San Juan 15:4 - Zoque Copainalá New Testament

⁴ Itjojcʌtʌctamʌ ʌji'ŋ y ʌj maŋba'ʌj itjojcʌtʌjcu mista'm ndzoco'yojmo. Jujcha'nde' te' aŋmaŋda'm ja'n musi tyʌ'maju ñaytyumʌ juca wecspʌ'wa'a 'ya'ŋucucʌsi. Te'šejtijque' mijta'm ja'nmij musi ñdyʌ'majtamu juca ja'nmij itjojcʌtʌctame ʌji'ŋ.

San Juan 15:4 ပူးပေါင်းရင်းမြစ်များ

San Mateo 12:33

Mustambatʌ que juca oye te' cuy chʌcpa oyepʌ tʌm, y juca ja'n 'yoye te' cuy ja'n chʌqui oyepʌ tʌm. Porque te' tyʌmgʌsi ispʌcpatʌ te' cuy.

San Lucas 8:15

Pero te' tʌmbu cuñajupʌ oyepʌ najsojmo, yʌ'wʌte' te' pʌnda'm jyamdzijwʌyajpapʌ's te' myatoŋyajupʌ tzame wiyuŋbʌ y oyepʌ tzocopyit. Y pacienciapit tʌ'majyajpa.

San Juan 14:20

Ʌ' jamo'oyj maŋbamis nʌctʌ'ytyamu que ʌj, ʌs Ndata's choco'yojmo'ʌj ijtu, y mijta'm ʌsne' ndzoco'yojmo, y ʌj mista'm ndzoco'yojmo.

San Juan 17:23

Ʌj tʌjcʌwya'mʌj ñe'ta'm choco'yojmo, y mij, ñdyʌjcʌyumij ʌs ndzoco'yojmo, wa'y tumo'oyj quipsoyaju choco'yojmo myuma'ŋgʌ'y. Y como tumʌpʌ quipsoquiuytyʌ nʌtu'ŋajpa, te'wʌcʌsi maŋba myujšaju jana wʌ'aŋja'moye's que misʌjyʌ' ŋgʌ'weju, y ʌj misʌj sunbašej, te'šejmis sunjayajpa ʌs nwʌ'aŋja'moye.

San Juan 6:56

Iwʌ's quiʌ'sjapya ʌs sis y tyo'ŋjapya ʌs nʌ'pin, ʌs ndzoco'yojmo itjojcʌtʌcpa y ʌj ñe' choco'yojmo itpa.

San Juan 8:31

Y te' judiota'm, wyʌ'aŋjamyajupʌ's, ñʌjayaju Jesujsis: Mijta'm, juca myato'ŋoytyambamij ndzamjaytyamuše'ʌsmij, wiyuŋšejpʌ ʌs ŋgʌ'aŋmaye mijta'mde?

Hechos 11:23

Y nu'cu yʌ'wʌ y quienu jutz chi'yaju Diojsis yajya'moquiuy, y ñʌ'omu. Y pyʌmitzi'yaju chamepit mumuta'mbʌ wa'y tyumʌtzocoy quio'ŋjojcʌtʌcjayaju tʌ Ngomi.

Hechos 14:22

Maŋu pyaquitzi'jayaju chocoy te' cʌ'aŋmaye'sta'mñe', y pyʌmitzi'yaju wa'y jana chaquiaju te' wʌ'aŋja'moquiuy, y ñʌjayaju: Wa'ytyʌ ndʌjcʌyu aŋgui'mbamʌy Dios pyʌcpa wa'ytyʌ ndzʌjquisʌtʌjtamu wi'ni eyapʌ toyapʌjcu'yojmo.

2 Corintios 13:5

Tacscʌme'tztamʌ mista'm ne' nwin wa'mis ŋguendamu juca wiyuŋšejmij nwyʌ'aŋja'moytyamba. Tzʌjquistamʌ ne' nwin. ¿Ja'nja mustame ne'cʌ que te' Jesucristo ijtu mi'ojmota'm? Juca ja'ne, jambyuttamʌmij oye ñchʌjquisʌtʌjtamu'cmij.

Gálatas 2:20

Yʌtij tumʌma'mʌyuše'amʌjyʌ' ijtu Cristoji'ŋ cruzcʌsi. Te'cotoya ja'nande' ʌj ijtu yʌtij sino que Cristo'sʌjyʌ' nʌc'ijtʌyupʌ. Y yʌtij ijtuše'ʌj ʌs ŋgüerpo'ojmo, ijtu'ʌj porque nwʌ'aŋjamba'ʌs te' Diojsis 'Yune. Yʌ'wʌ's jene sunu'ʌj y chi'oquia'u wyin wa'yʌj coca'u.

Efesios 3:17

Y nwa'que'tpa'ʌs Dioscʌsi wa'y itjojcʌtʌjcu te' Cristo mumu jama mista'm ndzoco'yojmo porque nwʌ'aŋjamdambamis ñe'cʌ. Y nwa'que'tpa'ʌs wa'y paquic itjojcʌtʌjcu Cristo's šu'noquiuy mi'ojmota'm.

Filipenses 1:11

Y Jesucristo maŋba itjojcʌtʌjcu mista'm ndzoco'yojmo wa'mij ñdyu'ŋajtamu mumu jama masa'najcu'yojmo. Te'šejmis maŋba nyajquejaytyamu Diojsis myʌja'ŋajcuy, y maŋbamis nwʌcotzamdamu.

Colosenses 1:23

Yʌ'šejmij jeque muspa ittamu juca wiyuŋšej paqui mij ittamu te' Cristocʌsipʌ wʌ'aŋja'moquiu'yojmo, y juca nʌmis njo'cjojcʌtʌctamu te' chambapʌ tiyʌ te' evangelio's, te' matoŋušejmis wina. Y yʌ' evangelio nʌ quiopuŋu mumu naswindumʌpʌ pʌ'nojmo. Y ʌj Pablo, Diojsisʌjyʌ' cʌ'weju wa'yʌs ndzamgopuŋu yʌ' evangelio.

Colosenses 1:27

Porque Diojsis nʌ inʌc jyo'cu hasta yʌtij wa'mij nyajquendamu mij, te' gentilta'm, te' oyepʌ y mʌja'ŋbʌ myujsoquiuy jayajqueyapʌ wina. Yʌ'šejte': Itjojcʌtʌcpa Cristo mista'm ndzoco'yojmo y ñe'cʌpit njo'ctambamis mʌja'ŋda'mbʌ tiyʌ minbapʌ aŋsʌ'ŋojmo.

Colosenses 2:6

Como mbʌjcʌchoŋdamumis nwʌ'aŋjamgupyit tʌ Ngomi Jesucristo, te'šej tu'ŋajojcʌtʌctamʌ ñe'cʌji'ŋ.

1 Tesalonicenses 3:5

Te'cotoya como nʌwa'ndʌsmij njamdamu, ŋgʌ'weju'ʌs Timoteo wa'y minu myujsu juca nʌmajmij nwyʌ'aŋja'moytyamu, uytya'mij nwyʌytyamwa'a te' yatziwʌ's y uytya'ndʌj comeque nyojsu miji'ŋda'm.

Hebreos 10:39

Pero tʌta'm, ja'ndʌyʌ' nde'šejta'mbʌ wa'ytyʌ metzatzoco'yajtamu tʌta'm ndocoquiuquiotoya. Pero tʌta'm nʌtʌ nwʌ'aŋjamdamu tʌ Ngomi wa'ytyʌ tzi'tamu quenguy.

1 Juan 2:6

Juca iwʌjutiwʌ nʌmba: Ʌj Cristo's choco'yojmo'ʌj itjojcʌtʌcpa, pyʌcpa wa'y wyijtu Cristo wijtušej.

2 Juan 1:9

Iwʌ's myaŋdochʌcpa y ja'n wyitjojcʌtʌqui te' aŋma'yoyušej Cristo, ja'ndiyʌmaj Diojsis 'Yespiritu ñe' choco'yojmo. Iwʌ witjojcʌtʌcpa aŋma'yoyušej Cristo ñʌc'ijtʌwya'a choco'yojmo tʌ Ndata Diojsis y te' 'Yune's.