San Juan 14:27 - Zoque Copainalá New Testament

²⁷ Sunba'ʌs wa'mij sʌ'mnayu'c ittamu, ʌj sʌ'mnayu'c itpašej te'še'ʌs sunba wa'mij sʌ'mnayu'c ittamu. Te' ja'n wyʌ'aŋja'moyapyʌ's ñʌjaytyambamij wa'y ittamu mista'm sʌ'mnaquiuy, pero ʌs ja'ʌs te' najsacopac sʌ'mnaquiuy ndzame. Uy yajopi'ttame mista'm ndzocoy, ni uy na'tztame.

San Juan 14:27 ပူးပေါင်းရင်းမြစ်များ

San Mateo 10:26

Te'šej jeque, uy na'tztame tiyʌmij maŋba ñchʌcjatʌjtamu. Ja'ndiyʌ yajtiyʌ nu'mdijpʌ ja'n maŋu quiejupʌ, ni tiyʌ'iwʌ quiʌwʌ'ñajupʌ ja'n maŋu myujšajupʌ.

San Lucas 1:79

Te'šej maŋba chʌjcu wa'y šʌ'ŋgʌtzʌcjayaju pi'tza'ŋajcu'yojmo ijtyajupʌ's chocoy, te' maŋba inʌc quia'yajupʌ. Y maŋbatʌ tuŋdzi'tamu wa'ytyʌ maŋu sʌ'mnaquiu'yojmo.

San Lucas 10:5

Y jutipʌ tʌjcojmomij ñdyʌjcʌytyamba, winac nʌmdamʌ: Sunba'ʌs wa'y Diojsismij ñchi'tamu sʌ'mnaquiuy yʌ' tʌjcoyj.

San Lucas 12:4

Amigota'm, ʌsmij nʌjaytyamba: Uy na'tztame yajca'jayajpapʌ's mista'm ŋgüerpo, y jʌsa'ca ja'namij yajtiyʌ musi ñchʌcjatʌjtamu.

San Lucas 2:14

Wʌcotzamda'mitʌy Dios tzajpojmopʌ, Chi'papʌ's sʌ'mnaquiuy te' najsacopajcʌsita'mbʌ pʌn, te' ñe'cʌ's yajyambapʌ.

San Juan 14:1

Uy yajopi'ttame mista'm ndzocoy. Nwʌ'aŋjamdambamis Dios, wʌ'aŋjamdaŋgue'ta'a ʌj.

San Juan 16:33

Yʌ'šejta'mbʌ tiyʌ'ʌsmij ndzamjaytyamu wa'mij sʌ'mnayu'c ittamu ʌs nʌ ndzamyajupʌ tiyʌpit. Maŋbamis ŋguendamu toya najsacopajcʌsi, pero paquitzoco'yajtamʌ, nwʌwya'mʌs najsacopajcʌsi quiʌñʌñajpapʌ tiyʌ.

San Juan 20:19

Nʌ inʌc chu'yanʌmu'c pitpʌ jamo'oyj te' winbʌ jama semana'sñe', tumʌ ijtutʌ inʌc ŋgʌ'aŋmaye-tʌwʌji'ŋda'm. Aŋgʌyutʌs te' tʌc porque nʌtʌs inʌc na'chaju judiota'm. Aŋgʌyupʌ tʌjcojmotʌj ijtu'c, tʌs ŋgucmʌ yajqueju wyin Jesujsis, y nʌjayutʌj: Yajsʌ'mnaytyamʌ ndzocoy.

San Juan 20:21

Pijche'ca nʌmwʌtzʌcjaquie'tutʌj Jesujsis: Yajsʌ'mnaytyamʌ ndzocoy. Jujcha'mʌj ʌj cʌ'weju te' Tata Diojsis wa'yʌs minu ndzʌcjayu ñe' yoscuy, te'še'ʌsmij ŋgʌ'wejtaŋgue'tpa mijta'm.

San Juan 20:26

Cʌtʌjcu'ca tucutujta'y jama te'yandʌ tu'mʌquie'tu'c ŋgʌ'aŋmaye-tʌwʌji'ŋ, tey inʌc ijtu Tomás. Minu Jesús te' aŋgʌyupʌ tʌjcojmo y quiojtu wyin tʌs ŋgucmʌ, y nʌjayutʌj: Yajsʌ'mnaytyamʌ ndzocoy.

Hechos 10:36

Diojsis quiʌ'weju pʌnda'm wa'y chamgopuŋjayaju te' Israel-pʌnda'm te' evangelio tzi'papʌ'stʌ sʌ'mnaquiuy Jesucristopit. Yʌ'wʌte' te' Cowi'na mumu pʌ'nisñe'.

Hechos 18:9

Pijche'ca te' tzu'oyj quene'ojmo ñʌjayu tʌ Ngomi's te' Pablo: Uy na'tze, sino que tzamgopuwʌ, y uy tza'maŋjeye,

Romanos 1:7

Sunba'ʌs wa'mij nyajyamdamu y wa'mij ñchi'tamu sʌ'mnaquiuy tʌ Ndata Diojsis y tʌ Ngomi Jesucristo's. Nʌ'ʌsmij njayjaytyamu mumu jujche'ŋmij ittamupʌ Roma'ojmo, šundambapʌmij Diojsis, y nwyejtamuše'ŋmij wa'mij myasa'najtamu.

Romanos 15:13

Y te' Dios, te' nite'tzʌytyambapʌmis, ñe'cʌ'smij nyajo'ʌytyamʌ wiyuŋšejpʌ omapit y sʌ'mnaquiupyit, porque nʌmis nwʌ'aŋjamdamu ñe'cʌ. Y te'šej wa'mis nite'tzʌyjojcʌtʌctamu te' Espíritu Santo's pyʌmipit.

Romanos 5:1

Justococottamwa'ndʌ Diojsis tʌ nwʌ'aŋjamgupyit, y te'cotoya ittamu tʌ sʌ'mnaquiuy Diojsis wyi'naŋdʌjqui tʌ Ngomi Jesucristopit.

Romanos 5:10

Ngui'nistamba'cmajtʌ Dios, ñe'cʌ's chʌjcu našunʌtʌjcuy ñe'cʌji'ŋ te' 'Yune's quia'aŋbit. Mastejca' yʌtij našunʌtʌjpa'candʌ ñe'cʌji'ŋ, muspatʌ que te' 'Yune's quiengupyit cotzoctambatʌ.

Romanos 8:6

Juca ŋgotpatʌ ŋguipsoquiuy tʌ ne' nwi'nis šunbapʌ tiyʌcʌsi maŋbatʌ ŋga'tamu. Pero juca ŋgotpatʌ ŋguipsoquiuy Espiritu's šunbapʌ tiyʌcʌsi maŋbatʌ mba'ttamu quenguy y sʌ'mnaquiuy.

1 Corintios 1:3

Sunba'ʌs wa'mij nyajyamdamu y wa'mij ñchi'tamu sʌ'mnaquiuy tʌ Ndata Diojsis y tʌ Ngomi Jesucristo's.

Gálatas 1:3

Sunba'ʌs wa'mij nyajyamdamu y wa'mij ñchi'tamu sʌ'mnaquiuy tʌ Ndata Diojsis y tʌ Ngomi Jesucristo's.

Gálatas 5:22

Pero te' Espíritu Santopit našunʌtʌjtambatʌ, oma'oma y sʌ'mnayu'ctʌ ittamba. Nʌmaŋjayajpatʌ paciencia ndʌwʌ, itpatʌ wʌpʌ-pʌ'najcuy, to'ya'ŋʌ'oquiuy y ñempetiyʌcʌsitʌ nijamʌtʌjtamba.

Gálatas 6:16

Y mumu te' tu'ŋajyajpapʌ yʌ' aŋma'yoquiu'yojmo sunba'ʌs wa'mij ñchi'tamu sʌ'mnaquiuy y wa'mij ñdyo'ya'ŋʌytyamu Diojsis. Sunba'ʌjte' nʌmu wa'mij ñchi'tamu te'šej jujche'ŋmis nwʌ'aŋjamdamba Dios, y mijta'mde' te' wiyuŋšejpʌ Israel-pʌnda'm Diojsisñe'.

Filipenses 4:7

Y Diojsis maŋbamij ñchi'tamu sʌ'mnaquiuy, y yʌ' sʌ'mnaquiu'yismij más ŋguiotzoŋdamba que ja'nde pʌ'nista'm ñʌctʌ'yoquiu'yis. Y yʌ' sʌ'mnaquiupyit maŋba quioquenjayu Diojsis mista'm ndzocoy y ŋguipsoquiuy, porque Cristo'smijte'ñe'.

Colosenses 1:2

nʌtʌsmij njayjaytyamu jujche'ŋmij Diojsis jicapyʌ y myasanbʌnda'm te' Colosas-cumgu'yojmomij ittamupʌ. Y mista'm, tumʌtzocoy nwʌ'aŋjamdambamis Cristo. Sunbatʌs wa'mij nyajyamdamu y wa'mij ñchi'tamu sʌ'mnaquiuy tʌ Ndata Diojsis y tʌ Ngomi Jesucristo's.

Colosenses 1:20

Y Cristopit yajtumʌtzʌjcu Diojsis mumutiyʌ ñe'cʌcotoya, te' najsacopajcʌsita'mbʌ tiyʌ y te' tzajpojmota'mbʌ, porque ca'u'c te' Cristo cruzcʌsi, 'yumbʌ'u ñʌ'pin pʌngotoyata'm wa'y chʌjcu našunʌtʌjcuy pʌnji'ŋ y Diosji'ŋ.

Colosenses 3:15

Y tzi'tamʌ lugar Cristo, ñe'cʌ's wa'y yajsʌ'mjaytyamu mista'm ndzocoy, porque te'šej šunba ñe'cʌ's wa'mij ñdyumʌtzʌctamu y wa'mij ittamu sʌ'mnaquiu'yojmo. Y nʌmdamʌ: Yʌscotoya chʌcpa Diojsis.

2 Tesalonicenses 1:2

Sunbatʌs wa'mij nyajyamdamu y wa'mij ñchi'tamu sʌ'mnaquiuy tʌ Ndata Diojsis y tʌ Ngomi Jesucristo's.

2 Tesalonicenses 3:16

Sʌ'mnaquiuy Diojsistʌte' tzi'pa, y sunbatʌs wa'mij ñchi'taŋgue'tu mijta'm. Y sunbatʌs wa'y ijtu tʌ Ngomi mumu miji'ŋda'm.

2 Timoteo 1:7

Porque Diojsis pʌmitzi'wa'ndʌ wa'ytyʌ jana na'tztamu, sino que wa'ytyʌ mbaquipʌjcu y su'noyu y njʌ'ctzʌ'yu nwin.

Hebreos 13:20

Diojsis yajwinsa'u tʌ Ngomi Jesucristo ca'yajupʌ'ojmoc. Yʌ'wʌte' te' mʌja'ŋbʌ ñchowambe-coque'noye, y ñe' ñʌ'pinbit tujcu te' ja'na yayepʌ trato. Yʌ' Dios, yajwinsa'upʌ's Jesús, yʌ'wʌ'ste' šajpa sʌ'mnaquiuy.

Hebreos 7:2

Y yʌ' Melquisedejcʌsi quioyoju Abraha'ŋis diezmo mumu ñʌwʌ'ajupʌ tiyʌ'sñe'. Te' nʌy Melquisedec sunbate' ñʌmu justopʌ rey, y te' Salem-gumgu'yis ñʌy sunbate' ñʌmu sʌ'mnaquiuy. Te'cotoya sʌ'mnaquiu'yistijte'que' rey te' Melquisedec.

El Apocalipsis 1:4

Ʌs Juan, nʌ'ʌsmij njayjaytyamu yʌ' ŋguenupʌ tiyʌ'ʌs, mijta'm te' cu'ya'ytya'mbʌ Diojsis tyu'mʌquiuy Asia-najsojmo ijtyajupʌ. Sunba'ʌs wa'y itjojcʌtʌjcu mi'ojmota'm yajya'moquiuy y sʌ'mnaquiuy tzi'papʌtʌ tʌ Ngomi Diojsis y ñe' cu'ya'pyʌ Espiritu's. Tʌ Ngomi Dios, jeque, ñe'cʌte' te' ijtupʌytya' inʌc, yʌtij tzajpojmo ijtupʌ, te' maŋba minupʌ. Y ñe' cu'ya'pyʌ Espíritu, Diojsis aŋgui'mʌtʌjcuy-pyocscu'yis wyi'naŋdʌjqui ijtyaju.

El Apocalipsis 2:10

Pero uy na'tztame te' maŋbamis ŋguendamupʌ toya. Yʌtij jeque te' diablo's maŋba yajsomatʌju iwʌjutiwʌ mi'ojmota'mbʌ wa'mij ñchʌjquisatʌjtamu toyapʌjcu'yojmo. Y majca'y jamamij maŋba nyacsnutzʌcʌtʌjtamu. Paquic ittamʌ nwʌ'aŋjamgu'yojmo hasta que ŋguia'tambamij, y ʌsmij maŋba ndzi'tamu jujcha' corona te' iscuy-quenguy wa'yʌsmij nyajmʌja'ŋajtamu.

El Apocalipsis 21:8

Pero te' mochcʌtʌŋyajpapʌ y te' ja'n wyʌ'aŋja'moyapyʌ, y te' mʌjša'ŋda'mbʌ pʌn, y te' yajca'oyajpapʌ, y te' ispʌquitzʌquiajpapʌ, y te' brujota'mbʌ, y te' quiʌna'tzʌyajpapʌ's comichʌqui y jujche'ŋ sujchajpapʌ, mumu maŋba quiojtyatʌju jucʌtʌcpʌ laguna'ojmo azufre's nʌ ñʌnemupʌ. Te'wʌte' te' myetzo'mopʌ ca'aŋ.