San Juan 15:15 - Zoque Copainalá New Testament

¹⁵ Ja'na'ʌsmij coyosašej maŋu ŋgomʌ'ytyamu porque te' coyosa's ja'n myusi tiyʌte' chʌcpa quiomi's. Pero nʌjaytyamwa'mʌsmij que ʌsmijyʌ' amigota'm porque nyajmustamwa'mʌsmij tiyʌta'mʌj yajmatoŋu Ndata's.

San Juan 15:15 ပူးပေါင်းရင်းမြစ်များ

San Mateo 13:11

Y Jesujsis aŋdzoŋutʌj, y nʌmu: Porque Diojsismij nyajmustamba mij te' jayajqueyapʌ tiyʌta'm winata'mbʌ tiempo'ojmo, te' chambapʌ's jutz aŋgui'mba tzajpojmo ijtupʌ Dios. Pero te' eyata'mbʌ pʌn jayajmujša.

San Lucas 10:23

Y tze'ŋwitu'u ijtyajumʌy te' quiʌ'aŋmaye y ñʌnu'mdzamyatʌju: Dichosota'mbʌte' te' quieñajpapʌ's wyitʌmbit te' mis nʌ ŋguendamupʌ tiyʌ.

San Juan 12:26

Juca iwʌ's sunba chʌcjayu ʌs nyoscuy, yajco'ŋa'ʌj. Y maŋbamʌ'yʌj ijtu ʌj teymʌ maŋba itque'tu yosjapyapʌ'sʌj. Juca iwʌ'sʌj sunba yosjayu, te'wʌ maŋba wyi'naŋgojtu ʌs Ndata's.

San Juan 13:16

Wiyuŋše'ʌsmij nwiyuŋdzamjaytyamba: Ja'nde' más myʌja'ŋ te' coyospapʌ que ja'nde te' quiomi, ni ja'nde' más myʌja'ŋ te' cʌ'wej que ja'nde' te' quiʌ'wejupʌ's.

San Juan 15:20

Jamwʌtzʌctamʌ tiyʌta'ma'mʌsmij nʌ ndzamjaytyamu ʌs: Ja'n maŋu más myʌja'ŋgomʌ'yaju te' coyospapʌ que ja'nde' quiomi. Yacsnutzʌquiajuše'ʌj, te'šej mij maŋba nyacsnutzʌcʌtʌjtaŋgue'tu. Juca quiojamjayaju ʌs ndzame, te'šej maŋba quiojamjayajque'tu mista'mne'.

San Juan 16:12

Ijtumaj sone tiyʌta'm wa'yʌsmij ndzamjaytyamu, pero ja'nmis maŋu mbʌ'mgopajcʌytyamu yʌtij.

San Juan 17:26

Y ʌs nyajmujšajwa'mʌs iwʌmijte', y maŋbama'ʌs nyajmujsa'ŋʌyaju. Te'šej maŋba ijtu ñe'ta'm choco'yojmo misne' su'noquiuy, wa'y šu'noyaju jujcha' misʌj ʌj sunba. Y ʌj maŋba'ʌj ijtu ñe'ta'm choco'yojmo.

San Juan 20:17

Y ñʌjayu Jesujsis: U'yʌj pi'quisi, porque jaqui'mʌma'ʌj tzajpojmo Ndata'ŋʌ. Pero mawʌ ijtyajumʌy te' atzita'm, y tzamjaya: Maŋbama'ʌj ŋgui'mu Ndata'ŋʌ, tʌta'm Dios. Maŋbama'ʌj ŋgui'mu Diosaŋʌ, tʌta'm Ndataj.

San Juan 4:19

Ñʌjayu te' yomo's: Señor, nʌctʌ'wya'mʌs que mij ñcha'maŋwa'oyemijyʌ'.

San Juan 8:26

Ijtu sone tiyʌcʌsi'ʌsmij wa'y ŋgotzamdamu y ŋgʌme'tztamu. Pero te' cʌ'wejupʌ'sʌj wiyuŋbʌ Tatajte', y tiyʌ'ʌj yajmatoŋu ñe'cʌ's, te'še'ʌs ndzamjayajpa najsacopajcʌsita'mbʌ.

Hechos 20:27

Porque yajujche'cʌsmij jañcha'maŋjejaytyamʌ mumu Diojsis 'yaŋnʌctza'mʌ'oquiuy.

Romanos 7:15

Porque tiyʌ'ʌs ndzʌcpa ja'ʌs nʌctʌ'i. Tiyʌ'ʌs sunba ja'ʌs ndzʌqui, pero tiyʌ'ʌs ŋgui'nispa, te'wʌ ʌs ndzʌcpa.

1 Corintios 2:16

¿Iwʌ'sasʌ'ŋ myusjayu tʌ Ngomi's quipsoquiuy wa'y te'wʌ's 'yaŋmayu ñe'cʌ? Pero tʌta'm nʌ'itjaytyamwa'ndʌ Cristo's quipsoquiuy.

Gálatas 4:6

Y como 'yuneta'm mij, Diojsis quiojtu te' 'Yune's 'Yespiritu mista'm ndzoco'yojmo, y te'wʌ's wyejwindzoŋba, y nʌmba: Abba, Tatay.

Efesios 1:9

Diojsis nʌtʌ yajmustamu tiyʌta'm quipsu y šunu wina wa'y chʌjcu, te' jayajqueyapʌ tiyʌ ya'ajca. Yajmustambatʌ tiyʌta'm quipsu wa'y chʌjcu Cristopit.

Efesios 3:5

Ya'ajca jeque Diojsis jayajmujša pʌnda'm yʌ' yʌ'šej nʌ yajquejupʌ tiyʌ yʌtij. Pero yʌtij Diojsistʌj nʌ yajmujsu ñe' 'Yespiritu Santopit, jujche'ŋdʌj masanda'mbʌ cʌ'wej y tza'maŋwa'oyeta'm.

Colosenses 1:26

Y yʌ'wʌte' te' ñe' myujsoquiuy jayajqueyapʌ Diojsis ya'ajca winata'mbʌ aŋsʌ'ŋojmo. Pero yʌtij quejuqueju'amis mustamba eyata'mbʌ masanbʌnji'ŋda'm.

Filemón 1:16

Pyʌcpa wa'mis mbʌjcʌchoŋu tʌta'm atzišej, y ja'n saŋgoyospawʌšej, sino que jujcha'ndʌ jene sunbapʌ atzi. Ʌs jene sunba'ʌs, y ŋgomʌ'pya'ʌs que mis más mis sunba, porque mis te'ne' ndʌwʌ, y yʌtij wʌ'aŋja'mopyapʌ atzi'ande'.

Santiago 1:1

Ʌjte' te' Santiago te' Diojsis y Ngomi Jesucristo's quioyosa. Nʌ'ʌs ŋgʌ'weju yʌ' carta wa'yʌsmij ñdyujchi'tamu mijta'm, te' macwʌstʌjca'pyʌ Israe'lis 'yune-winboyata'm, puŋditnayajupʌ najsacopajcʌsi.

Santiago 2:23

Y te'šej tujcu chambašej te' Totojaye's: Wyʌ'aŋjamu Dios te' Abraha'ŋis y te' wyʌ'aŋja'moquiupyit ñʌcma'yʌyu justopʌšej Diojsis y ñʌjayu: Yʌtij mijte' te' ʌs amigo.

1 Pedro 1:11

Te' Cristo's 'Yespiritu te' ijtupʌ inʌc tza'maŋwa'oye'sta'm choco'yojmo, te'wʌ's cha'maŋwajpa inʌc jutz inʌc maŋba tyoyapʌjcu te' Cristo, y jutz Diojsis maŋba inʌc yajmʌja'ŋaju Cristo toyapʌjcu'ca. Y te' tza'maŋwa'oye'sta'm chʌcme'chaju wa'y ñʌctʌ'yaju iwʌte' chamba te' Cristo's 'Yespiritu's y tiyʌ jama maŋba inʌc tyujcu te'šejta'mbʌ tiyʌ.

2 Pedro 1:1

Ʌjte' te' cʌ'wej Simón Pedro, Jesucristo's quioyosa. Atzita'm, nʌ'ʌsmij njayjaytyamu mijta'm, mumu jujche'ŋ wyʌ'aŋjamyajpapʌ's tʌta'm nyajcotzojcopyapʌ Dios, te' Ngomi Jesucristo. Y mijta'm tʌjšejmij sa'sa nwyʌ'aŋja'moytyamba porque tʌ Ngomi justopʌte' wa'ytyʌ tzi'tamu tumduma'ŋbʌn yʌ' sa'sapʌ nwʌ'aŋja'moquiuy.

Judas 1:1

Ʌjte' te' Jesucristo's quioyosa Judas, te' Jacobo's pyotzo. Nʌ'ʌsmij njayjaytyamu jujche'ŋmij nwyeyatʌjtamupʌ wa'mis mato'ŋoyjaytyamu te' Diojsis chame. Tʌ Ndata Diojsis šundambamij y ŋguioquendambamij Jesucristocotoya.

El Apocalipsis 1:1

Yʌ'šejta'mbʌ tiyʌ yajquenu Diojsis te' Jesucristo wa'y yajqueñajque'tu ñe' quioyosata'm tiyʌta'm pyʌcpa jʌ'nʌ'a wa'y tyujcupʌ. Y Cristo's quiʌ'weju 'yangeles wa'yʌj tza'maŋwajayu, ʌj Juan, ñe' quioyosa.