San Juan 14:6 - Zoque Copainalá New Testament

⁶ Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 14:6 ပူးပေါင်းရင်းမြစ်များ

San Mateo 11:27

Yʌ'šej cha'maŋwajcʌ'yu Jesujsis: Ʌs ŋgʌ'ojmo quiojtu ʌs Ndata Diojsis mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Juan 1:14

Te' Diojsis Chame pʌnwitu'u, y ñe'cʌ tiju wyijtu quia'ŋu tʌ'ojmota'm, wiyuŋdzambapʌ pʌn jyo'ʌyupʌ yajya'moquiu'yis. Nguenjayutʌs myʌja'ŋajcʌ', jujcha' tʌŋdumʌ une chi'pa mʌja'ŋajcʌ' tyata's.

San Juan 1:17

Tʌjcʌyu te' aŋgui'mguy Moisespit. Pero Jesucristopitte' tʌjcʌyu te' yajya'moquiuy y te' wiyuŋbʌ tiyʌ.

San Juan 1:4

Ñe'cʌte' te' iscuy-quenguy. Y te' iscuy-quenguy šajpapʌ ñe'cʌ's, te'wʌ'ste' šʌ'ŋgʌtzʌcjayajpa pʌ'nista'm chocoy.

San Juan 10:28

Y ʌs ndzi'yajpa'ʌs ja'n yayepʌ quenguy. Ja'n maŋu tyocoyaju mumu jamacotoya. Y ya'iwʌ's ja'n musi yajʌcʌ'jayaju ʌs ŋgʌ'ojmoc.

San Juan 10:7

Te'cotoya chamwʌtzʌcjayajque'tu Jesujsis: Wiyuŋše'ʌsmij nwiyuŋdzamjaytyamba: Ʌjte' te' tʌjcʌquiuy te' ñchowambecotoyata'm, y te' ñchowambeta'm pʌnda'mde'.

San Juan 10:9

Ʌjte' te' tyʌjcʌquiuy. Iwʌ ʌjpit tʌjcʌpya maŋba quiotzojcu. Y maŋba pyutpa tyʌjcʌyu y maŋba pya'tu jyamacʌtʌjcuy.

San Juan 14:19

Uša'ŋ horacʌsi ja'nʌj wʌ'aŋjamyapyʌ's ja'namʌj queñajque'temaj, pero mis maŋbamisʌj ŋguenwʌtzʌctamu. Porque ijtu ʌs ŋguenguy ʌsne', te'šejtijque' mista'mne' maŋba itque'tu mista'm ŋguenguy.

San Juan 15:1

Tzʌctamʌ cuenta que ʌjte' te' wiyuŋšejpʌ uva-a'ŋucu y ʌs Ndata Diojsis te' quiʌyujpapʌ.

San Juan 18:37

Pijche'ca ñʌjayu Pilato's: ¿Reyja jeque mijyʌ'? Aŋdzoŋu Jesús: Mijte' nʌ ñʌmu que re'yʌjyʌ'. Minu'ʌj mbʌ'naju najsacopajcʌsi wa'yʌs ŋgotestigosaju wiyuŋbʌ tiyʌ. Te'cotoya'ʌjyʌ' minu. Iwʌ'sta'mis wyʌ'aŋjamyajpa wiyuŋbʌ tiyʌ myatoŋjayajpa ʌs otowe.

San Juan 5:21

Jujcha'nde' ʌs Ndata's muspa yajwinsa'u ca'yajupʌ, y chi'yajpa quenguy, te'šejtijque' ʌs, te' 'Yune's, muspa'ʌs ndzi'u quenguy iwʌta'm ʌs sunba.

San Juan 6:33

Porque te' pan šajpapʌ Ndata Diojsis, te'wʌte' wanajcupʌ tzajpojmoc, y ñe'cʌ'ste' maŋba chi'yaju quenguy te' najsacopajcʌsita'mbʌ pʌn.

San Juan 6:51

Ʌjte' te' pan wanajcupʌ tzajpojmoc, y šajpapʌ's quenguy. Juca iwʌ's wyi'cpa yʌ' pan, maŋba pya'tu ja'n yayepʌ quenguy. Y te' pan ʌs maŋba ndzi'oquia'upʌ, ʌste' ŋgüerpo. Ndzi'oquia'pa'ʌs wa'y pya'tyaju iscuy-quenguy najsacopajcʌsita'mbʌ's.

San Juan 6:57

Ʌs Ndata Dios ñe' pyʌmipit quengu'yʌyu, y ñe'cʌ'sʌj cʌ'weju. Y jutzʌj ʌj ñe'cʌpit quengu'yʌyu, te'šej iwʌ's quiʌ'sjapya ʌs sis pya'twa'a ʌjpit te' ja'n yayepʌ quenguy.

San Juan 6:68

'Yaŋdzoŋu Simón Pedro's: Señor, juca ndzacpatʌsmij, ¿iwa'ndʌs ŋgʌ'maŋba? Mis ndzambamis tiyʌ'stʌ tzi'pa ja'n yayepʌ quenguy.

San Juan 8:32

Y maŋbamis mustamu wiyuŋbʌ tiyʌ, y te' wiyuŋbʌ tiyʌ'smij maŋba ŋguiotzoctamu.

San Juan 8:51

Wiyuŋše'ʌsmij nwiyuŋdzamjaytyamba, iwʌ's quiojamjapya ʌs ndzame ja'n maŋu quia'u mumu jamacotoya.

Hechos 3:15

Nyajca'tamumis te' tzi'papʌ'stʌ iscuy-quenguy. Y te'wʌ yajwinsa'u Diojsis ca'yajupʌ'ojmoc, y te' ŋguenupʌ tiyʌtʌs, te'wʌtʌs ndzamba.

Hechos 4:12

Y eyawʌ's ja'ndʌ musi yajcotzojcu, porque na' ñe' ñʌquiʌsi cotzoquiajpa najsacopajcʌsita'mbʌ pʌn.

Hechos 9:2

Wya'cu ja'yʌyupʌ aŋgui'mguy wa'y myaŋu Damasco'ojmopʌ windʌjcojmota'm, tey wa'y mye'tzu pʌn y yomo, Cristo-wʌ'aŋjamguy ñʌtu'ŋajyajpapʌ's, wa'y ši'nʌmiñaju Jerusale'ŋojmo.

Romanos 15:16

Y te'wʌpi'tʌj cojtu jujcha' Jesucristo's quioyosa te' genti'lojmota'm, y wa'yʌs ndzʌcjayu Diojsis yoscuy 'yevangelio'ojmo. Te'še'ʌj cojtu wa'yʌs nya'aŋguejyaju gentilta'm Diojsis wyi'naŋdʌjqui omombapʌ tzi'oquiuyšej masa'najupʌ Espíritu Santopit.

Romanos 5:2

Ñe'cʌpit mbʌjcʌchoŋjojcʌtʌcpatʌ yʌ' yajya'moquiuy tʌ nwʌ'aŋjamgupyit, y te'cotoya paquitʌ ittamu. Y oma'omatʌ njo'ctamba wa'ytyʌ mbʌjcʌchoŋu tʌ mbarte te' Diojsis myʌja'ŋajcu'yojmo.

Romanos 5:21

Te'šej tujcu, y ca'ʌnʌmjojcʌtʌjcu te' cowapit. Pero te' Diojsis yajya'moquiupyit tzi'patʌ ja'n yayepʌ quenguy tʌ Ngomi Jesucristo's. Mbʌjcʌchoŋbatʌ yʌ' ja'n yayepʌ quenguy te' jyusticiapit te' tzi'papʌtʌ.

1 Corintios 15:45

Y yʌ'šej ja'yʌquie'tu: Te' winbʌ pʌn Adán, quenbapʌ pʌnde' inʌc. Y te' ultimopʌ Adán, espiritute' šajpapʌ's iscuy-quenguy.

Efesios 2:18

Ijtu sʌ'mnaquiuy tʌcotoyata'm porque Cristo's te' ñe' 'Yespiritu Santopit nʌtʌjcʌytyambatʌ, tʌj y mijta'm, Diojsis wyi'naŋdʌjqui.

Colosenses 2:17

Mumu yʌ'šejta'mbʌ tiyʌ cʌmʌŋda'mbʌ tiyʌtijte' inʌc te' maŋba inʌc miñajupʌ tiyʌ'sñe'. Y minu'ctij Cristo yʌy najsacopajcʌsi, te'wʌte' te' wiyuŋbʌ tiyʌ, pijche'c jʌcʌ'u te' cʌmʌŋ.

Colosenses 2:9

Porque Cristo'sñe' wyi'nojmo ñʌ'itpʌ'u mumu Diojsajcuy.

Colosenses 3:4

Cuando minba'ca Cristo, te' tzi'papʌ'stʌ iscuy-quenguy, pijche'cmij maŋba ŋguieñajque'tu mijta'm ñe'cʌji'ŋ ñe' myʌja'ŋajcu'yojmo.

Hebreos 7:25

Te'cotoya ñe'cʌ's muspa yajcotzojcoctuquiaju iwʌ'sta'mis quiʌnu'cʌyajpa Dios ñe'cʌpit. Y como ñe'cʌ ja'n quia'e tzamdʌjcʌyjojcʌtʌctambatʌ.

Hebreos 9:8

Yʌ'wʌcʌsitʌ yajnʌctʌ'ytyamba te' Espíritu Santo's que ja'n inʌc musi ñempe'iwʌ tyʌjcʌyu te' Más Masanbʌ Luga'rojmo nʌmaj yojsu'c te' winbʌ Masanbʌ Lugar.

1 Pedro 1:21

Y yʌtij ñe'cʌpit nite'tzʌytyambamis Dios y njo'ctambamis ndumʌtzocoy te' chamdzi'oquia'upʌ tiyʌ, porque mustambamis que Diojsis yajwinsa'u yʌ' Cristo ca'yajupo'moc y pijche'c yajmʌja'ŋaju ñe' wyi'naŋdʌjqui.

1 Pedro 2:4

Jujcha' tʌctzʌcpapʌ's quiopiŋba tza', te'šej Diojsis quiopiŋu sa'sa aŋguinʌ jejcupʌ Tza' quenbapʌ. Wiyuŋšej pʌ'nista'm jašunʌ pyʌjcʌchoŋya. Yʌ'wʌte' te' Cristo wʌwʌ coyowapʌ tza'. Yajto'mʌytyamʌ mista'm ndzocoy ñe' wyi'naŋdʌjqui.

1 Pedro 3:18

Cristo's tiju quienu toya tumnaca tʌcotoyata'm. Ñe'cʌ justopʌte' y ca'u ja'n jyustota'mbʌcotoya wa'y yajʌ'cʌ'jayu tʌta'm ŋgowa y wa'ytyʌ yajtʌjcʌytyamu Diojsis wyi'naŋdʌjqui. Wiyuŋšej ca'u Cristo's cuerpo pero Diojsis yajwinsa'jayu. Y te' Cristo's ñe' 'yespiritu itjojcʌtʌcpa.

1 Juan 1:8

Juca nʌmdambatʌ que ja'ndiyʌ tʌ ŋgowa, aŋgoma'cʌpyatʌ ne' nwin y ja'ndiyʌ wiyuŋbʌ tiyʌ tʌ ndzoco'yojmo.

1 Juan 2:23

Porque mumu'iwʌ'sta'mis ja'n pyʌjcʌchoŋyay te' Diojsis 'Yune, Tata Dioste' ja'n pyʌjcʌchoŋyay. Y iwʌ'sta'mis pyʌjcʌchoŋjayajpa te' Diojsis 'Yune, pyʌjcʌchoŋyajpa te' Tata Dios.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.

1 Juan 5:6

Yʌ'wʌte' te' Jesucristo te' minupʌ najsacopajcʌsi, y tiju ñʌ'yʌyu. Y yajca'yaju'c cruzcʌsi 'yumbʌ'jayaju ñʌ'pin. Ja'n na' tiju ñʌ'yʌyu, sino que 'yumbʌ'jayaju ñʌ'pin. Y te' Espíritu Santo's quiotestigosajpa, y te' Espíritu wiyuŋdzambapʌte'.

2 Juan 1:9

Iwʌ's myaŋdochʌcpa y ja'n wyitjojcʌtʌqui te' aŋma'yoyušej Cristo, ja'ndiyʌmaj Diojsis 'Yespiritu ñe' choco'yojmo. Iwʌ witjojcʌtʌcpa aŋma'yoyušej Cristo ñʌc'ijtʌwya'a choco'yojmo tʌ Ndata Diojsis y te' 'Yune's.

El Apocalipsis 1:5

Te'šejtʌ tzi'que'tpa Jesucristo's, te' jicapyʌ testigujsis, te' winbʌ winsa'upʌ ca'yajupʌ'ojmoc pʌngotoyata'm. Te'wʌte' te' cowi'na najsacopajcʌsita'mbʌ re'yisñe'. Mʌja'ŋgotzamda'mitʌy yʌ' Cristo, te' sundambapʌ'stʌ, te' yajcotocoyjayupʌ's tʌ ŋgowa 'yumbʌ'u'c ñʌ'pin tʌcotoyata'm.

El Apocalipsis 19:11

Pijche'ca ŋguenu'ʌs Diosaŋʌ aŋwaju te' tzap. Teymʌ'ʌs ŋguenu popopʌ cayu y te' pyocsupʌ's, yʌ'šej inʌc ñʌy: Wiyuŋbʌ y jicapyʌ pʌn porque cʌme'tzopyašej y quijpašej jicapyʌ tiyʌte'.

El Apocalipsis 20:15

Y te' pʌnda'm ja'ndita'mbʌ's ñʌy ja'yʌyupʌ te' libro'ojmo ja'yʌyajumʌy ñʌy te' iscuy-quengu'yojmo maŋba tyʌjcʌyajupʌ'sñe', te'ta'mbʌ maŋba tyʌŋdʌjcʌyatʌjque'tu jucʌtʌcpʌ laguna'ojmo.

El Apocalipsis 22:1

Jʌsa'ca yajquengue'tu'ʌj te' angelejsis tzusnʌpʌ mʌja nʌ', qui'toŋbapʌ jujcha' cristal, šajpapʌ's iscuy-quenguy. Yʌ' mʌja nʌ' nʌ inʌc wyomu Diojsis y Ñchowambe's 'yaŋgui'mʌtʌjcuy-pyocscuquiʌ'mʌ.

El Apocalipsis 22:17

Y te' Espíritu Santo's y te' Ñchowambe's yomo's nʌ ñʌjayaju tumduma'ŋbʌn: Minʌ. Y iwʌ's myatoŋba yʌ' we'oquiuy, yajwejque'ta eyapʌ tyʌwʌ. Y iwʌ yoctʌtzpa, yajcʌ'minʌ Jesús. Y iwʌ's šunba, minʌ yajto'ŋa coyowataca te' nʌ' yospapʌ ja'n yayepʌ quenguquiotoya.

El Apocalipsis 3:14

Y quiu'ya'y ñaco'mo nʌjaquie'tu'ʌj Cristo's: Jayjaquie'ta te' nʌ quioquenupʌ's Laodicea-tu'mʌquiuy. Tzamja te' coque'noye y te' tu'mʌquiuy que ʌjte' te' pʌn que tiyʌ'ʌs ndzamba ndzʌcpapʌ'ʌste'. Ʌjte' te' jicapyʌ y wiyuŋdzambapʌ testigos. Ʌjpitte' tzo'tzu mumutiyʌ Diojsisñe'.

El Apocalipsis 3:7

Y tyujta'y ñaco'mo nʌjaquie'tu'ʌj Cristo's: Jayjaquie'ta te' nʌ quioquenupʌ's Filadelfia-tu'mʌquiuy. Tzamja te' coque'noye y te' tu'mʌquiuy que ʌjte' te' wiyuŋšejpʌ Diojsis Myasanbʌn y que ʌs nʌ'itjayu Davijtis llave, sunba'ʌjte' nʌmu wa'yʌs nyajtʌjcʌyaju aŋgui'mbamʌy Dios. Ʌs jutimʌ'yʌs ya'aŋwajpa, ya'iwʌ's ja'n ya'aŋga'me, y jutimʌ'yʌs ya'aŋga'mba, ya'iwʌ's ja'n musi ya'aŋwaju.