San Juan 15:2 - Zoque Copainalá New Testament

² Mumu aŋmaŋ ja'n tyʌ'mapyʌ ʌjpit maŋba tyʌcpʌ'u ʌs Ndata Diojsis. Y mumu jujche'ŋ tʌ'majpapʌ maŋba yajcʌwaju y quiosucsu wa'y más tyʌ'maju.

San Juan 15:2 ပူးပေါင်းရင်းမြစ်များ

San Mateo 13:12

Te' myuspapʌ'sa uša'ŋ, Diojsis maŋba yajmujsa'ŋʌyu wa'y myujsoyu más. Pero te' ja'n suni myujsupʌ's, te' uša'ŋ myuspapʌ tiyʌ maŋba yajʌcʌ'jayaju.

San Mateo 13:33

Chamjayajque'tu Jesujsis eyapʌ comparación, y nʌmu: Yʌ'šejpʌte' te' tzajpojmopʌ aŋgui'mʌtʌjcuy, jujcha' levadura pyʌjcupʌ tumʌ yomo's, y myojtu tuca'y muquipʌ harina-waye'ojmo. Te'wʌ's yajpojqui'mbʌ'u.

San Mateo 15:13

Pero ñe'cʌ's yʌ'šej 'yaŋdzoŋyaju: Te' tzajpojmo ijtupʌ ʌs Ndata Diojsis jañipʌpʌ tiyʌ, wispʌ'papʌ tiyʌte'. Yʌ' fariseota'm yatzi-pa'ajšejta'mbʌyʌ', y ʌs Ndata's maŋba yajyaju.

San Mateo 21:19

Y quienu higo-cuy tey tu'ŋaŋi tome ijtuwʌ. Maŋu mye'tzjayu tyʌm, pero ja'ndiyʌ inʌc tyʌm, saŋ aytyij pya'tjayu, y ñʌjayu: Nunca uy tʌ'majque'temaj. Pijche'ctij tʌjtzu te' higo-cuy.

San Mateo 25:29

Porque te' ijtupʌ'sñe' maŋba chi'a'ŋʌyaju, y maŋba ñʌ'ijtu jana yaye. Y iwʌ'sñe' uša'ŋ te'ša'ŋ ijtu, te' ijtuše'ŋbʌ maŋba yajʌcʌ'jayaju.

San Mateo 3:10

Y te'ya ijtu mejwinbujtupʌ hacha. Jujche'ŋ cuy ja'n chʌquipʌ's oyepʌ tyʌm, tyʌŋyajpa y quiojtyajpa jucʌtʌjcojmo.

San Mateo 3:12

Quiʌ'ojmo ñʌ'ijtu te' trigo-cosu'oquiuy yajcowajpapʌpit ñe' yojsaŋ. Maŋba yajtu'mʌyu te' trigo ñe' troja'ojmo y maŋba pyoŋbʌ'jayu te' šo'c ja'n tyu'ipʌ jucʌtʌjcojmo.

San Mateo 7:19

Mumu cuy ja'n chʌquipʌ's oyeta'mbʌ tʌm, tyʌŋyajpa y quiojtyajpa jucʌtʌjcojmo.

San Marcos 4:20

Te' tʌmbu cuñajuwʌ oyepʌ najsojmo, yʌ'wʌte' te' pʌnda'm myatoŋyajpapʌ's te' tzame y tyumʌtzocoy pyʌjcʌchoŋyajpa. Watzipʌcpa te' tzame y wenepʌ's chʌquiajpa ips-co-mac, y wenepʌ's tuqui's y wenepʌ's mojsi's.

San Lucas 8:13

Y te' tʌmbu cuñajupʌ tza'cotʌjcojmo, yʌ'wʌte' te' pʌnda'm myatoŋyajupʌ's y oma'oma pyʌjcʌchoŋyajupʌ's te' tzame. Pero te' choco'yojmota'm ja'n wyatzipʌqui te' tzame, uša'ŋ horacotoyatij wyʌ'aŋjamyajpa, y minba 'yoc'išatʌju, chaquiajpa te' tzame.

San Juan 15:1

Tzʌctamʌ cuenta que ʌjte' te' wiyuŋšejpʌ uva-a'ŋucu y ʌs Ndata Diojsis te' quiʌyujpapʌ.

San Juan 15:16

Ja'nmisʌjte' mis ŋgopiŋdamu'ʌj sino que ʌsmijte' ŋgopiŋdamu mijta'm. Y ŋgottamu'ʌsmij wa'mis maŋu ndzʌcjaytyamu ʌs Ndata's yoscuy, y uy chaquiaju te' wʌ'aŋja'moquiuy jujche'ŋ wyʌ'aŋjamyajpapʌ's. Te'šejpʌ yoscuy ʌste' sunba. Y tiyʌta'm mis nwa'cjaytyamba ʌs Ndataj ʌs nʌquiʌsi, ñe'cʌ'smij maŋba ñchi'tamu.

San Juan 15:3

Pero mijta'm ŋguiʌwajtamwa'mij te' ʌsmij ndzamjaytyamupʌ tzamepit.

San Juan 15:6

Iwʌ ja'n itjojcʌtʌqui ʌs ndzoco'yojmo, maŋba pyiŋbutpʌ'yatʌju jujcha' ja'n 'yoyepʌ aŋmaŋ y maŋba tyʌjtzu. Y maŋba quiojtyatʌju jucʌtʌjcojmo wa'y pyoŋbʌ'yaju.

San Juan 15:8

Juca jene ndzʌctambamis tʌm, te'wʌcʌsimis nyajquejaytyamba ʌs Ndata's myʌja'ŋajcuy. Y te'šej mis nyajquejtamba que ʌsmijyʌ' ŋgʌ'aŋmayeta'm.

San Juan 17:12

Yʌmya'ʌj ijtu'cše'ŋoyj ñe'cʌji'ŋda'm najsacopajcʌsi ŋgopʌquiajpa'ʌs ŋgotu'šajpa'ʌs inʌc mis mbʌmipit, te' ndzi'yajupʌmisʌj. Ngopʌquiaju'ʌs ŋgotu'šaju'ʌs y nijutipʌ jatyocoya, na' tumʌ te' tocoquiuquiotoya pʌ'najupʌ pʌn. Te'šej tujcu chambašej Totojaye's.

Romanos 11:17

Pero tzatzpʌ'yaju wene 'yaŋmaŋ, y mij, panayupʌ olivo-aŋmaŋšej mij ijtu. Y ŋguiojtyajumij te' tzatzpʌ'yajumʌy wa'mis mbʌcjayu te' wyatzi's ñʌ' y pyʌmi olivo-po'qui'sñe'.

Romanos 11:22

Quenja jeque Diojsis 'yoye'ajcuy y te' ño'ti'ajcuy. Wiyuŋšej te' tzatzpʌ'yajupʌcotoya te' ño'ti'ajcuy, pero mijcotoya te' 'yoye'ajcuy, juca ñe' 'yoye'ajcuy mis ŋgo'ŋjojcʌtʌcjapya. Y juca ja'n te'šej, yajtimij maŋbamij nyajʌcʌ'que'tu.

Romanos 8:28

Y muspatʌs que myaŋjapya oye mumutiyʌ's iwʌ'sta'mis šunba Dios, pero jujche'ŋ Diojsis wyejyatʌju quipsaŋgospo'ʌyušej ñe'cʌ's.

1 Corintios 13:1

Juca ʌs ndzamba pʌ'nista'm y angelejsista'm 'yotowe, pero juca ja'nʌj su'noy, lata aŋjʌquiʌšejpʌtijte' ʌs ndzame, o jujcha' quijliŋbapʌ tʌ'ŋguyšej.

Tito 2:14

Yʌ' Jesucristo's chi'oquia'u wyin wa'y quia'u tʌcotoyata'm wa'ytyʌ jupyuttamu y yajcotzoctamu mumu tʌta'm nyacha'cu'yojmoc. Y te'šej chʌjcu wa'y yajcowajayu tʌta'm ndzocoy wa'ytyʌ pʌjcʌchoŋu jujcha' ñe' 'yune, quiʌñʌñajpapʌ's wa'y chʌquiaju oyeta'mbʌ tiyʌ.

Hebreos 12:15

Coquendamʌ cuenta oye'c uy ya'iwʌ's myatzwindujcu Diojsistʌ sunba tzi'upʌ yajya'moquiuy wa'ytyʌ cotzoŋu. Juca te'šej chʌcpa nʌte' tyaca'yaju chocoy, y te' tacapyʌ tzocopyit maŋba yajtaca'yaju eyata'mbʌ's chocoy.

1 Juan 2:19

Yʌ'ta'mbʌ tʌste' ndu'mʌquiu'yojmoc tzu'cumyaju pero ja'nde' wiyuŋšejta'mbʌ wʌ'aŋja'moye. Juca inʌc tumo'oyj wʌ'aŋja'moyajpa tʌji'ŋ, tzʌ'yjojcʌtʌquiaju inʌc tʌji'ŋ. Pero tzu'cumyaju wa'y quieju que ja'n mumu wyʌ'aŋja'moyay jujcha' tʌta'm.

El Apocalipsis 3:19

Otoŋjayajpa'ʌs y ndapšajpa'ʌs ʌs une suñajpapʌ'ʌs. Te'cotoya tziŋitzʌctamʌ nwin y quipswitu'tamʌ.