San Juan 15:10 - Zoque Copainalá New Testament

¹⁰ Juca ŋgojamjaytyambamis ʌs aŋgui'mguytya'm, maŋbamisʌj sunjojcʌtʌctamu ʌsmij sunjojcʌtʌctambašej. Ʌs ŋgojamjayu'ʌs Ndata's 'yaŋgui'mguytya'm, y sunjojcʌtʌcpa'ʌs Ndataj ñe'cʌ'sʌj sunjojcʌtʌcpašej.

San Juan 15:10 ပူးပေါင်းရင်းမြစ်များ

San Juan 10:18

Ya'iwʌ'sʌj ja'n musi yajca'u, sino que ne' su'noquiupyi'tʌste' ndzi'oquia'pa nwin. Ijtu ʌs aŋgui'mʌtʌjcuy wa'yʌs ndzi'oquia'u nwin, y ijtu ʌs aŋgui'mʌtʌjcuy wa'yʌj nwinsa'wʌtzʌjcu. Yʌ'šejpʌ aŋgui'mʌtʌjcu'yʌj tzi'u Ndata's.

San Juan 12:49

Porque jañchamʌ'ʌs ne' ŋgo'quips. Ʌs Ndata'sʌj cʌ'weju, y ñe'cʌ'sʌj aŋgui'mu jutzʌj wa'y nʌmu y jutzʌs wa'y ndzamu.

San Juan 14:15

Juca sundambamisʌj, cojamjaytyamʌ ʌs aŋgui'mguy.

San Juan 14:21

Iwʌ's ñʌctʌ'yjapya ʌs aŋgui'mguytya'm y quiojamba, te'wʌ'sʌjte' sunba. Y iwʌ'sʌj sunba ʌj, maŋba šunu ʌs Ndata's, y ʌs maŋba'ʌs sunu, y maŋba'ʌs nyajquenu nwin.

San Juan 14:23

Aŋdzoŋu Jesús: Iwʌ'sʌj sunba, quiojamjapya ʌs ndzame. Y ʌs Ndata's maŋba šunu, y ŋgʌ'minbatʌs ñe'cʌ y minbatʌj ijtu ñe' choco'yojmo.

San Juan 14:31

Pero ʌs ndzʌcpa'ʌs aŋgui'muše'ʌj Ndata's wa'y myujšaju te' ja'n wyʌ'aŋja'moyapyʌ's que ʌs sunba'ʌs Ndata Dios. Tzu'cumdamʌ, y ma'nta'm.

San Juan 17:4

Ʌs nyajqueñajwa'mʌs najsacopajcʌsita'mbʌ pʌn mis mʌja'ŋajcuy. Nyajta'nwa'mʌs te' yoscuy aŋgui'mušejmisʌj wa'yʌs ndzʌjcu.

San Juan 4:34

Nʌjayutʌj Jesujsis: Ʌs, cu'tcuyše'ʌs nʌ'ijtu wa'yʌs ndzʌcjayu ʌs Ndata Diojsis šu'noquiuy. Porque ñe'cʌ'sʌjyʌ' cʌ'weju, y sunba'ʌs nyajtucjayu ñe' yoscuy.

San Juan 8:29

Porque ʌj Ndata'sʌjyʌ' cʌ'weju y ʌji'ŋ ijtu. Jachacʌti'ʌj naytyumʌ Ndata's, porque ndzʌcjojcʌtʌcpa'ʌs šunbašej ñe'cʌ's.

San Juan 8:55

Pero ñe'cʌ ja'nmis ispʌctame, pero ʌs ispʌcpʌ'ʌs. Juca nʌmba'ʌj que ja'nʌs ispʌqui sutzpa inʌjcʌj jujcha' mij šutztamba. Pero ʌs ispʌcpa'ʌs y ŋgojamjapya'ʌs ñe' chame.

1 Corintios 7:19

Wa'ytyʌ circuncidatzʌjcu o wa'ytyʌ jana circuncidatzʌjcu, yajtiyʌ ja'ndʌ nʌwʌ'ajtame, pero nʌwʌ'ajpatʌ wa'ytyʌ ŋgojamjayu te' Diojsis 'yaŋgui'mguytya'm.

1 Tesalonicenses 4:1

Atzita'm, nyajquendamutʌsmij te' Tuŋ jutiwʌmiste' wa'y ŋgo'ŋdamu wa'mis nyajtzocopyactamu Dios. Yʌtij nwa'cjaytyambatʌsmij y aŋnʌctza'mʌytyambatʌsmij tʌ Ngomi Jesujsis ñʌquiʌsi wa'mis te'wʌ ndzijpana-co'ŋdamu.

Hebreos 7:26

Porque te'šejpʌ mʌja'ŋ sacerdotetʌte' inʌc sundamba: Masanbʌ, jaquiowapa'tʌpʌ, cowajupʌ, jamyotapʌ cowatzʌquiji'ŋda'm, y ñʌmaŋu Diojsis más cʌsmʌ que ja'nde' te' tzap.

2 Pedro 2:21

Yʌ'šejta'mbʌ pʌn más inʌc oye juca inʌc yajujche'c ja'ispʌcjaya te' Diojsis wiyuŋbʌ tyuŋ wa'y jʌsa'ca minu chacjayaju uy myato'ŋoyjayaju te' Diojsis masanbʌ 'yaŋgui'mguy pyʌjcʌchoŋyajtʌ'upʌ.

1 Juan 2:3

Juca ŋgojamjapyatʌ te' Diojsis 'yaŋgui'mguy, te'šejtʌ muspa que ispʌctambatʌ ñe'cʌ.

1 Juan 2:5

Pero iwʌ's quiojamjapya te' Diojsis chame, yʌ'šejpʌ pʌ'nis choco'yojmo Diojsis quiotwa'a wiyuŋšejpʌ y cota'nupʌ su'noquiuy. Yʌ'šejtʌ mustamba que Diojsis choco'yojmotʌ ittamu.

1 Juan 2:6

Juca iwʌjutiwʌ nʌmba: Ʌj Cristo's choco'yojmo'ʌj itjojcʌtʌcpa, pyʌcpa wa'y wyijtu Cristo wijtušej.

1 Juan 5:3

Porque juca sundambatʌ Dios, ŋgojamjapyatʌ te' ñe' 'yaŋgui'mguy. Y te' 'yaŋgui'mgu'yis ja'ndʌ yajtoyapʌqui.

El Apocalipsis 22:14

Dichoso te' cotze'yajupʌ quiowapit Ñchowambe's ñʌ'pi'nojmo, porque te'ta'mbʌ Diojsis maŋba chi'yaju lugar wa'y tyʌjcʌyaju te' masanbʌ cumgu'yojmo, wa'y wojnayu'c pya'tyaju te' tʌjcʌquiuy wa'y maŋu quiu'tyaju te' iscuy-quenguquiotoya yospapʌ cu'yis tyʌm.