San Juan 14:31 - Zoque Copainalá New Testament

³¹ Pero ʌs ndzʌcpa'ʌs aŋgui'muše'ʌj Ndata's wa'y myujšaju te' ja'n wyʌ'aŋja'moyapyʌ's que ʌs sunba'ʌs Ndata Dios. Tzu'cumdamʌ, y ma'nta'm.

San Juan 14:31 ပူးပေါင်းရင်းမြစ်များ

San Mateo 26:39

Y ma'ŋa'ŋʌyu uša'ŋ y mucscʌne'cu wyinnacapit. 'Yoto'ŋʌyu Tyata Dios y nʌmu: Tatay, yʌ' toya maŋbapʌ'ʌs nʌcʌtʌjcupʌ, juca oye wa'yʌs jana nʌcʌtʌjcu, yajʌcʌ'ja. Pero uy tzʌqui ʌs sunbašej, sino que mis sunbašej.

San Mateo 26:46

Tzu'cumdamʌ, ma'nta'm. Quendamʌ yʌ'ya nʌ ñu'cu te' minbapʌ'sʌj tzi'oquia'u.

San Lucas 12:50

Ijtupʌte' pyena wa'yʌs ŋguenu toya, y jene maya'pa'ʌj ndzoco'yojmo hasta que tucpa.

San Juan 10:18

Ya'iwʌ'sʌj ja'n musi yajca'u, sino que ne' su'noquiupyi'tʌste' ndzi'oquia'pa nwin. Ijtu ʌs aŋgui'mʌtʌjcuy wa'yʌs ndzi'oquia'u nwin, y ijtu ʌs aŋgui'mʌtʌjcuy wa'yʌj nwinsa'wʌtzʌjcu. Yʌ'šejpʌ aŋgui'mʌtʌjcu'yʌj tzi'u Ndata's.

San Juan 12:27

Yʌtij maya'a'ŋʌj nʌ ndoyapʌjcu ndzoco'yojmo. ¿Tiya'mʌs ndzamjaytyʌ'wa' Ndataj? ¿Maŋbasʌ'ŋʌs nʌjayu: Tatay, yajcotzoca'ʌj yʌtijpʌ'ʌs ndoyapʌjcu'yojmo? Ja'nde, ja'ʌs ndzame te'šej, porque nu'cupa'yʌ' hora wa'yʌj ndoyapʌjcu.

San Juan 12:49

Porque jañchamʌ'ʌs ne' ŋgo'quips. Ʌs Ndata'sʌj cʌ'weju, y ñe'cʌ'sʌj aŋgui'mu jutzʌj wa'y nʌmu y jutzʌs wa'y ndzamu.

San Juan 13:1

Maŋba'cmaj ñu'cu te' pascua-sʌŋ, myuspa inʌc Jesujsis que nu'cuwa'nde' te' hora wa'y chu'cumu yʌ' najsacopajcʌsi wa'y myaŋu Tata Diosaŋʌ. Como jene šunu te' ñe'ta'm najsacopajcʌsi ijtyajupʌ, maŋba inʌc yajqueñaju jutz inʌc šuñajpa.

San Juan 15:9

Jujcha' ʌs Ndata'sʌj sunba, te'šej ʌsmij sundaŋgue'tpa. Sunjojcʌtʌctamʌ'ʌj ʌsmij sunjojcʌtʌctambašej.

San Juan 18:11

Pijche'ca ñʌjayu Jesujsis te' Pedro: Cota ñaco'mo mis espada. Te' minu'ʌs ŋguenupʌ toya ʌs Ndata'sʌj nimejcʌyjayupʌ, te'wʌ pyʌcpapʌte' wa'yʌs nʌcʌtʌjcu.

San Juan 4:34

Nʌjayutʌj Jesujsis: Ʌs, cu'tcuyše'ʌs nʌ'ijtu wa'yʌs ndzʌcjayu ʌs Ndata Diojsis šu'noquiuy. Porque ñe'cʌ'sʌjyʌ' cʌ'weju, y sunba'ʌs nyajtucjayu ñe' yoscuy.

Filipenses 2:8

Y yʌy najsacopajcʌsi'a ijtu'c pʌnšej, yajyumi'aju wyin, y myato'ŋoyjayu Dios mumutiyʌcʌsi. Y chi'oquia'u wyin wa'y yajca'yaju. Y cruzcʌsi ca'u.