San Juan 15:16 - Zoque Copainalá New Testament

¹⁶ Ja'nmisʌjte' mis ŋgopiŋdamu'ʌj sino que ʌsmijte' ŋgopiŋdamu mijta'm. Y ŋgottamu'ʌsmij wa'mis maŋu ndzʌcjaytyamu ʌs Ndata's yoscuy, y uy chaquiaju te' wʌ'aŋja'moquiuy jujche'ŋ wyʌ'aŋjamyajpapʌ's. Te'šejpʌ yoscuy ʌste' sunba. Y tiyʌta'm mis nwa'cjaytyamba ʌs Ndataj ʌs nʌquiʌsi, ñe'cʌ'smij maŋba ñchi'tamu.

San Juan 15:16 ပူးပေါင်းရင်းမြစ်များ

San Mateo 21:22

Oto'ŋʌytyamba'cmis Dios, pyʌcpa wa'mij tumʌtzocoy nwyʌ'aŋja'moyu. Juca te'šej mij nwya'coytyamba maŋbamis mbʌjcʌchoŋdamu.

San Mateo 7:7

Wa'ctamʌ, y ñchi'ʌtʌjtambamij. Me'tztamʌ, y mba'ttambamis. Wejwindzo'ŋoytyamʌ, y 'yaŋdzowatʌjtambamij.

San Lucas 6:13

Y taŋbʌ'nʌmu'ca wyejtu'mʌyu ñe' quiʌ'aŋmaye y ñe'co'mocta'm quiopiŋu macwʌstʌjca'y, y te'ta'mbʌ quiotjayaju ñʌy cʌ'wejta'm.

San Juan 13:18

Ja'ʌsmij mumu ndzamdame, muspa'mʌs iwʌta'mʌs ŋgopiŋu. Pero maŋbate' tyujcu chambašej Totojaye's: Te' ʌji'ŋ tumʌcu'tpapʌ's maŋba'ʌj ma'ʌyu.

San Juan 15:19

Juca inʌc mij ja'n nwyʌ'aŋja'moytyame, te' ja'n wyʌ'aŋja'moyapyʌ's šunʌtʌjtambamij inʌc. Pero como nwyʌ'aŋja'moytyambamij, y ʌsmijyʌ' ŋgopiŋbuttamu te' ja'n wyʌ'aŋja'moyapyo'moc, te'cotoyamijte' ŋgui'nisʌtʌjtamba te' ja'n wyʌ'aŋja'moyapyʌ's.

San Juan 15:5

Ʌjte' te' uva-a'ŋucu, y mijta'mde' te' aŋmaŋda'm. Iwʌ itjojcʌtʌcpa ʌs ndzoco'yojmo, y ʌj ñe' choco'yojmo, yʌ'wʌ jene maŋba tyʌ'maju. Pero iwʌ'sʌj ca'ŋdzacpa yajtiyʌ ja'n ñʌwʌ'ay.

San Juan 6:70

Y aŋdzoŋutʌj Jesujsis: Mijta'm te' macwʌstʌjca'ytya'mbʌ, ʌsmijte' ŋgopiŋdamupʌ. Pero mi'ojmota'm ijtu tumʌ ñʌc'ijtʌyupʌ yatziwʌ's.

Hechos 1:24

Y 'yoto'ŋʌyaju Dios y nʌmyaju: Señor, como ispʌcpamis mumu pʌ'nis chocoy, yajquenatʌj yʌ' metzapo'moc jutipʌ mis ŋgopiŋu

Hechos 1:8

Pero maŋba minu mijcʌsita'm te' Espíritu Santo y maŋbamij ñchi'tamu pyʌmi. Maŋbamisʌj ŋgowʌ'aŋjamdamu Jerusaleŋ-gumgu'yojmo, mumu Judea y Samaria-najsojmo y mumu naswindumʌ.

Hechos 10:41

Pero Diojsis jayajquena mumu pʌn, tʌjtijte' yajquenu copiŋušejtʌj wina Diojsis wa'ytyʌs te'šej ndzamu. Y tʌj cu'tutʌj y ujcutʌj ñe'cʌji'ŋ winsa'u'ca ca'yajupʌ'ojmoc.

Hechos 22:14

Y nʌjayu'ʌj: Tʌ ndata'sta'm Diojsismij ŋguiopiŋu wa'mis musjayu ñe' šu'noquiuy, wa'mis ŋguenu te' Justopʌ, y wa'mis matoŋjayu ñe' 'yotowe.

Hechos 9:15

Pero ñʌjayu tʌ Ngomi's: Mawʌ, porque copiŋupʌ ŋgoyosa ʌsyʌ' yʌ'wʌ wa'y quiotzamjayu ʌs nʌy genti'lista'm wyi'naŋdʌjqui y re'yis y Israel-pʌ'nista'm wyi'naŋdʌjqui.

Romanos 1:13

Pero sunba'ʌs, atzita'm, wa'mis mustamu que sone naca'mʌsmij sunjo'yu ŋgʌ'mindamʌ, pero siempre itpa tiyʌ'sʌj wa'y yajtzʌ'yu. Sunba'ʌj minu wa'yʌs nyajwʌ'aŋjamyaju eyata'mbʌ mi'ojmota'm wʌ'aŋja'moyajušej eyata'mbʌ genti'lojmo.

Romanos 1:5

Yʌ'wʌpit jeque Diojsistʌj tzi'u yajya'moquiuy. Y cʌ'wejutʌj wa'ytyʌs nyajwʌ'aŋjamyaju y wa'y myato'ŋoyaju Cristocʌsipʌ wʌ'aŋja'moquiuy mumu nacio'ŋojmo, y wa'y wyʌcotzamjayaju ñe' ñʌy.

Romanos 15:4

Porque tiyʌta'm ja'yʌyu antes, wa'ytyʌte' aŋmayaju ja'yʌyu, wa'ytyʌ njo'ctamu paciencia'ojmo, y te' Totojaye'stʌ tzamdzocopyacpašej.

Romanos 9:21

¿Ja'nsʌ'ŋ musi chʌjcu te' šalutzʌcpapʌ's tumo'pyʌ motepit tumʌ šalu oyepʌ yoscuquiotoya y eyapʌ ñempetiyʌ yoscuquiotoya?

1 Corintios 10:11

Y quiʌtʌcjayaju ñe'cʌta'm yʌ'šejta'mbʌ tiyʌ's wa'ytyʌ njʌ'ctzʌ'ytyamu nwin. Y ja'yʌyaju wa'ytyʌ aŋmaytyamu, porque tʌta'm co'yajcu'yojmotya'ndʌyʌ' ittamu.

Gálatas 1:15

Pero japyʌ'nʌ'cma'ʌj, Diojsisʌj copiŋu y weju'ʌj ñe' yajya'moquiupyit wa'yʌs nwʌ'aŋjamu.

Efesios 2:10

Diojsis jeque jyomecotzʌcjayu tʌta'm ndzocoy cuando yajtumʌtzʌctamutʌ Cristo Jesusji'ŋ. Te'šej chʌjcu wa'ytyʌ ŋgo'ŋjojcʌtʌctamu te' oyeta'mbʌ tzʌqui Diojsis ñimejcʌyajupʌ wa'ytyʌ ndzʌctamu.

Colosenses 1:23

Yʌ'šejmij jeque muspa ittamu juca wiyuŋšej paqui mij ittamu te' Cristocʌsipʌ wʌ'aŋja'moquiu'yojmo, y juca nʌmis njo'cjojcʌtʌctamu te' chambapʌ tiyʌ te' evangelio's, te' matoŋušejmis wina. Y yʌ' evangelio nʌ quiopuŋu mumu naswindumʌpʌ pʌ'nojmo. Y ʌj Pablo, Diojsisʌjyʌ' cʌ'weju wa'yʌs ndzamgopuŋu yʌ' evangelio.

Colosenses 1:6

Yʌ' evangelio nʌ tyʌjcʌyu entero najsacopac y wʌwʌ pʌ'nis nʌ wyʌ'aŋjamyaju jujcha' wina nu'cu mi'aŋʌta'm. Y wʌwʌ mi'ojmota'mbʌ's wyʌ'aŋjamyaju y quiacpʌ'yaju itcuy myatoŋyaju'c y ñʌctʌ'yaju'c oye jutzmij wiyuŋšej nyajyamdamu Diojsis.

1 Timoteo 2:7

Te'cotoya copiŋu'ʌj y cʌ'weju'ʌj Diojsis wa'yʌs ndzamgopuŋu y wa'yʌs aŋmayaju te' gentilta'm wa'y wyʌ'aŋja'moyaju y wa'y pyʌjcʌchoŋyaju te' wiyuŋbʌ tiyʌ. Ʌj, wiyuŋdzamba'ʌj, ja'nʌj sutzi.

2 Timoteo 1:11

Diojsisʌjyʌ' cojtupʌ cʌ'wej y aŋma'yopyapʌ wa'yʌs ndzamgopuŋu te' evangelio genti'lojmota'm.

2 Timoteo 2:2

Y te' nyajmatoŋupʌ'ʌsmij sonepʌ testigujsis wyi'naŋdʌjqui, nitza'mʌ te' nijamyajpapʌ pʌngʌsitʌ, te' muspapʌ's 'yaŋmayaju eyata'mbʌ.

Tito 1:5

Nimeque'ʌsmij ndzajcu tey Creta-najsoyj wa'mis nduŋdzi'u jayajtuŋgʌpʌcʌpʌ tiyʌmajtʌ, y wa'mis ŋgojtu ancianota'm tumdumʌ cumgu'yojmo, te' ndza'maŋwajayuše'ʌsmij.

Hebreos 11:4

Wyʌ'aŋjamu Abe'lis te' Dios, te'cotoya pyʌjcʌchoŋjayu Diojsis te' chi'oquia'upʌ copʌn, pero japyʌjcʌchoŋja Cai'ŋis chi'oquia'upʌ tiyʌ. Te'cotoya ñʌcma'yʌyu Diojsis te' Abel justopʌ pʌnšej pyʌjcʌchoŋjayu'c chi'oquiuy. Y ñempe ca'u que'naŋgʌschi'ʌpyatʌ wyʌ'aŋjamguy.

Santiago 3:18

Juca pocsupʌ ndzocopyittʌ me'tzpa wa'ytyʌ sʌ'mnayu'c ittamu tʌ ndʌwʌji'ŋda'm, naquiotzowatʌjta'mitʌy ne'co'mo oyeta'mbʌ tzʌquipit wa'ytyʌ sʌ'mnayu'c ittamu.

1 Pedro 3:15

Y cʌna'tzʌytyamʌ tʌ Ngomi Cristo mista'm ndzoco'yojmo y yumijyumi'c aŋdzoŋdamʌ sunbapʌ's myujsu tiyʌcotoya miste' nite'tzʌytyamba Dios.

1 Pedro 3:2

Maŋba wyʌ'aŋjamyaju nʌ'ca quieñaju jutzmij myato'ŋoytyamba y jutzmij nʌ ñdyu'ŋajtamu masa'najcu'yojmo.

1 Juan 4:10

Quendamʌ jutztʌ sundamba Diojsis. Ñempetʌ inʌc tʌ ja'n sundame ñe'cʌ, ñe'cʌ's wiyuŋšej sundambatʌ. Quiʌ'weju te' 'Yune wa'y chi'oquia'u wyin wa'y quioyojayu tʌta'm ŋgowa ca'u'c cruzcʌsi.

1 Juan 4:19

Tʌta'm sundambatʌ Dios, porque ñe'cʌ'stʌ wina sundamu.