San Juan 15:20 - Zoque Copainalá New Testament

²⁰ Jamwʌtzʌctamʌ tiyʌta'ma'mʌsmij nʌ ndzamjaytyamu ʌs: Ja'n maŋu más myʌja'ŋgomʌ'yaju te' coyospapʌ que ja'nde' quiomi. Yacsnutzʌquiajuše'ʌj, te'šej mij maŋba nyacsnutzʌcʌtʌjtaŋgue'tu. Juca quiojamjayaju ʌs ndzame, te'šej maŋba quiojamjayajque'tu mista'mne'.

San Juan 15:20 ပူးပေါင်းရင်းမြစ်များ

San Mateo 10:24

Ja'n maŋu más myʌja'ŋgomʌ'yaju te' cʌ'aŋmaye que ja'nde' te' 'yaŋmapyapʌ's. Ni ja'n maŋu más myʌja'ŋgomʌ'yaju te' coyospapʌ que ja'nde' te' quiomi.

San Marcos 10:39

Y nʌmyaju: Mbʌ'mgopajcʌpyatʌs. Pijche'ca Jesujsis ñʌjayaju: Wiyuŋšej maŋbamis ŋguendamu toya, jujcha' ʌs maŋba ŋguenu toya. Y maŋbamij nyacsnutzʌcʌtʌjtamu, jujcha' ʌj maŋba yacsnutzʌquiaju.

San Lucas 2:34

Y ñicomasa'nʌyaju Simeo'ŋis y ñʌjayu te' une's ñanaj María: Yʌtij jeque, yʌ' une quiʌ'weju Diojsis wa'y tyocoyaju y wa'y quiotzoquiaju wʌwʌ te' Israel-pʌnda'm. Tʌjcʌyu jujcha' señal wa'y ya'aŋwaju aŋnaca.

San Lucas 6:40

Ja'n más myujsoye te' cʌ'aŋmaye que ja'nde' te' 'yaŋmapyapʌ's. Pero mumu cʌ'aŋmaye maŋba myujsoyu jujcha'nde' 'yaŋmapyapʌ's, cota'nbʌ'u'ca 'yaŋma'yoquiuy.

San Juan 10:31

Pijche'ca pyʌquiajque'tu tza' judio'sta'm wa'y tyʌŋga'yaju Jesús.

San Juan 11:57

Y te' sacerdote-cowi'na'sta'm, y te' fariseo'sta'm quiojtyaju aŋgui'mguy juca iwʌ's myuspa jutʌ ijtu Jesús, wa'y maŋu chamyaju, wa'y ñuquiaju.

San Juan 13:16

Wiyuŋše'ʌsmij nwiyuŋdzamjaytyamba: Ja'nde' más myʌja'ŋ te' coyospapʌ que ja'nde te' quiomi, ni ja'nde' más myʌja'ŋ te' cʌ'wej que ja'nde' te' quiʌ'wejupʌ's.

San Juan 5:16

Yʌ'šejta'mbʌ tiyʌcotoya ñitzʌquiaju wa'y yacsnutzʌquiaju Jesús te' judio'sta'm. Šunba inʌc yajca'yaju porque chʌcpa inʌc yʌ'šejta'mbʌ tiyʌ sabado-jamo'oyj.

San Juan 7:32

Myatoŋyaju fariseo'sta'm que yʌ'šej inʌc nʌ ñu'mdzamyaju te' pʌ'nista'm. Te'cotoya quiʌ'wejyaju policía te' sacerdote-cowi'na'sta'm y fariseo'sta'm wa'y ñuquiaju.

San Juan 8:51

Wiyuŋše'ʌsmij nwiyuŋdzamjaytyamba, iwʌ's quiojamjapya ʌs ndzame ja'n maŋu quia'u mumu jamacotoya.

San Juan 8:52

Pijche'ca ñʌjayaju judio's: Yʌytyʌs ŋgʌnʌctʌ'pya que ñʌc'ijtʌyumij yatzi-espiritu's. Con que Abrahán ca'u, y ca'yajque'tu tza'maŋwa'oyajpapʌ, y mij ñʌmbamij: Iwʌ's quiojamjapya ʌs ndzame ja'n maŋu quia'u mumu jamacotoya.

San Juan 8:59

Pijche'ca pyʌquiaju tza' wa'y tyʌŋga'yaju. Pero Jesujsis quiʌwʌ'nu wyin, y pujtu te' templo'ojmoc. Y cʌtʌjcu ñe'ta'm quiucmʌ, y maŋu.

Hechos 14:22

Maŋu pyaquitzi'jayaju chocoy te' cʌ'aŋmaye'sta'mñe', y pyʌmitzi'yaju wa'y jana chaquiaju te' wʌ'aŋja'moquiuy, y ñʌjayaju: Wa'ytyʌ ndʌjcʌyu aŋgui'mbamʌy Dios pyʌcpa wa'ytyʌ ndzʌjquisʌtʌjtamu wi'ni eyapʌ toyapʌjcu'yojmo.

1 Corintios 4:12

Ngʌ'pittʌj yospa ne'cʌ. Yatzicotzamyajpatʌj y tʌs oyecotzamyajpatʌs. Yacsnutzʌquiajpatʌj y mbʌ'mgopajcʌpyatʌs.

2 Corintios 4:9

Macnʌwijtyajpatʌj, pero tʌ Ngomi's ja'ndʌj tzaque. Tʌŋguñajpatʌj, pero ja'ndʌj yajca'yay.

1 Tesalonicenses 2:15

Judio'sta'mde' yajca'yaju tʌ Ngomi Jesús y te' ya'acta'mbʌ tza'maŋwa'oye, y nʌtʌj yacsnutzʌquiajque'tu tʌj. Yʌ'ta'mbʌ's ja'n yajtzocopyaquiay Dios, y ni'iwʌ pʌn ja'n pyʌjcʌchoŋyay.

2 Timoteo 3:12

Wiyuŋšej jujche'ŋ wʌ'aŋja'moye sunbapʌ's chijpana-co'ŋu Cristo Jesús, maŋba yacsnutzʌquiatʌju.