San Juan 15:24 - Zoque Copainalá New Testament

²⁴ Juca inʌjcʌs jañchʌcʌ maya'aŋda'mbʌ isaŋwʌ'ajcuy ñe'co'mota'm ya'iwʌ'smaj jachʌctʌ'ʌpʌ, ja'ndiyʌta'm inʌc quiowa. Pero te'šejta'mbʌ tiyʌpit queñajwa'mʌj ʌj y quienjayajque'tu ʌs Ndataj y qui'nišajpatʌj mejtzji'ŋ.

San Juan 15:24 ပူးပေါင်းရင်းမြစ်များ

San Mateo 11:5

Nʌ šʌ'ŋyaju te' to'tita'mbʌ's wyitʌm. Nʌ quia'ŋyaju oye te' mʌ'ŋyajpawʌ. Nʌ quiowajyaju te' yatziputzi'ʌyajupʌ. Nʌ 'yaŋwajyaju quiowi cowita'mbʌ'sñe'. Nʌ wyinsa'yaju te' ca'yajupʌ, y nʌ chamgopuŋjayatʌju te' evangelio te' yacsnu'ajcu'yojmo ijtyajupʌ.

San Mateo 21:32

Porque minu te' Juan Bautista mi'ojmota'm wa'mij 'yaŋmaytyamu jutiwʌte' te' wiyuŋbʌ tuŋ, y janwyʌ'aŋjamdamʌmis. Pero te' tze'coyajpapʌ's, y te' malejyomo'sta'm wyʌ'aŋjamyaju. Y mista'm, ñempemis te'šej ŋguendamu, jaŋguipswitu'tamʌmij ni janwyʌ'aŋjamdamʌmis.

San Mateo 9:33

Y myacpujtu'ctij te' yatzi-espiritu tzamdzamnaquiʌ'yu te' umapʌ inʌc. Y ñʌmaya'yaju te' pʌ'nista'm, y nʌmyaju: Nuncamajtʌ jaŋguiendandʌ'ʌ yʌ'šejpʌ isaŋwʌ'ajcuy Israel-pʌ'nojmo.

San Marcos 2:12

Pijche'ctij tenaqui'mu, pyʌjcu te' quiape-ʌŋguy y tzu'cumu te' wʌwʌta'mbʌ pʌ'nis wyi'naŋdʌjqui. Pijche'ca pa'ŋna ñʌmaya'yaju y myʌja'ŋwʌcotzamyajpa inʌc Dios y nʌmyaju: Nuncamajtʌs jaŋguiendʌ'ʌ yʌ'šej.

San Lucas 24:19

Pijche'ca Jesujsis ñʌjayaju: ¿Tiyʌšejta'mbʌ? Y ñʌjayaju: Tiyʌta'm chʌcjayajupʌ te' Jesús Nazarejtojmowʌ. Te'wʌ mʌja'ŋbʌ tza'maŋwa'oyete' chʌquipit y chamepit Diojsis y pʌ'nista'm wyi'naŋdʌjqui.

San Juan 10:32

Ñʌjayaju Jesujsis: Ndzʌcwa'mʌs sone oyeta'mbʌ tzʌqui mista'm nwi'naŋdʌjqui. ¿Jutipʌ tzʌquicotoya'mʌjte' sunba ndʌŋga'tamu tza'pit?

San Juan 10:37

Juca te' ʌs ndzʌcpapʌ tiyʌ ja'nde' ʌs Ndata's šunbašej, u'yʌj wʌ'aŋjamdame.

San Juan 12:10

Pero te' sacerdote-cowi'na'sta'm chamyaju'ctya'nde' ñe'co'mo wa'y yajca'yajque'tu Lázaro.

San Juan 12:45

Y iwʌ'sʌj quenba ʌj, nʌte' quienu te' cʌ'wejupʌ'sʌj.

San Juan 14:9

Y ñʌjayu Jesujsis: Sone aŋsʌ'ŋa'mʌj ijtu miji'ŋda'm y ¿ja'nmaja'ʌj ispʌqui mis Felipe? Iwʌ'sʌj quenwa'a ʌj, quienjawya'mʌs Ndataj. ¿Tiyajca'nde' ñʌmbamij: Yajquenatʌj mis Ndata Dios?

San Juan 15:21

Pero mumu yʌ'šejta'mbʌ tiyʌ maŋbamij ñchʌcjatʌjtamu porque ŋgowʌ'aŋjamjaytyambamis ʌs nʌy, porque ñe'cʌ'sta'm ja'n ispʌquiay te' cʌ'wejupʌ'sʌj.

San Juan 15:22

Juca inʌjcʌj jaminʌ y yajtiyʌ'ʌs inʌc jañchamjaya ñe'cʌta'm, ja'ndiyʌta'm inʌc quiowa. Pero yʌtij ja'ndiya' tiyʌ wa'y cha'maŋjayaju wa'y jana ijtyaju quiowa.

San Juan 15:23

Iwʌ'sʌj qui'nispa ʌj, qui'nisjaquie'tpa ʌs Ndataj.

San Juan 16:9

Maŋba yajmujšaju que cowapa'tyaju porque ja'nʌj wʌ'aŋjamyay ʌj.

San Juan 3:2

Yʌ'wʌ's minu 'yoto'ŋʌyu Jesús tzu'cʌsi, y ñʌjayu: Maestro, muspatʌs que Diojsismijyʌ' ŋguiʌ'weju wa'mij 'yaŋma'yoyu, porque ya'iwʌ's ja'n musi chʌjcu isaŋwʌ'ajcuy mis ndzʌcpašej juca ja'n quiotzowe Diojsis.

San Juan 5:36

Pero wiyuŋšej muspamisʌj ispʌctamu te' ʌs ndzʌquiajpapʌ tzʌquicʌsi. Te'šejta'mbʌ tiyʌ'sʌj más cota'nu'c cotestigosajyajpa que ja'n Jua'ŋis. Ʌs Ndata'sʌj cʌ'weju wa'yʌj nyojsu. Y te' tzʌqui ʌs ndzʌquiajpapʌ, te'šejta'mbʌ tiyʌ'sʌj cotestigosajpa que ñe'cʌ'sʌj cʌ'weju.

San Juan 6:36

Pero ndzamjaytyamwa'mʌsmij ñempe misʌj ŋguendamʌ ja'nmisʌj nwʌ'aŋjamdame.

San Juan 7:31

Y wyʌ'aŋjamyaju ñe'cʌ wʌwʌ pʌ'nista'm y nʌmyajpa inʌc: Minba'ca te' Cristo, ¿maŋbasʌ'ŋ chʌjcu más isaŋwʌ'ajcuy que ja'n yʌ'wʌ's?

San Juan 9:32

Yajujche'cmajtʌ jamyatoŋdʌ'ʌ juca iwʌ's yajtzoctʌ'wa'a to'titya' pʌ'najupʌ pʌn.

San Juan 9:41

Ñʌjayaju Jesujsis: Juca inʌc ja'ndiyʌ mista'm ŋguipsoquiu'yis šʌ'ŋgʌ' ja'ndiyʌta'm inʌc mis ŋgowa. Pero yʌtij como ñʌmdambamij que sʌ'ŋba mista'm ŋguipsoquiuy ittamu mis ŋgowa.

Hechos 10:38

Diojsis jyo'ʌyu te' Nazarejtojmopʌ Jesús pʌmipit y Espíritu Santopit. Wijtuca'ŋu'c yʌy chʌjcu oyeta'mbʌ tiyʌ, y pa'ŋna tzoquiaju jujche'ŋ nʌ yajtoyapʌquiajupʌ diablo's. Porque ñe'cʌji'ŋbʌte' inʌc Dios.

Hechos 2:22

Israel-pʌnda'm, matoŋdamʌ yʌ'šejta'mbʌ tzame: Yʌ' Nazarejtojmopʌ Jesús quiojtu Diojsis cosujupʌ pʌn mi'ojmota'm. Y yajqueju que cosujupʌte' maya'aŋda'mbʌ chʌquipit, isaŋwʌ'ajcupyit y señalpitta'm. Diojsis chʌjcu yʌ'šejta'mbʌ tiyʌ mi'ojmota'm Jesuspit, mustambaše'amis.

Romanos 1:30

Nu'motoŋyaju, cʌ'oto'ŋʌ'oyaju, qui'nišaju Dios. Tzʌjqui'šca'oyaju, te'ngui'myaju, myʌja'ŋgomʌ'yaju wyin. Quipsaŋgospo'ʌyaju tocoquiuy, jamyato'ŋoyjaya tyatajta'm,

2 Timoteo 3:4

Maŋba itque'tu cʌtza'mʌ'oyajpapʌ, ja'n ñʌcna'tzʌyapyʌ's wyin, mʌjamʌjanayajpapʌ, sʌ'ŋajcuy mye'chajpapʌ's y ja'n Dios.

Santiago 4:4

Ja mijta'm, cʌtzʌjcʌ'oyešejta'm mij. ¿Ja'nja mustame que iwʌ's sunba chʌjcu chʌquiajpašej te' jana wʌ'aŋja'moye'sta'm, te'wʌ's qui'nispa Dios? Te'cotoya iwʌ's sunba chʌcjojcʌtʌjcu te'šejta'mbʌ tiyʌ, te'wʌ's 'yenemigocotzʌcpa Dios.