San Juan 14:24 - Zoque Copainalá New Testament

²⁴ Iwʌ'sʌj ja'n suni, ja'n quiojamjay ʌs ndzameta'm. Y te' tzame matoŋdamupa'mis ja'nde' ʌsne' ŋgo'quips ndzame, sino que ʌs Ndata'sñe' te' cʌ'wejupʌ'sʌj.

San Juan 14:24 ပူးပေါင်းရင်းမြစ်များ

San Mateo 19:21

Ñʌjayu Jesujsis: Juca sunbamis ndzʌcta'nu Diojsis šunbašej, ma ma'ʌpyʌ'ʌ ndiyʌta'm mis ijtu y tzi'ya te' tumin te' yacsnuwijtyajpapʌ. Te'šej maŋbamij itʌpa'tu tzajpojmo. Y minʌ co'ŋa'ʌj.

San Juan 14:10

¿Y ja'nja nwʌ'aŋjamdame que ʌj, ʌs Ndata's choco'yojmo'ʌj ijtu, y ʌs Ndataj ijtu ʌsne' ndzoco'yojmo? Y tiyʌta'mʌsmij ndzamjaytyamba ja'nde' ʌsne' ŋgo'quips ndzame, sino que ʌs Ndata'sñe', te' ʌs ndzoco'yojmo ijtupʌ, jujche'ŋ wʌta'mbʌ tiyʌ ñe'cʌ'ste' chʌcpa.

San Juan 14:15

Juca sundambamisʌj, cojamjaytyamʌ ʌs aŋgui'mguy.

San Juan 14:25

Yʌ'šejta'mbʌ tiyʌ'ʌsmij ndzamjaytyamu yʌmya'ʌj ijtu'cše'ŋoyj miji'ŋda'm.

San Juan 3:11

Wiyuŋše'ʌsmij nwiyuŋdzamjapya, tiyʌ tʌs muspa te'wʌ tʌs ndzamba. Y tiyʌ tʌs ŋguenu te'wʌ tʌs ŋgotestigosajpa. Y ja'nmis mbʌjcʌchoŋjaytyame tʌs ŋgotestigosajpapʌ tiyʌ.

San Juan 3:34

Iwʌ pʌn Diojsis quiʌ'weju, Diojsis chame chamjapya. Diojsis ja'n quiotzu'tzajay ñe'cʌ te' Espíritu Santo, sino que chi'pa jana yaye.

San Juan 5:19

Pijche'ca 'yaŋdzoŋyaju Jesujsis y ñʌjayaju: Wiyuŋše'ʌsmij nwiyuŋdzamjaytyamba: Ʌjte' te' 'Yune y ja'ʌs musi ndzʌjcu yajtiyʌ ne' su'noquiupyit, sino que ŋguengʌspʌcpa'ʌs Ndatajcʌsi. Porque tiyʌ chʌcpa ʌs Ndata's, te'še'ʌs ndzʌjque'tpa ʌs.

San Juan 5:38

Ni jañʌ'itjaytyamʌmis ñe' chame mista'm ndzoco'yojmo, porque ja'nmisʌj nwʌ'aŋjamdame ʌj, y ñe'cʌ'sʌjte' cʌ'weju.

San Juan 7:16

'Yaŋdzoŋyaju Jesujsis: Ʌsmij aŋmaytyambapʌ tiyʌ, ja'nde' ʌsne' aŋma'yoquiuy, sino que ijtu iwʌ'sʌj cʌ'weju. Ñe' 'yaŋma'yoquiupyit nʌ'ʌsmij aŋmaytyamu.

San Juan 7:28

Nʌ inʌc 'yaŋma'yoyu Jesús te' judio-templo'ojmo. Pijche'c weju'c nʌmu: Ispʌctambamisʌj y mustambamis jutʌpʌ'ʌjyʌ', pero te' wiyuŋšejpʌ Diojsisʌjte' cʌ'weju, y ñe'cʌ ja'nmis ispʌctame mista'm.

San Juan 8:26

Ijtu sone tiyʌcʌsi'ʌsmij wa'y ŋgotzamdamu y ŋgʌme'tztamu. Pero te' cʌ'wejupʌ'sʌj wiyuŋbʌ Tatajte', y tiyʌ'ʌj yajmatoŋu ñe'cʌ's, te'še'ʌs ndzamjayajpa najsacopajcʌsita'mbʌ.

San Juan 8:28

Te'cotoya ñʌjayajque'tu Jesujsis: Ʌjte' te' tzajpojmoc minupʌ. Nyajqui'mdamba'camisʌj cruzcʌsi, pijche'c mis maŋba nʌctʌ'ytyamu que ʌjte' maŋba minupʌ inʌc, y que ja'ʌs ndzʌqui ne' su'noquiuy. Aŋmayuše'ʌj Ndata's, te'wʌ ʌs ndzamba.

San Juan 8:38

Ndzamba'ʌs tiyʌ'ʌs ŋguenu ʌs Ndata's wyi'naŋdʌjqui. Y mista'm ndzʌctambamis tiyʌmis matoŋdamu mista'm ndata's wyi'naŋdʌjqui.

San Juan 8:42

Pijche'ca Jesujsis ñʌjayaju: Juca inʌc Dios mista'm Ndataj, wiyuŋšej sundambamisʌj inʌc ʌj, porque ʌj, tzu'cumu'ʌj ijtumʌy Dios, y minu'ʌj yʌy. Jaminʌ'ʌj ne' su'noquiupyit, ñe'cʌ'sʌjyʌ' cʌ'weju.