San Juan 14:3 - Zoque Copainalá New Testament

³ Y juca maŋba ʌj, y nimejcʌyjaytyamba'ʌsmij lugar, mingue'tpati'ʌj. Y ʌstijmij minba mbʌctaŋgue'tu wa'y jutʌ'ʌj ijtu ʌj teymʌ mij maŋba ittaŋgue'tu.

San Juan 14:3 ပူးပေါင်းရင်းမြစ်များ

San Juan 12:26

Juca iwʌ's sunba chʌcjayu ʌs nyoscuy, yajco'ŋa'ʌj. Y maŋbamʌ'yʌj ijtu ʌj teymʌ maŋba itque'tu yosjapyapʌ'sʌj. Juca iwʌ'sʌj sunba yosjayu, te'wʌ maŋba wyi'naŋgojtu ʌs Ndata's.

San Juan 14:28

Matoŋdamwa'mis jutzʌsmij ndzamjaytyamu: Maŋba'ʌj Ndata Diosaŋʌ, y mingue'tpati'ʌj mi'ojmota'm. Juca wiyuŋšej misʌj sundamba nʌ'omdambamis inʌc, porque nʌtzamdamwa'mʌsmij que maŋba'ʌj Ndata'ŋʌ. Porque ʌs Ndataj más mʌja'ŋ que ja'n ʌj.

San Juan 14:4

Mustambamis jutʌ'ʌj maŋba ʌj, y mustaŋgue'tumis te' tuŋ.

San Juan 17:24

Tatay, sunba'ʌs wa'y maŋu ijtyajque'tu ʌji'ŋ maŋbamʌ'yʌj ijtu, yʌ' misʌj ndzi'yajupʌ pʌn, wa'y quieñaju jutz misʌj nyajmʌja'ŋaju, porque sunumisʌj.

Hechos 1:11

Yʌ'ta'mbʌ's ñʌjayaju te' cʌ'wejta'm: Galilea-pʌnda'm, ¿tiyajca'nde' nʌ ŋguiendamu tzajpojmo? Yʌ' Jesús, yajqui'mupʌ Diojsis tzajpojmo mista'm nwi'naŋdʌjqui, nguendamušejmis nʌ myaŋu'c tzajpojmo, te'šejtij maŋba mingue'tu.

Romanos 8:17

Y juca 'yuneta'mdʌ, maŋbatʌ nʌtzʌ'ytyamu mbarte Diojsistʌ maŋba tzi'tamupʌ. Cristoji'ŋdʌ maŋba mbʌjcʌchoŋdamu mbarte. Juca tumʌ'ajcu'yoyjtyʌ toyapʌctamba ñe'cʌji'ŋ, tumʌ'ajcu'yoyjtyʌ maŋba yajmʌja'ŋajtamu ñe'cʌji'ŋ Diojsis.

Filipenses 1:23

Yʌ' metzapʌ tiyʌ'sʌj yajmetzaŋdzoco'yajpa. Sunbati'ʌj ŋga'que'tu wa'yʌj maŋu ndumʌ'ijtu Cristoji'ŋ, y muspa'ʌs que ñe'cʌji'ŋbʌ tumʌ'itcuy te'wʌte' te' más oyepʌ.

2 Tesalonicenses 1:12

Yʌ'šejta'mbʌ tiyʌtʌs nwa'cpa wa'y myʌja'ŋwʌcotzamjayaju tʌ Ngomi Jesujsis ñʌy mijpitta'm, y wa'mij nwyʌcotzamʌtʌjtaŋgue'tu mijta'm ñe'cʌpit. Yʌ'šejta'mbʌ tiyʌ maŋba tyujcu te' Diojsis y tʌ Ngomi Jesucristo's yajya'moquiupyit.

2 Timoteo 2:12

Juca sʌ'mnayu'ctʌ mbʌ'mgopajcʌpya toya, Te'šejtijtʌ maŋba aŋgui'mdaŋgue'tu ñe'cʌji'ŋ. Juca nʌmbatʌ que ja'ndʌ ŋgo'ispʌqui Cristo, Te'šejtijque' ñe'cʌ maŋba ñʌmu que ja'ndʌ co'ispʌqui.

Hebreos 9:28

Wiyuŋšej te'šej tumnacatij ca'que'tu Cristo wa'y yajʌcʌ'jayu pʌ'nista'm quiowa. Pero maŋba minwʌtzʌjque'tu ja'n wa'y yajʌcʌ'jayu pʌ'nista'm quiowa, sino que wa'y minu yajcotzojcoctuquiaju jujche'ŋ nʌ jyo'quiajupʌ's.

El Apocalipsis 3:21

Iwʌ's ñʌwʌ'ajpa, te'wʌ maŋba'ʌs nyajpocsu ʌji'ŋ wa'ytyʌj tumʌ'aŋgui'mu ʌsne' aŋgui'mʌtʌjcuy-pyocscu'yojmo, jujcha' ʌs nʌwʌ'aju y pocsu'ʌj Ndataji'ŋ ñe' 'yaŋgui'mʌtʌjcuy-pyocscu'yojmo.