc maŋba'cmaj tyujcu mumutiyʌ. Y mijta'm, unepʌnda'm, njayjaytyaŋgue'tu'ʌsmij, porque mbyaquipaquita'm mij, y Diojsis chame ijtu mista'm ndzoco'yojmo y nwʌytyamwa'mis te' yatziwʌ.

1 Juan 2:27

Pero mijta'm njyo'ʌytyamwa'mij Cristo's te' Espíritu Santopit, te' nʌ'ittamupa'mis mista'm ndzoco'yojmo. Te'cotoya ja'ndiyʌ pyena eyawʌ'smij wa'y 'yaŋmaytyamu, porque ñe'cʌ'smij 'yaŋmaytyamu mumutiyʌcʌsi. Y aŋma'yopya wiyuŋbʌ tiyʌpit y ja'n šutzi. Te'šej jeque co'ŋjojcʌtʌctamʌ Cristo te' Espíritu Santo'smij 'yaŋmaytyamušej.

1 Juan 3:22

Y tiyʌta'mdʌ nwa'ctamba ñe'cʌcʌsi, ñe'cʌ's maŋbatʌ tzi'tamu, porque ŋgojamjaytyambatʌ ñe' 'yaŋgui'mguy y ndzʌctambatʌ tiyʌcʌsitʌ ñe'cʌ nyajtzocopyacpa.

1 Juan 5:14

Y nite'tzʌytyambatʌ Dios, y te'cotoya muspatʌ que ñe'cʌ'stʌ cʌmato'ŋʌpya nwa'ctamba'ctʌ tiyʌ'iwʌ ñe'cʌ's šunbašej.