San Juan 15:19 - Zoque Copainalá New Testament

¹⁹ Juca inʌc mij ja'n nwyʌ'aŋja'moytyame, te' ja'n wyʌ'aŋja'moyapyʌ's šunʌtʌjtambamij inʌc. Pero como nwyʌ'aŋja'moytyambamij, y ʌsmijyʌ' ŋgopiŋbuttamu te' ja'n wyʌ'aŋja'moyapyo'moc, te'cotoyamijte' ŋgui'nisʌtʌjtamba te' ja'n wyʌ'aŋja'moyapyʌ's.

San Juan 15:19 ပူးပေါင်းရင်းမြစ်များ

San Mateo 10:22

Y mumu pʌ'nismij maŋba ŋgui'nisʌtʌjtamu porque ŋgo'ŋdambamisʌj. Pero iwʌ'sʌj co'ŋjojcʌtʌcpa hasta que ca'pa, te'wʌ maŋba quiotzojcu.

San Mateo 24:9

Te'ta'mbʌ jamo'oyj maŋbamij ŋgui'nisʌtʌjtamu mumu pʌ'nis, y maŋbamij nyacsnutzʌcʌtʌjtamu y nyajca'ʌtʌjtamu porque ŋgo'ŋdambamisʌj.

San Lucas 6:32

Juca suñajpamis na' te' šuñajpapʌ'smij, ¿tiya' ndzʌctamba wʌpʌ tiyʌ? Porque te'šejtijque' te' nʌ quiowapa'tyajupʌ's šuñajpa te' šuñatʌjpapʌ's.

San Juan 13:18

Ja'ʌsmij mumu ndzamdame, muspa'mʌs iwʌta'mʌs ŋgopiŋu. Pero maŋbate' tyujcu chambašej Totojaye's: Te' ʌji'ŋ tumʌcu'tpapʌ's maŋba'ʌj ma'ʌyu.

San Juan 15:16

Ja'nmisʌjte' mis ŋgopiŋdamu'ʌj sino que ʌsmijte' ŋgopiŋdamu mijta'm. Y ŋgottamu'ʌsmij wa'mis maŋu ndzʌcjaytyamu ʌs Ndata's yoscuy, y uy chaquiaju te' wʌ'aŋja'moquiuy jujche'ŋ wyʌ'aŋjamyajpapʌ's. Te'šejpʌ yoscuy ʌste' sunba. Y tiyʌta'm mis nwa'cjaytyamba ʌs Ndataj ʌs nʌquiʌsi, ñe'cʌ'smij maŋba ñchi'tamu.

San Juan 6:70

Y aŋdzoŋutʌj Jesujsis: Mijta'm te' macwʌstʌjca'ytya'mbʌ, ʌsmijte' ŋgopiŋdamupʌ. Pero mi'ojmota'm ijtu tumʌ ñʌc'ijtʌyupʌ yatziwʌ's.

Santiago 4:4

Ja mijta'm, cʌtzʌjcʌ'oyešejta'm mij. ¿Ja'nja mustame que iwʌ's sunba chʌjcu chʌquiajpašej te' jana wʌ'aŋja'moye'sta'm, te'wʌ's qui'nispa Dios? Te'cotoya iwʌ's sunba chʌcjojcʌtʌjcu te'šejta'mbʌ tiyʌ, te'wʌ's 'yenemigocotzʌcpa Dios.

1 Pedro 4:3

Te' cʌtʌquiajupʌ jamo'oyjtya'm ŋgo'ŋdambamis inʌc te' yatzita'mbʌ genti'lista'm chʌqui, te' mba'tpamʌytyʌ jenejenepʌ tocoquiuy, te' tiyʌta'mdʌ jene ŋgueneminbamʌy. Ño'taŋgʌtʌctambamij inʌc y cu'tcuy-šʌ'ŋajcu'yojmo njyucucu'ttambamij inʌc wa'ytyijmis ŋgo'ŋdamu mumu tocoquiuy. Y ja'nmis inʌc ndzactame comichʌqui-wʌ'aŋjamguy qui'nispapʌ Diojsis.

1 Juan 3:12

Uytyʌ ndzʌctamu Cai'ŋis chʌjcušej. Satanajsiste' inʌc ñe', y yajca'u te' pyotzo. ¿Y tiyʌcotoyasʌ'ŋde' yajca'u? Porque te' ñe' chʌqui yatzita'mbʌte' inʌc, y te' pyotzo's chʌqui wʌta'mbʌte' inʌc.

El Apocalipsis 12:17

Pijche'ca te' drago'ŋis jene qui'šca'jayu te' yomo. Y maŋu ñʌquipcʌ'yjayaju te' yomo's 'yune'sta'm quiʌchʌ'yʌ, te' quiojamjayajpapʌ's Diojsis 'yaŋgui'mguy y quiotestigosajyajpa Jesucristo.

El Apocalipsis 12:9

Y tyʌŋdzi'po'tyaju tzajpojmoc te' maya'aŋbʌ dragón, te' ya'acpʌ tzan, ñʌjayajpapʌ diablo y Satanás, te' 'yaŋgoma'cʌ'pyapʌ's mumu najsacopac-pʌn. Tyʌŋdzi'po'tyaju jeque ñe'cʌ y te' 'yangelesta'm najsacopajcʌsi.